Wegɔnévɔlenu 13 - Kazambale lé Sebe Sauunu 1979

¹ Wedɔɔ be éé tɔné dɔa é ti lé wepaadére lɛ, naa, wenanazan ’ka we plale ’é lɛ nyi sié lo.

² Mi ’léé dére ma lé mi éé fɛ zin blé, naa, liwozannu bli éé bɔa glawe saa ɛ ma.

³ Mi lé éé yuɛ paan ’é ’léé va, éé ébozen tabin‐é; lɔluzan éé vlan buruwo ébo sanna.

⁴ Kun‐anwozan bli a é bɔle fɛ kiɛre ma yé é ’ka fɛ do kpen yé lo, naa, mi lé a bɛwɔlɛi ’ka nyaan a ma lo, é dan kan lɛ fɛ nya.

⁵ Mi tegele éé vié dére za paan; mi nyané gin a munu nyé gi, yé ébo gya yara nya.

⁶ Wetegele éé yuɛ paan munu lé wo dɔbɛ ke wéiin, wo va, naa, wenaané kɛlɛle é ’é kɛlɛzan guru zanaan a gi.

⁷ Mi kenu wobo kɛla fua nya ’té fɛ do kpen ’ka wo lee lo; mi kenu wobo kɛla nyanégyɛzan nya ’té fuafɛnu a wo lee di.

⁸ Mi lé fuafɛnu a élé tɛrɛla tabofɛ nya, naa, nyanégyɛzan ’ka é tɔné dɔa ’é lɛ wepladére lɛ lo.

⁹ Mi tegelenu san éé bié, naa, mi naanénu lé kyɛbɔ éé dirian.

¹⁰ Boblɛn do kpen nya lé wesiale éé dan, naa, munu lé woo tɔné dɔa weplalenu lɛ, wo we dɔɔ.

¹¹ Fuafɛnu lé wa yé dabli nya, wo ta éé goo zanale nya, naa, mi lé éé fɛ zun dɔa sɛné sɛné, a gi é dan gyɛ lɛ.

¹² Fɛ lé mi bli ke a lɛ yé é ’ka a yena lo, éé vɔa a ma gyɛ nya, naa, fɛ lé mi bli bɔ a ma yé é a ye, é a mibélifɛ nya.

¹³ Mi lé éé Bale dére yé boadére nya, é ébo saan, naa, mi lé éé kanaan bélidɔwe lee, wa banwoo.

¹⁴ Wedɔɔzan lé wepaale a bélile ’wuo nya, mi sile ga lé sanbale lee we ma.

¹⁵ Wedɔɔle bozen éé mi kɛla mi zin nya, naa, liwozannu lé zi a tɔntɔn.

¹⁶ Yuɛikinizan éé we kɛla we vasile nya, naa, ’tugyɛzan élé ’tugyɛwe bɔraan gɔrɔ la.

¹⁷ We tɔntɔn éé bɔa nwunvɔzan naané ma, naa, yarapawela nwunvɔzan éé mi bélié.

¹⁸ Mi lé éé sɔn vɔa wepaadére ma, nyanégyɛle valé yaragyɛwe a azé nya, naa, mi lé éé weplale é lɛ nyi sié, wa tɔ bɔa.

¹⁹ Fɛ lé mi bli bɔ a ma yé é a ye é a gi nanama, naa, sile wenyané ma baa ’ka sɔa ’tugyɛzannu lɛ lo.

²⁰ Mi lé éé nyanaan wedɔɔzan sɔnɔ éé kinié wedɔɔzan nya, naa, ’tugyɛzannu béé éé wo saan.

²¹ We tɔntɔn a yifaama wenyanékɛlɛzannu zuo, naa, wezin a mi tegelenu banwofɛ nya.

²² Mi zin zarablezannu a é nénénu nya, naa, woo wenyanékɛlɛzannu lé fuafɛnu tadɔa mi tegelenu zé nya.

²³ Féi nyana lé nyanégyɛzan a wo, éé fɛ dɔa di, naa, we tegele ’ka lo, ’bɛzama lé mi kenu éé zamaga woo.

²⁴ Mi lé é ’ka élé vlewɔlɛ sian lo, a be za a a gi, naa, mi lé a be sɔ a lɛ, éé kwa kulian a ma léé, ’é drɔ.

²⁵ Mi tegele éé fɛ blé yé lɔrɔ éé sié a ma, naa, lɔrɔ éé mi nyané gya.