Wegɔnévɔlenu 10 - Kazambale lé Sebe Sauunu 1979

Salomɔn lé wegɔnévɔlenu

¹ Wedɔɔ be é ’é ti gi nanaan; ’tugyɛ be é ’é bu gya yara nya.

² Wenyané ma fɛwezannu yele tɔnɔ ’ka lo, naa, wetegele éé mi sié ga lee.

³ Gakelebale ’ka a nyi sié léé, lɔrɔ é mi tegele gyɛ lo, naa, éé mi nyanénu bli blɛnzan nyunuan é zuo.

⁴ Kun‐anwo bɛ éé mi gya nyané nya, naa, mi lé a bɛ wɔlɛi ’ka nyaan a ma lo, éé a kɛla fua nya.

⁵ Mi lé éé fɛ zun dɔa lɛɛ da bléyi va, é a ’wuoata be nya; mi lé éé yi gya fɛ gyɛbléyi va, é a be lé éé mi gya yara nya, a nya.

⁶ Mi tegelenu drɔɔ a é vole, naa, mi nyanénu lɔlu nya lé wo ’wolé glawe ta yɔɔan.

⁷ Mi tegele sele dɔle mi gi éé mi drɔɔ voo, naa, mi nyanénu tɔ éé sɛra.

⁸ Mi lé é we dɔɔ é bli gi éé wepladére nyi sié, naa, ’tugyɛ lɔluzan éé vlan buruwo ébo sanna.

⁹ Mi lé a dɔbɛ ke wéiin, éé tawoo ’té kana ’ka a gi lo, naa, mi lé éé zi plinlenu sian, a ta é dan bɔra lɛ.

¹⁰ Mi lé é é yuɛtakɔné gya éé dan yaragyɛwe nya, yé ’tugyɛ lɔluzan éé vlan buruwo ébo sanna.

¹¹ Mi bélile éé sié mi tegele ’léé, naa, mi nyané lɔlu nya lé wo ’wolé glawe ta yɔɔan.

¹² Zapale ɛ dan wesiale nya, naa, sɔlɛle ɛ sanwe faa ta yɔɔan.

¹³ Wedɔɔdére a gikinizannu ’léé, naa, plén a ’wuosɛrɛzan lao la zé nya.

¹⁴ Wedɔɔzannu wo ’wo giwe tadɔa, naa, ’tugyɛzan ’léé éé we sɛra é kele.

¹⁵ Fuablezan lé fuafɛnu a é lɛ bélé fla plɛplɛ zo, naa, nyanaizélamunu guru zanale a gi a wolé nyanégyɛwe nya.

¹⁶ Mi tegele ban éé goo é nya bélile va, naa, mi nyané ban éé goo é nya wenyané va.

¹⁷ Mi lé a drɔle sele éé dɔa a gi, é a bélile zi siana, naa, mi lé a gi éé saan we plale é lɛ ma, é a ébo sanna.

¹⁸ Mi lé éé zapale tɔ yɔɔan, a lɔlu a viéwo lɔlu nya, yé mi lé éé mi tɔ sɛra, é a ’tugyɛzan nya.

¹⁹ Mi lé éé we fé kiɛre, é ’ka vuruan wenyané kɛlɛle ma lo, naa, mi lé éé lɔlu kunwo, a ’wuo a a ta.

²⁰ Mi tegele nɛnɛ a bélé gɔɔlifu wezan zo; tɔnɔ ’ka mi nyanénu bligiwe ma lo.

²¹ Mi tegele lɔlu éé zi gɔɔn‐an mi kiɛre lɛ, yé ’tugyɛzannu éé gaan wo ’wuo gi vurule ’wo ma we ma.

²² Gakelebale lé drɔɔvole éé mi kɛla fua nya, yé é ’ka a taa paan yaragyɛwe do kpen nya lo.

²³ Bélidɔwe sɛrɛle a ’tugyɛzan lé zanagyɛwe nya, naa, wedɔɔle a gikinizan zé nya.

²⁴ Wean mi nyané a kana paan, yee ɛ bɔa a ma; yé mi tegelenu bli bɔ fɛan ma, yee lé wa no wo lɛ.

²⁵ Barikoko éé giéan fɛan zo, a zo duo lé mi nyané ta éé saan; naa, mi tegelenu lé wegane a é vɔle yifaama.

²⁶ Nwɛ sɛrɛle éé mi suiɛ lɛboo fɛan zo, kyɛgoi éé mi yuɛ tanaan fɛan zo, a zo duo lé kun‐anwozan ke, é paziazan lɛ.

²⁷ Kanale Gakelebale lee éé mi yinu taa zén‐é a ta, naa, woo mi nyanénu lé lɛɛnu bɔié a ta.

²⁸ Mi tegelenu lé fɛ lɛbɛnle a ginanawe saa nya, naa, fɛ lé mi nyané bli ke a lɛ, é dan san lɛ.

²⁹ Gakelebale lé zi a mi tegele yɔɔna nya, naa, munu lé woo wenyané kɛla, é a wo sɛrɛzan nya.

³⁰ Mi tegelenu sɔnéwɔlɛ ’ka dan san lɛ monomono lo, naa, mi nyanénu ’ka dan nyana lɛ ’wobo lé tɛrɛ la lo.

³¹ Mi tegele ’léé éé wedɔɔle bɔraan, naa, wo dan nɛnɛ sɛrɛle so lɛ mi ’léé.

³² Mi tegelenu éé we zinnu fé ’wo lɔlu nya, yé mi nyanénu ’léé a é nyané.