OZÉ (Osée) 7 - Kazambale lé Sebe Sauunu 1979

¹ Dé é sɔ an lɛ léé, an Izraɛl béli, ’té Éfraim lé weple valé Samari lé wenyané ta éé bɔraan. Naa, wo we kɛlɛ dabli nya; kyeenzan wɔra kɔn gi, yé glawe kɛlɛzannu ’wii béera fɛnu ta.

² É ’ka wo gi léé, wolé wenyanénu faa sele a an gi lo; wo kɛlɛwenu wo zi lɛ sɔɔ, wo faa a an ’lɛ.

Minwiinzan lé kɔngimunu nwa ’é ma

³ Wo ’wo nwiinzan blɛn gi nana wolé wenyané kɛlɛle nya, yé wo flayuɛlɛzannu gi nana wolé viéwole nya.

⁴ Wo faa a mi bɛ na ginizannu nya; wa bélé burukɛlɛzan lé ’furu lé é tana, a zo; Wa yɔɔ zɔn aan wo, wo ’ka kyɛ bɛ zén lɛ a ta lo fɔɔ buruyɔɔ nwa, a zo.

⁵ Ko nwiinzan lé fɛti kɛlɛyi la gyɛ vɔ mi blɛnblɛnnu ma wolé dɔrɔ kiɛre minile we ma; minwiinzan blɛn gi nana wenanamimazannu nya ékeva.

⁶ Diale mi zi a wo bli gi bélé ’furu kyɛ zo; burukɛlɛzan éé yi gya é béli fɔɔ bladi bléyi va, ’té wolé ’furu tana.

⁷ Wo bligiwe a bélé ’furukyɛ lé, yé éé wolé weblezannu blé; wo nwiinzan blɛnnu éé diaan; wo va mi do kpen ’ka an laan léé, an da bɔ ’é va lo.

Izraɛl valé bɛn bɛnu

⁸ Éfraim vɔɔ bɛnnu nya; Éfraim a bélé nwain lé wa pla é bɛ do la yé wo ’ka a nɔla lɛ lo, a zo.

⁹ Bɛnnu alé plɛplɛ nyaa a va, yé é ’ka a gi dɔɔa lo. É kwa gyɛ yé é ’ka a gi dɔɔa lo.

¹⁰ Izraɛl lé boblɛn éé wo mawe fé; wo ’ka dan Gakelebale wolé Bale va é ziin lo. Dé maa we faa kɛlɛ wo lɛoo, wo ’ka an naginian lo.

¹¹ Éfraim a bélé tavo plawuo lé a ’wuo ’ka a ta lo, a zo. Dé é bɛ vɔ Éjipiti lɛ, gba, dé é go Asiri va, gba.

¹² Dé wa gona, maa dan anlé séli nwɛɛn lɛ wo ta; maa dan wo vɔ lɛ anlé séli gi bélé lagi mianénu zo. Maa dan we lɛdɔ lɛ wo gi, bélé maa a lɛ kini wo lɛ wolé zénle ékema na fɛan zo, a zo.

¹³ Wo fwi an wuo baa, amalé wenaané ’é kɛlɛ wo lɛ. Wo yuɛi blan an ma, amalé ’wo sɛrɛ ma. É sɔ an lɛ léé, maa wo si we gi, naa, wo vié wo an ma.

¹⁴ Wo bli wɔlɛ ma mi, wo ’ka an laa lɛ lo, naa, woo wuvɔa ’wo yiana. Wo bli a ’wolé ’sa valé dɔrɔ dɛrɛ yele ɛ lɛ, yé wo si an ma baa.

¹⁵ Maa we lɛdɔ wo gi, maa wo bɛ dɔ plɛplɛ; woo bɔn‐in bɔrɔan an ma wenaané saa nya.

¹⁶ Wo ’ka nɔlaan Loruzan Bale va lo. Wa dabli kɛlɛ sa nya. Wolé mi blɛnblɛnnu é dan dia lɛ gwɔun ’léé; woo dére blɛnblɛn fé, azama. We ’ko é dan wo kɛlɛ lɛ yérisiéamafɛ nya Éjipiti tɛrɛ la.