OZÉ (Osée) 3 - Kazambale lé Sebe Sauunu 1979

Ozé valé gɔné gini le

¹ Gakelebale lé an lɛ léé: ’I go é ziin, yé yee gɔnégini le lé a bwɛ ke, bé lɔrɔ pa; Izraɛl lé nénu lé woo goo bale bɛnu zuo, ’té woo dɔrɔporo gato kɛla ’bɛnu lɛ bɛ, fɛan zo lé Gakelebale wo lɔrɔ pa, ’i lezan lɔrɔ pa a zo.

² Maa a lɔ gɔɔlifu sikla vu ta soru valé sɔnmlén vlekyɛɛ nya do é buu.

³ Maa lé a lɛ léé: ’I mɔn an va, té i kɛlɛ bɔrɔdɛ le nya é dɛrɛ lo, i dan vo lɛ maa do kpen ɛ wuo, yé ko dan kɛlɛ lɛ i nya do.

⁴ Izraɛlnu é dan mɔn lɛ bééé, ’té wo nwiinzan blɛn ’ka lo, ’té wo ’lɛzan ’ka lo, ’té wo ’ka saraka boo lo, ’té wolé yofoto ’ka lo, ’té wolé éfɔdi ’ka lo, ’té wolé miyilinu ’ka lo.

⁵ ’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.