OZÉ (Osée) 11 - Kazambale lé Sebe Sauunu 1979

Bale lé munu sɔ Bale lɛ, dɔlé ’té wo nwa a ma

¹ Dé Izraɛl a kiéné bléyian va, ’té é sɔ an lɛ, Yé maa an be laa léé, ’é si Éjipiti.

² Dé maa wo laaoo, ’té wo yara a wo ’lɛ mi; Wo Baalnu ban Yé wo lasikɔrɔpo kyɛ ble yonu lɛ.

³ Maa ɛ kun Éfraim bɛ ma, ’Té maa tawole paan a gi, Yé wo ’ka a ye lɛ léé, maa ɛ ’wo bélié lo.

⁴ An wo sia ana zin valé sɔlɛle nya, Maa a lɔrɔ pa an blin ma Yé maa fɛblele nɔ a lɛ.

⁵ Wo ’ka dan nɔla lɛ Éjipiti tɛrɛ la lo; naa, wo ’ka a nyi si lɛ léé, wo da an va lo, amalé wo nwiinzan blɛn é dan kɛlɛ lɛ Asiri mi nya.

⁶ Wo bligiwe lé we ma lé gwɔun é dan bɔra lɛ wolé fla yé é dan wo sɛrɛ lɛ, yé é dan wo kulu ga lɛ.

⁷ Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

⁸ Éfraim, maa dan kɛlɛ lɛ ilé we ma kaa? Izraɛl, é a lé maa i pa mi bɛ lee? É a lé maa a kɛlɛ i lɛ bélé Adima zoo? É a lé maa we kɛlɛ i lɛ bélé Séboim zoo? An bli a diana an gi, An nyanai faa a zénna.

⁹ Maa ’ka dan we kɛlɛ lɛ anlé bliflile yɛrama lo; Maa ’ka dan Éfraim sɛrɛ lɛ lo; Maa ’ka mi nya lo, maa a Bale nya, azama. Maa a Mi Sauun nya ka méléna; An ’ka dan da lɛ bliflile nya lo.

¹⁰ Gakelebale é dan we lɛ bélé golizra zo, ’té woo goo a zuo; é dan we lɛ yé alé nénu é dan si lɛ yirivɔnazia vlan nya.

¹¹ Wo dan si lɛ Éjipiti tɛrɛ la vlan nya, bélé miané sile zo; wo dan si lɛ Asiri tɛrɛ la bélé plawuo zo, yé maa dan wo nyana lɛ ’wobo lé kɔnnu gi. A zo lé Gakelebale a fe.