OZÉ (Osée) 1 - Kazambale lé Sebe Sauunu 1979

Ozé na valé alé nénu lé we

¹ Gakelebale we fe Bééri be Ozé lɛ, Juda nwiinzan blɛnnu Ozias koo, Jotam koo, Akaz koo, Ézékia koo, Izraɛl nwiinzan blɛn Joas be Jéroboam koo, wo faa bléyi va.

² We vininzan lé Gakelebale a fe Ozé lɛ, yee lo: Gakelebale lé a lɛ léma: ’I go, ’i bɔrɔdɛ le do si i na nya, ’té alé bɔrɔdɛ ta nénu a; naa, tɛrɛ ’ko sɔn vɔ Gakelebale ma, yé é vo bɔrɔdɛ le zo.

³ É go yé é Diblaim lu Gomɛɛ si. É bɔn si yé é négɔné do yaa a lɛ.

⁴ Yé Gakelebale lé a lɛ léé: Bé tɔ pa Jizréɛl; naa, é vo é ziin bléyi sɛ nya, yé maa dan we lɛdɔ lɛ Jéu gɔnɔlamunu gi, nyɛ lé Jéu a zana Jizréɛl, a we ma, yé maa dan Izraɛl tɔ nyaa lɛ.

⁵ ’Bɛ yi ’ko la, maa dan Izraɛl lé sa yéli lɛ Jizréɛl pɛnguru gi.

⁶ É bɔn si é ziin, yé é né yaa le nya. Yé Gakelebale lé Ozé lɛ léé: Bé tɔ pa Lo‐Rusama; a gi léé, nyanai ’ka dan zén lɛ lo; naa, an nyanai ’ka dan zén lɛ Izraɛl munu ta é dɛrɛ lo, yé maa ’ka dan wo ma we vo lɛ é dɛrɛ lo.

⁷ Naa, maa dan nyanai zén lɛ Juda munu ta; maa Gakelebale ɛ dan wo si lɛ we gi anboan; maa ’ka dan wo si lɛ we gi sa valé gwɔun koo, gulidanle koo, wisoonu valé wotazannu koo, wo nya lo.

⁸ Lo‐Rusama si nyɔ ma; ’bɛ zuo lezan bɔn bɛ si, yé é né yaa gɔné nya.

⁹ Yé Gakelebale léé: Bé tɔ pa Lo‐Ami, ’bɛ gi léé, anlé munu kaan lo; ka ’ka anlé munu nya lo, yé maa ’ka kalé Bale nya lo, azama.