Mi Nɔnɔle 34 - Kazambale lé Sebe Sauunu 1979

Kanaan tɛrɛ glɛnu valé a gulibɛ

¹ Gakelebale lé Moizi lɛ léma:

² Bé fe Izraɛlnu lɛ léma: Dé ka bɔ Kanaan tɛrɛ la, ana tɛrɛ é dan kɛlɛ lɛ kalé zarafɛ nya. Kanaan tɛrɛ lé. A glɛnu lé ke ’ko:

³ A yirinwana bɛyilazia glɛ éé sian Tisɛn bwi la, Édom sɔnɔ. ’Bɛ gi léé, kalé yirinwana bɛyilazia glɛ éé sié Wɛminiélɛ Wɛyi ma yé éé giéan yirinwanazia;

⁴ yé éé nɔlaa Akrabim gɔ yirinwana bɛyilazia, é gié Tisɛn fɔɔ yé é bɔ Kadɛs‐Baanéa yirinwana bɛyilazia, yé é go gole nya Asaa‐Adari yé éé giéan Asimɔn zia;

⁵ a péli sia Asimɔn yé éé nɔlaan fɔɔ yé é bɔ Éjipiti lé ’yiyoro plɛplɛ ma, yé é bɔ wɛyi ma.

⁶ Kalé yirivɔnazia glɛ lé ke Wɛyi blɛn nya. Yee ɛ ke kalé yirivɔnazia tɛrɛ glɛ nya.

⁷ Kalé yirinwana bɛbolazia tɛrɛ glɛ lé ke ’ko: é sia Wɛyi blɛɛn ma yé éé goo fɔɔ yé é bɔ Ori gɔ ma,

⁸ a péli sia Ori gɔ ma é ziin, ’ka a gié Amat zia yé é bɔ Sédad,

⁹ yé é go gole nya Zifrɔn yé é bɔ Asaa‐Énan. Yee ɛ ke kalé yirinwana bɛbolazia tɛrɛ glɛ nya.

¹⁰ Kalé yirinwanazia tɛrɛ glɛ péli éé sian Asaa‐Énan ma, yé é bɔ Séfam;

¹¹ éé sié Séfam yé é zun Ribla vazia, ’té ’bɛ ke Ain yirinwanazia; yé éé zunwo yé é go Kinérɛt Wɛyi ma yirinwanazia;

¹² yé éé zunwo é ziin Juudɛn yuu vazia yé é bɔ Wɛminiélɛ Wɛyi ma. Tɛrɛ lé ke kazé nya, a faa glɛ lé ke bɛ.

¹³ Moizi lé Izraɛl lé nénu lɛ léma: Tɛrɛ lé ka dan a guli lɛ munu ma ’munnu zunle nya, yee lé ke bɛ; yee lé Gakelebale é dan a nɔ lɛ bɛn sɔraziɛn é buu lɛ.

¹⁴ Naa, Rubɛn bɛn valé Gad bɛn, wo ’wozé zarafɛ si wo tranu gɔnɔla yɛrama; Manasé bɛn lɛgɔnɔ do ’wozé zara si é ziin.

¹⁵ Bɛn fié ’ko valé Manasé bɛn lɛgɔnɔ do wozé zarafɛ si Juudɛn ’lɛzia, Jériko yara, yirinwanazia.

Tɛrɛ gulizannu

¹⁶ Gakelebale lé Moizi lɛ léma:

¹⁷ Munu lé wo dan tɛrɛ guli lɛ ka ma, wo tɔ lé ke ’ko: Balebanzan Éléazaa koo, Nɛn be Jozué koo, woo lé,

¹⁸ yé ka bɛn faa gi mi segele do do si yé ’bɛnu ’é pa wo va tɛrɛ gulile we ma.

¹⁹ Munu lé wo wo si, wo lé ke ’ko: Juda bɛn zé lé ke Jéfuné be Kalɛb nya.

²⁰ Siméɔn bɛn zé lé é ke Amiud be Samuɛl nya.

²¹ Bɛnjamɛn bɛn zé lé é ke Kislɔn be Élidad nya.

²² Dan bɛn zé lé é ke mi segele Jogli be Buki nya.

²³ Jozɛfu bɛn fiénu zé lé ke ’ko: Manasé bɛn zé lé é ke mi segele Éfɔd be Aaniɛl nya.

²⁴ Éfraim bɛn zé lé é ke mi segele Sifitan be Kémuɛl nya.

²⁵ Zabulɔn bɛn zé lé é ke mi segele Paanak be Élisafan nya.

²⁶ Isakaa bɛn zé lé é ke mi segele Azan be Paltiɛl nya.

²⁷ Azɛɛ bɛn zé lé é ke mi segele Sélomi be Aiud nya.

²⁸ Néfitali bɛn zé lé é ke mi segele Amiud be Pédaɛl nya.

²⁹ Munu lé Gakelebale a fe léé, ’wo Kanaan tɛrɛ guli Izraɛlnu ma, wo lé ke bɛ.