Mi Nɔnɔle 33 - Kazambale lé Sebe Sauunu 1979

Izraɛlnu lé tawole

¹ Izraɛlnu lé wo si Éjipiti tɛrɛ la wolé sunyanu ’léé yɛrama, ’té Moizi valé Arɔn a wo ’lɛzannu nya, wo nyanananu lé ke ’ko.

² Moizi wolé tawole ’léé gyɛ sɛbɛ la, wo flinna ma flinna ma, Gakelebale dére yɛrama. Wolé flinnanu lé ke ’ko, wolé tawolenu yɛrama.

³ A moné vininzan lé yi vu ta soruzan nya, wo si Ramzɛs yé wo zén ta va. Taboyi ta tu kinile nya, Izraɛlnu zi sia munu faa yuɛ va, ’té Éjipitinu faa éé wo yé.

⁴ Éjipitinu lé né vininnu lé Gakelebale wo gyɛ, Éjipitinu wo faa pa; yé é ziin, Gakelebale wolé balenu lé we ble.

⁵ Izraɛlnu zén tawole va Ramzɛs, yé wo yii Sukɔt;

⁶ wo si Sukɔt yé wo yii Étam, yee lé ke bwi ’wuo nyaana.

⁷ Wo si Étam yé wo yara dɔ Pi‐Aairɔt zia, Baal‐Sɛfɔn yara, yé wo nyana Migidɔl ’lɛ.

⁸ Wo si Pi‐Aairɔt ’lɛ yé wo gié wɛyi méléna, bwi ma zia. Wo tawo yi yaa Étam bwi gi, yé wo nyana Mara.

⁹ Wo si Mara yé wo bɔ Élim. Ana lé ’yi’wuo vu ta fié valé yɔyili yɔ yaa wɔlɛ vu ke, yé wo nyana ’bɛna.

¹⁰ Wo si Élim yé wo nyana Wɛyi Sɔɔn sɔnɔ.

¹¹ Wo si Wɛyi Sɔɔn va yé wo nyana Sɛn bwi la.

¹² Wo si Sɛn bwi la yé wo nyana Dɔfika.

¹³ Wo si Dɔfika yé wo nyana Alus.

¹⁴ Wo si Alus yé wo nyana Réfidim, ana lé wo ’ka mini’yi ye lɛ lo.

¹⁵ Wo si Réfidim, yé wo nyana Sinai bwi la.

¹⁶ Wo si Sinai bwi la, yé wo yii Kibrɔt‐Ataava.

¹⁷ Wo si Kibrɔt‐Ataava yé wo yii Asérɔt.

¹⁸ Wo si Asérɔt yé wo yii Ritima.

¹⁹ Wo si Ritima yé wo yii Rimɔn‐Pérɛs.

²⁰ Wo si Rimɔn‐Pérɛs yé wo yii Libina.

²¹ Wo si Libina yé wo yii Risa.

²² Wo si Risa yé wo yii Kéélata.

²³ Wo si Kéélata yé wo yii Safɛɛ gɔ ma.

²⁴ Wo si Safɛɛ gɔ ma yé wo yii Aarada.

²⁵ Yé wo si Aarada yé wo yii Makélɔt.

²⁶ Wo si Makélɔt yé wo yii Taat.

²⁷ Yé wo si Taat yé wo yii Taras.

²⁸ Wo si Taras yé wo yii Mitika.

²⁹ Wo si Mitika yé wo yii Asimɔn.

³⁰ Wo si Asimɔn yé wo yii Mozérɔt.

³¹ Wo si Mozérɔt yé wo yii Béné‐Jaakan.

³² Wo si Béné‐Jaakan yé wo yii Ori‐Gigad.

³³ Wo si Ori‐Gigad yé wo yii Jotibata.

³⁴ Wo si Jotibata yé wo yii Abrona.

³⁵ Wo si Abrona yé wo yii Esijɔn‐Gébɛɛ.

³⁶ Wo si Esijɔn‐Gébɛɛ yé wo yii Tisɛn bwi la, yee lé ke Kadɛs nya.

³⁷ Wo si Kadɛs yé wo yii Ori gɔ ma, Édom lé tɛrɛ nyaana.

³⁸ Balebanzan Arɔn vo Ori gɔ nwiin, dére lé Gakelebale a fe, a yɛrama, yé wo sile Éjipiti tɛrɛ la zuo lɛɛ yɔ fié ’é ta lé moné soruzan lé yi vinin nya, é ga.

³⁹ Arɔn ga aan wo Ori gɔ nwiin, ’té a lɛɛ a yɔ suiɛdo wɔlɛ yaa.

⁴⁰ Kanaan nwiinzan blɛn Arad lé éé nyanaan yirinwana bɛyilazia Kanaan tɛrɛ la, é Izraɛlnu dale we ma.

⁴¹ Wo si Ori gɔ nwiin, yé wo yii Salmona.

⁴² Wo si Salmona yé wo yii Punɔn.

⁴³ Wo si Punɔn yé wo yii Obɔt.

⁴⁴ Wo si Obɔt yé wo yii Ijé‐Abarim, Moab tɛrɛ glɛ la.

⁴⁵ Wo si Ijé‐Abarim, yé wo yii Dibɔn‐Gad.

⁴⁶ Yé wo si Dibɔn‐Gad yé wo yii Alimɔn‐Diblataim.

⁴⁷ Wo si Alimɔn‐Diblataim yé wo yii Abarim gɔnu ma, Nébo yarazia.

⁴⁸ Wo si Abarim gɔ nwiin yé wo yii Moab lé fɛna pɛblɛɛna Jériko yarazia, Juudɛn yuu sɔnɔ.

⁴⁹ Wo yii Juudɛn yuu sɔnɔ, é sia Bɛt‐Jésimɔt fɔɔ yé é bɔ Abɛl‐Sitim ma, Moab lé fɛna pɛblɛɛna.

⁵⁰ Gakelebale we fe Moizi lɛ, ’té wa é nyanale Moab lé fɛna pɛblɛɛna, Jériko yarazia, Juudɛn yuu sɔnɔ.

⁵¹ É léé: Bé fe Izraɛlnu lɛ léma: Dé ka Juudɛn yuu kini yian nya, yé ka bɔ Kanaan tɛrɛ la,

⁵² ’ka ’bɛna tɛrɛ la munu faa bin ka ’lɛ, yé ’ka wolé miyili gɔlɛnu ’wii, yé foliɛwɔlɛ lé wa foli miyilinu nya, ’ka wo sɛrɛ tata, yé ’ka wolé gɔnwiin yobannanu sɛrɛ tata.

⁵³ ’Ka wolé tɛrɛ si kazé nya, yé ’ka nyana ana kli; naa, maa ana tɛrɛ nɔ ka lɛ, yé é kɛlɛ kazé nya.

⁵⁴ ’Ka tɛrɛ guli wo ma ’munnu zunle nya, ka gɔnɔla ma gɔnɔla ma. Munu lé wo ke kiɛre wo gɔnɔla, ’ka ana blɛn nɔ wo lɛ; munu lé wo ke wo gɔnɔla sɛ, ’ka ana sɛné nɔ wo lɛ. Wo va mi do do ’é nyana ana fɛan zo lé é ’ézé ye ’munnu zunle ma, a yɛrama. É kɛlɛ kazé nya ka tranu bɛnnu yɛrama.

⁵⁵ Naa, dé ka ’ka tɛrɛ ’ko ta munu bin lɛ ka ’lɛ lo, wo vamunu lé ka wo voo ka va, wo dan kɛlɛ lɛ bélé léli zo ka yuɛ gi, bélé foroné zo ka sɛe gi; wo dan kɛlɛ lɛ ka nyanézannu nya fɛana lé ka dan nyana lɛ, ana.

⁵⁶ Yé we lé é sɔ kɔɔn an lɛ léé, maa kɛlɛ wo lɛ, maa dan a kɛlɛ lɛ ka lɛ.