Mi Nɔnɔle 29 - Kazambale lé Sebe Sauunu 1979

¹ Moné sɔrafié lé yi vininzan nya, ’ka zén‐ékeva plɛplɛ do kɛlɛ. Té ka nyanama pa lo, ’té dé é ’ka ka ma’lɛrɛle nya lo. ’Ka fɛti ’ko zana dɔɔ béli fɛnle nya.

² Sarakabowinu lé ka dan wo kyɛ ble lɛ, ’té Gakelebale a gin sié néné, wo lé ke ’ko: dirigɔné boroné do koo, ’blagɔné do koo, lɛɛ do ’blané sɔrafié lé we do ’ka wo ma lo koo, woo lé.

³ ’Ka a taa pa burupun zima lé wa vɔɔ nyɔnɔ nya, a nya. Suo nya do a dirigɔné zé nya,

⁴ yé suoné fié a ’blagɔné zé nya, yé suoné do a ’blané do do zé nya.

⁵ ’Ka boligɔné do nɔ wenyané ’yibo saraka nya, léé, ’é kɛlɛ kalé wenyané ’yibofɛ nya.

⁶ ’Ka saraka ’konu bo, ’té balebanwi lé wa kyɛ blé, ’bɛ valé moné do do balebanfɛ koo, balebanwi lé wa kyɛ blé, ’té a nɔle ’ka nyaan lo bɛ, ’bɛ koo, balebanfɛ koo, baleban’yi lé wa pa a va koo, ’té ’ka ’bɛnu é no duowo, é nɔbɛ gi. Wa sarakanu lé kyɛ a blé, ’té Gakelebale éé wo gin sié néné, wo nya.

⁷ A moné sɔrafié lé yi vuzan nya, ’ka zén‐ékeva plɛplɛ do kɛlɛ, yé ka kaboen kɛlɛ kiéné ma. Té ka nyanama do kpen pa lo, ’té dé é ’ka ka ma’lɛrɛle nya lo.

⁸ Sarakabowinu lé ka dan wo kyɛ ble lɛ, ’té Gakelebale a gin sié néné, wo lé ke ’ko: dirigɔné boroné do koo, ’blagɔné do koo, lɛɛ do ’blané sɔrafié lé we do ’ka wo ma lo koo, woo lé.

⁹ ’Ka a taa pa burupun zima lé wa vɔɔ nyɔnɔ nya, a nya. Suo nya do a dirigɔné zé nya,

¹⁰ yé suoné fié a ’blagɔné zé nya, yé suoné do a ’blané do do zé nya.

¹¹ ’Ka boligɔné do nɔ wenyané ’yibo saraka nya; wenyané ’yibosarakanu koo, balebanwi lé wa kyɛ blé, ’té a nɔle ’ka nyaan lo bɛ, ’bɛ koo, balebanfɛ koo, baleban’yinu koo, ’té ’ka ’bɛnu é no duowo.

¹² Moné sɔrafiézan lé yi vu ta soruzan nya, ’ka zén‐ékeva plɛplɛ do kɛlɛ; té ka nyanama do kpen pa lo, ’té dé é ’ka ka ma’lɛrɛle nya lo. ’Ka Gakelebale tɔbɔfɛti kɛlɛ yi sɔrafié nya.

¹³ Balebanwi lé wa kyɛ blé, ’té Gakelebale a gin sié néné, ’ka a nɔ: dirigɔné boroné vu ta yaa koo, ’blagɔné fié koo, lɛɛ do ’blané vu ta ziɛn lé we do kpen ’ka wo ma lo koo, wo nya.

¹⁴ ’Ka a taa pa burupun zima lé wa vɔɔ nyɔnɔ nya, a nya. Diri do do zé a suo nya do do, yé ’blagɔné do do zé a suoné nya fié fié,

¹⁵ ’blané do do zé a suoné nya do do.

¹⁶ ’Ka boligɔné do nɔ wenyané ’yibo saraka nya; balebanwi lé wa kyɛ blé, ’té a nɔle ’ka nyaan lo koo, balebanfɛ koo, baleban’yi koo, ’té ’ka ’bɛnu é no duowo.

¹⁷ A yi fiézan nya, dirigɔné boroné vu ta fié koo, ’blagɔné fié koo, lɛɛ do ’blané vu ta ziɛn lé we do kpen ’ka wo ma lo, wo koo, ’ka wo nɔ;

¹⁸ dirigɔnénu koo, ’blagɔnénu koo, ’blanénu koo, wo vafɛnu lé ke balebanfɛ valé baleban’yinu nya, ’ka wo nɔ wo ’léé yɛrama, wo nɔbɛ gi.

¹⁹ ’Ka boligɔné do nɔ wenyané ’yibo saraka nya; balebanwi lé wa kyɛ blé, ’té a nɔle ’ka nyaan lo koo, balebanfɛ koo, baleban’yi koo, ’té ’ka ’bɛnu é no duowo.

²⁰ A yi yaazan nya, dirigɔné vu ta do ko, ’blagɔné fié koo, lɛɛ do ’blané vu ta ziɛn lé we do kpen ’ka wo ma lo koo, ’ka wo nɔ;

²¹ dirigɔnénu koo, ’blagɔnénu koo, ’blanénu koo, wo vafɛnu lé ke balebanfɛ valé baleban’yinu nya, ’ka wo nɔ wo ’léé yɛrama, wo nɔbɛ gi.

²² ’Ka boligɔné do nɔ wenyané ’yibo saraka nya; balebanwi lé wa kyɛ blé, ’té a nɔle ’ka nyaan lo koo, balebanfɛ koo, baleban’yi koo, ’té ’ka ’bɛnu é no duowo.

²³ A yi ziɛnzan nya, dirigɔné vu koo, ’blagɔné fié koo, lɛɛ do ’blané vu ta ziɛn lé we do kpen ’ka wo ma lo, wo koo, ’ka wo nɔ;

²⁴ dirigɔnénu koo, ’blagɔnénu koo, ’blanénu koo, wo vafɛnu lé ke balebanfɛ valé baleban’yinu nya, ’ka wo nɔ wo ’léé yɛrama, wo nɔbɛ gi.

²⁵ ’Ka boligɔné do nɔ wenyané ’yibo saraka nya; balebanwi lé wa kyɛ blé, ’té a nɔle ’ka nyaan lo koo, balebanfɛ koo, baleban’yi koo, ’té ’ka ’bɛnu é no duowo.

²⁶ A yi soruzan nya, dirigɔné sɔraziɛn koo, ’blagɔné fié koo, lɛɛ do ’blané vu ta ziɛn lé we do kpen ’ka wo ma lo, wo koo, ’ka wo nɔ;

²⁷ dirigɔnénu koo, ’blagɔnénu koo, ’blanénu koo, wo vafɛnu lé ke balebanfɛ valé baleban’yinu nya, ’ka wo nɔ wo ’léé yɛrama, wo nɔbɛ gi.

²⁸ ’Ka boligɔné do nɔ wenyané ’yibo saraka nya; balebanwi lé wa kyɛ blé, ’té a nɔle ’ka nyaan bɛ lo koo, balebanfɛ koo, baleban’yi koo, ’té ’ka ’bɛnu é no duowo.

²⁹ A yi suiɛdozan nya, dirigɔné sɔraa koo, ’blagɔné fié koo, lɛɛ do ’blané vu ta ziɛn lé we do kpen ’ka wo ma lo, wo koo, ’ka wo nɔ;

³⁰ dirigɔnénu koo, ’blagɔnénu koo, ’blanénu koo, wo vafɛnu lé ke balebanfɛ valé baleban’yinu nya, ’ka wo nɔ wo ’léé yɛrama, wo nɔbɛ gi.

³¹ ’Ka boligɔné do nɔ wenyané ’yibo saraka nya; balebanwi lé wa kyɛ blé, ’té a nɔle ’ka nyaan lo koo, balebanfɛ koo, baleban’yi koo, ’té ’ka ’bɛnu é no duowo.

³² A yi sɔrafiézan nya, dirigɔné sɔrafié koo, ’blagɔné fié koo, lɛɛ do ’blané vu ta ziɛn lé we do kpen ’ka wo ma lo, wo koo, ’ka wo nɔ;

³³ dirigɔnénu koo, ’blagɔnénu koo, ’blanénu koo, wo vafɛnu lé ke balebanfɛ valé baleban’yinu nya, ’ka wo nɔ wo ’léé yɛrama, wo nɔbɛ gi.

³⁴ ’Ka boligɔné do nɔ wenyané ’yibo saraka nya; balebanwi lé wa kyɛ blé, ’té a nɔle ’ka nyaan lo koo, balebanfɛ koo, baleban’yi koo, ’té ’ka ’bɛnu é no duowo.

³⁵ A yi sɔraazan nya, ’ka zén‐ékeva plɛplɛ do kɛlɛ, té ka nyanama do kpen pa lo, ’té dé é ’ka ka ma’lɛrɛle nya lo.

³⁶ Balebanwi lé wa kyɛ blé, ’té Gakelebale a gin sié néné, ’ka a nɔ: dirigɔné do koo, ’blagɔné do koo, lɛɛ do ’blané sɔrafié koo, ’ka wo nɔ;

³⁷ dirigɔné koo, ’blagɔné koo, ’blanénu koo, wo vafɛnu lé ke balebanfɛ valé baleban’yinu nya, ’ka wo nɔ wo ’léé yɛrama, wo nɔbɛ gi.

³⁸ ’Ka boligɔné do nɔ wenyané ’yibo saraka nya; balebanwi lé wa kyɛ blé, ’té a nɔle ’ka nyaan lo koo, balebanfɛ koo, baleban’yi koo, ’té ’ka ’bɛnu é no duowo.

³⁹ Sarakanu lé ka dan a bo lɛ Gakelebale lɛ kalé fɛtinu kɛlɛle we gi, wo lé ke bɛ; ’té kalé balebanwinu lé wa kyɛ blé koo, kalé balebanfɛnu koo, kalé baleban’yinu koo, kalé gi drɔɔ balebanfɛnu koo, ’té ka wo no Bale kunle lɛsɔɔle we ma bɛ, dé ’bɛ kaan lo, blidrɔɔblɛ nya, ’té ’ka ’bɛnu é no duowo.