Mi Nɔnɔle 26 - Kazambale lé Sebe Sauunu 1979

Wo munu nɔnɔ é ziin

¹ Migyɛgyɛ ’ko zuo, Gakelebale lé Moizi valé Balebanzan Arɔn be Éléazaa lɛ léé:

² ’I Izraɛlnu faa nɔnɔ wo gɔnɔla ma gɔnɔla ma, ’é valé wo tranu gɔnɔ ma gɔnɔ ma, ’té wo lɛɛ yɔ do bɔ, Izraɛlnu lé munu faa lé woo bɔa gulidanfɛnu kɔné sile lɛ, woo lé.

³ Moizi valé Balebanzan Éléazaa we fe wo lɛ Moab lé fɛna pɛblɛɛna, Juudɛn yuu sɔnɔ, Jériko yara zia. Wo léé:

⁴ Wo dan munu nɔnɔ lɛ, munu lé wo lɛɛ yɔ do bɔ, Gakelebale we fe Moizi valé Izraɛlnu lɛ, bléyia va lé wo si Éjipiti tɛrɛ la, a yɛrama.

⁵ Rubɛn ɛ ke Izraɛl lé né vininzan nya. Rubɛn benu lé ke ’ko: Énɔk lé é ke Énɔk munu tra nya koo, Palu lé é ke Palu munu tra nya bɛ koo,

⁶ Esrɔn lé é ke Esrɔn munu tra nya bɛ koo, Kaami lé é ke Kaami munu tra nya bɛ koo, woo lé.

⁷ Munu ’ko ɛ ke Rubɛn kulunu nya; munu lé wo wo nɔnɔ, wa mi baa yɔ do wɔlɛ do wuru sɔraa yɔ suiɛdo wɔlɛ vu.

⁸ Palu be lé ke Éliab nya.

⁹ Éliab benu lé ke Némuɛl koo, Datan valé Abiram koo, wo nya. Datan ’ko valé Abiram ’ko, wo ɛ ke munu lé wo wo laa léé, ’wo zén ékeva, wo vamunu nya, yé wo ɛ nwa Moizi valé Arɔn ma. Koré palu lé é nwa Gakelebale ma, wa wo vamunu nya.

¹⁰ Tɛrɛ lɛ so, yé é wo valé Korénu mini, bléyian va lé zén‐ékevamunu ga, ’té kyɛ mi wuru do yɔ fié wɔlɛ vu ble. We ’ko kɛlɛ weplale munu lɛ nya.

¹¹ Koré benu ’ka ga lɛ lo.

¹² Siméɔn benu lé ke ’ko, wo gɔnɔla ma gɔnɔla ma: Némuɛl lé é ke Némuɛl munu tra nya koo, Jamɛn lé é ke Jamɛn munu tra nya koo, Jakɛn lé é ke Jakɛn munu tra nya koo,

¹³ Zérak lé é ke Zérak munu tra nya koo, Saul lé é ke Saul munu tra nya koo, woo lé.

¹⁴ Munu ’konu ɛ ke Siméɔn kulunu nya, wa mi baa vu ta do mi wuru do.

¹⁵ Gad benu lé ke ’ko, wo gɔnɔla ma gɔnɔla ma. Séfɔn lé é ke Séfɔn munu tra nya koo, Agi lé é ke Agimunu tra nya koo, Suni lé é ke Suni munu tra nya koo, Ozni lé é ke Ozni munu tra nya koo,

¹⁶ Éri lé é ke Éri munu tra nya koo,

¹⁷ Arɔdi lé é ke Arɔdi munu tra nya koo, Arééli lé é ke Arééli munu tra nya koo, woo lé.

¹⁸ Munu ’konu ɛ ke Gad kulunu nya, wo nɔnɔle yɛrama, wa mi baa yɔ do wuru fié yɔ soru.

¹⁹ Juda benu lé ke ’ko: Eɛ valé Onan, naa, Eɛ valé Onan ga Kanaan tɛrɛ la.

²⁰ Juda benu lé ke ’ko, wo gɔnɔla ma, gɔnɔla ma: Sééla lé é ke Sééla munu tra nya koo, Pérɛs lé é ke Pérɛs munu tra nya koo, Zérak lé é ke Zérak munu tra nya koo, woo lé.

²¹ Pérɛs benu lé ke ’ko: Esrɔn lé é ke Esrɔn munu tra nya koo, Amul lé é ke Amul munu tra nya koo, woo lé.

²² Munu ’konu ɛ ke Juda kulunu nya, wo nɔnɔle yɛrama; wa mi baa yɔ do wɔlɛ vu ta sɔraa wuru fié yɔ soru.

²³ Isakaa benu lé é ke ’ko wo gɔnɔla ma gɔnɔla ma: Tola lé é ke Tola munu tra nya koo, Puva lé é ke Puva munu tra nya koo,

²⁴ Jasub lé é ke Jasub munu tra nya koo, Simrɔn lé é ke Simrɔn munu tra nya koo, woo lé.

²⁵ Munu ’konu ɛ ke Isakaa kulunu nya, wo nɔnɔle yɛrama; wa mi baa yɔ do wɔlɛ vu ta fié, wuru do yɔ soru.

²⁶ Zabulɔn benu lé ke ’ko, wo gɔnɔla ma gɔnɔla ma: Sérɛd lé é ke Sérɛd munu tra nya koo, Élɔn lé é ke Élɔn munu tra nya koo, Jaléɛl lé é ke Jaléɛl munu tra nya koo, woo lé.

²⁷ Munu ’konu ɛ ke Zabulɔn kulunu nya, wo nɔnɔle yɛrama; wa mi baa yɔ do wɔlɛ vu wuru fié yɔ soru.

²⁸ Jozɛfu benu lé é ke ’ko, wo gɔnɔla ma gɔnɔla ma: Manasé valé Éfraim.

²⁹ Manasé benu: Makii lé é ke Makii munu tra nya. Makii a Galaad ti nya. Galaad lé é ke Galaad munu tra nya.

³⁰ Galaad benu lé ke ’ko: Jézɛɛ lé ke Jézɛɛ munu tra nya koo, Élɛk lé é ke Élɛk munu tra nya koo, Azriɛl lé é ke Azriɛl munu tra nya koo,

³¹ Sisɛm lé é ke Sisɛm munu tra nya koo,

³² Sémida lé é ke Sémida munu tra nya koo, Éfɛɛ lé é ke Éfɛɛ munu tra nya koo, woo lé.

³³ Éfɛɛ be Sɛlofesad ’ka né yaa lɛ gɔné nya lo, naa, é nélomu ɛ yaa. Sɛlofesad lunu tɔnu lé ke ’ko: Makla koo, Noa koo, Ogla koo, Milka koo, Tiisa koo, woo lé.

³⁴ Munu ’konu ɛ ke Manasé kulunu nya, wo nɔnɔle yɛrama; wa mi baa yɔ do wɔlɛ suiɛdo, wuru yaa yɔ soru.

³⁵ Éfraim benu lé ke ’ko, wo gɔnɔla ma gɔnɔla ma: Sutélak lé é ke Sutélak munu tra nya koo, Békɛɛ lé é ke Békɛɛmunu tra nya koo, Takan lé é ke Takan munu tra nya koo, woo lé.

³⁶ Sutélak benu lé ke ’ko: Éran lé é ke Éran munu tra nya, yee lé.

³⁷ Munu ’konu ɛ ke Éfraim kulunu nya, wo nɔnɔle yɛrama; wa mi baa vu ta suiɛdo wuru fié yɔ soru. Jozɛfu benu lé ke bɛ, wo kulunu yɛrama.

³⁸ Bɛnjamɛn benu lé ke ’ko, wo gɔnɔla ma gɔnɔla ma: Béla lé é ke Béla munu tra nya koo, Asibɛl lé é ke Asibɛl munu tra nya koo, Asiram lé é ke Asiram munu tra nya koo,

³⁹ Sufam lé é ke Sufam munu tra nya koo, Ufam lé é ke Ufam munu tra nya koo, woo lé.

⁴⁰ Béla benu lé ke ’ko: Aad valé Naaman. Aad lé é ke Aad munu tra nya; Naaman lé é ke Naaman munu tra nya.

⁴¹ Bɛnjamɛn benu lé ke bɛ, wo gɔnɔla ma gɔnɔla ma, wo nɔnɔle yɛrama; wa mi baa yɔ do wɔlɛ fié, wuru sɔraa.

⁴² Dan benu lé ke ’ko, wo gɔnɔla ma gɔnɔla ma: Susam lé é ke Susam munu tra nya, yee lé; Dan kulunu lé ke bɛ, wo gɔnɔla ma.

⁴³ Susam munu faa a mi baa yɔ do wɔlɛ vu ta fié, wuru fié, wo nɔnɔle yɛrama.

⁴⁴ Azɛɛ benu lé ke ’ko, wo gɔnɔla ma gɔnɔla ma: Jimina lé é ke Jimina munu tra nya koo, Jisivi lé é ke Jisivi munu tra nya koo, Béria lé é ke Béria munu tra nya koo, woo lé.

⁴⁵ Béria benu lé ke ’ko: Éébɛɛ lé é ke Éébɛɛ munu tra nya koo, Malkiɛl lé é ke Malkiɛl munu tra nya koo, woo lé.

⁴⁶ Azɛɛ lu tɔ lé Séra.

⁴⁷ Azɛɛ kulunu lé ke bɛ, wo gɔnɔla ma gɔnɔla ma, wo nɔnɔle yɛrama; wa mi baa yɔ do wɔlɛ suiɛdo ’é ta lé mi wuru sɔrafié.

⁴⁸ Néfitali benu lé ke ’ko, wo gɔnɔla ma gɔnɔla ma: Jaasiɛl lé é ke Jaasiɛl munu tra nya koo, Guni lé é ke Guni munu tra nya koo,

⁴⁹ Jésɛɛ lé é ke Jésɛɛ munu tra nya koo, Silɛm lé é ke Silɛm munu tra nya koo, woo lé.

⁵⁰ Néfitali benu lé ke bɛ, wo gɔnɔla ma gɔnɔla ma, wo nɔnɔle yɛrama: wa mi baa yɔ do wɔlɛ fié, ’é ta lé mi wuru sɔrafié.

⁵¹ Izraɛl munu lé wo wo nɔnɔ, wo tɔnu lé ke bɛ: wa mi baa wuru do baa yɔ soru ’é ta lé mi wuru sɔraa yɔ suiɛdo wɔlɛ vu.

⁵² Gakelebale we fe Moizi lɛ yé é léé:

⁵³ Wo dan tɛrɛ guli lɛ wo ma, yé é kɛlɛ wozé nya, wo tɔ ’léé yɛrama.

⁵⁴ Woan wo ’léé ke di, ’i fɛna blɛn nɔ wo lɛ, yé woan wo ’léé ke sɛ, ’i fɛna sɛ nɔ wo lɛ. ’Wo mi faa do do zé fɛna nɔ mi nɔnɔle ’léé yɛrama.

⁵⁵ Naa, tɛrɛ gulile é dan kɛlɛ lɛ ’munnu zunle nya. Wo dan a ye lɛ ’wozé nya wo tranu bɛn tɔ yɛrama.

⁵⁶ ’Munnu zunle nya lé wo dan tɛrɛ guli lɛ, woan wo ’léé ke di, ’é valé woan wo ’léé ke sɛ, wo ma.

⁵⁷ Lévi munuan wo wo nɔnɔ wo gɔnɔla ma gɔnɔla ma, wo lé ke ’ko: Gɛɛsɔn lé é ke Gɛɛsɔn munu tra nya koo, Kéat lé é ke Kéat munu tra nya koo, Mérari lé é ke Mérari munu tra nya koo, woo lé.

⁵⁸ Lévi kulunu lé ke ’ko: Libini munu koo, Ébrɔn munu koo, Makli munu koo, Musi munu koo, Koré munu koo, woo lé. Kéat ɛ ke Amaram ti nya.

⁵⁹ Amaram na tɔ lé Lévi lu Jokébɛd. Wa yaa Lévi lɛ Éjipiti tɛrɛ la; Arɔn koo, Moizi koo, wo buru Mari koo, Jokébɛd wo yaa Amaram lɛ.

⁶⁰ Arɔn benu lé ke ’ko: Nadab valé Abiu koo, Éléazaa valé Itamaa koo, woo lé.

⁶¹ Nadab valé Abiu ga, bléyian va lé wo go kyɛ bɛ nya Gakelebale ’lɛ, a bléyi va.

⁶² Munu lé wo wo nɔnɔ, moné do gɔnénu faa valé gɔnénu lé wozé mini ’bɛ ta, wo ’léé a mi baa vu ta do, ’é ta lé mi wuru soru. Wo ’ka wo nɔnɔ lɛ Izraɛl munu va lo; wo ’ka wozé fɛ nɔ lɛ Izraɛl zé va lo, azama.

⁶³ Izraɛl munu lé Moizi valé Balebanzan Éléazaa wo nɔnɔ Moab lé fɛna pɛblɛɛna, Juudɛn yuu sɔnɔ, Jériko yarazia, wo lé ke bɛ.

⁶⁴ Izraɛl munuan Moizi valé Balebanzan Arɔn wo nɔnɔ Sinai bwi la, wo va mi do kpen ’ka wo va lo.

⁶⁵ Naa, Gakelebale a fe léé, wo faa é dan ga lɛ bwi gi; wo va mi do kpen ’ka dan vo lɛ lo, ’té dé é ’ka Jéfuné be Kalɛb valé Nɛn be Jozué nya lo, azama.