Mi Nɔnɔle 2 - Kazambale lé Sebe Sauunu 1979

Wolé ban dɔnanu

¹ Gakelebale we fe Moizi valé Arɔn lɛ yé é léé:

² Izraɛlnu ’wo nyana ’wolé bɛn lé drapo sɔnɔ do do, wo tranu lé kɔn lé tɔmase sɔnɔ; ’wo nyana zén‐ékevasɔkɔn zi fɛfaana, ’té mi faa lé sɔkɔn ’léé a zén‐ékevasɔkɔn vazia.

³ Juda mamunu ’é nyana yirinwanazia, ’wolé drapo sɔnɔ, yee valé ’wolé sunya palunu nya. Ana lé Judanu nwiinzan Aminadab be Nasɔn ’é nyana,

⁴ yee valé ’élé sunya palu nya. Wa mi baa yɔ dɔ wɔlɛ vu ta sɔrafié wuru yaa.

⁵ Isakaanu ’wo nyana a bɛ do la, wo nwiinzan Suaa be Nétanéɛl valé

⁶ ’élé sunya palu nya. Wa mi baa yɔ do wɔlɛ sɔrafié wuru fié.

⁷ ’Bɛnu é zuo Zabulɔnnu ’é nyana, wo nwiinzan Élɔn be Éliab

⁸ valé ’élé sunya palu nya. Wa mi baa yɔ do wɔlɛ sɔraa, wuru sɔrafié.

⁹ Juda mamunu faa ’léé lé ke mi baa yɔ ziɛn wɔlɛ vu ta yaa wuru fié, wolé sunya palunu yɛrama. Wo ɛ ke tawomunu palu vininzan nya.

¹⁰ Rubɛn mamunu ’é nyana yirinwana bɛyilazia, wolé drapo sɔnɔ, yee valé wolé palunu nya. Ana lé Rubɛnnu nwiinzan Sédéuu be Élisuu ’é nyana,

¹¹ ’é valé ’élé sunya palu nya. Wa mi baa yɔ do wɔlɛ yaa wuru fié yɔ soru.

¹² Siméɔnnu ’wo nyana Rubɛnnu bɛ do la, wo nwiinzan Surisadai be Sélumiɛl valé

¹³ ’élé sunya palu nya, wa mi baa yɔ do wɔlɛ sɔraziɛn wuru suiɛdo yɔ soru.

¹⁴ ’Bɛnu ’é zuo Gadnu ’é nyana, wo nwiinzan Déuɛl be Éliazaf valé

¹⁵ ’élé sunya palu nya. Wa mi baa yɔ do wɔlɛ fié wuru sɔraa yɔ fié wɔlɛ vu.

¹⁶ Rubɛn mamunu faa ’léé lé ke mi baa yɔ yaa wɔlɛ vu ta soru, wuru sɔrafié yɔ fié wɔlɛ vu, wolé sunya palu yɛrama. Wo ɛ ke tawomunu palu fiézan nya.

¹⁷ ’Bɛ zuo é a lé wo go zén‐ékevasɔkɔn nya, ’té Lévinu palu a wo bwenu palu méléna. Wolé tawole gi, ’wo go é ke zuo wo nyanana yɛrama, wo faa do do bale yɛrama, wolé draponu wuo.

¹⁸ Éfraim mamunu ’é nyana yirivɔnazia wolé drapo sɔnɔ, yee valé wolé sunyanu palu nya. Ana lé wo nwiinzan Amiud be Élisama ’é nyana, ’é valé

¹⁹ ’élé sunya palu nya. Wa mi baa yɔ do wuru fié yɔ soru.

²⁰ Manasénu ’wo nyana a bɛ do la, wo nwiinzan Pédaasuu be Gamliɛl valé

²¹ ’élé sunya palu nya. Wa mi baa vu ta suiɛdo wuru do.

²² ’Bɛnu é zuo, Bɛnjamɛnnu ’é nyana, wo nwiinzan Gidéoni be Abidan valé

²³ ’élé sunya palu nya. Wa mi baa vu ta sɔrafié wuru sɔrafié.

²⁴ Éfraim mamunu faa ’léé lé ke mi baa yɔ fié wɔlɛ vu ta ziɛn, mi yɔ soru, wolé sunya palu yɛrama. Wo ɛ ke tawomunu palu yaazan nya.

²⁵ Dan mamunu ’é nyana yirinwana bɛbolazia, wolé drapo sɔnɔ, yee valé wolé sunya palu nya. Ana lé wo nwiinzan Amisadai be Aiézɛɛ ’é nyana, ’é valé

²⁶ ’élé sunya palu nya. Wa mi baa yɔ do wɔlɛ vu ta do wuru yaa mi yɔ soru.

²⁷ Azɛɛnu ’é nyana Dannu bɛ do la, wo nwiinzan Okran be Pagiɛl valé

²⁸ ’élé sunya palu nya. Wa mi baa yɔ do wuru sɔrafié mi yɔ soru.

²⁹ ’Bɛnu ’é zuo, Néfitalinu ’é nyana, wo nwiinzan Énan be Aira valé ’élé sunya palu nya.

³⁰ Wa mi baa yɔ do wɔlɛ suiɛdo wuru sɔrafié.

³¹ Dan mamunu faa ’léé lé ke mi baa yɔ yaa wɔlɛ vu ta sɔraa wuru sɔraa. Wo ɛ kɛlɛ tawomunu palu voélazan nya wolé drapo wuo.

³² Izraɛlmunu lé wo wo nɔnɔ wo tranu gɔnɔ ma gɔnɔ ma, wo lé ke bɛ. Munu faa lé wo wo nɔnɔ yé wo nyana wolé sunya palunu yɛrama, wa mi baa wuru do yɔ soru wɔlɛ do, mi wuru sɔrafié yɔ sɔrafié wɔlɛ vu.

³³ Wo ’ka Lévinu nɔnɔ lɛ Izraɛlnu va lo, we lé Gakelebale a fe Moizi lɛ, a yɛrama.

³⁴ We faa lé Gakelebale a fe Moizi lɛ, Izraɛlnu a faa tawe kɛlɛ. A zo lé wo nyana, wolé draponu sɔnɔ. Yé a zo lé wo faa do do vo tawona, wo gɔnɔla ma gɔnɔla ma, wo tranu gɔnɔ ma gɔnɔ ma.