Mi Nɔnɔle 1 - Kazambale lé Sebe Sauunu 1979

Wo Izraɛlnu nɔnɔ Sinai bwi la

¹ Gakelebale we fe Moizi lɛ Sinai bwi la, zén‐ékevasɔkɔn gi, moné fiézan lé yi vininzan nya, wo fwile Éjipiti tɛrɛ la zuo lɛɛ fiézan nya. É léé:

² ’I Izraɛlnu faa nɔnɔ wo gɔnɔla gɔnɔla ma, ’é valé wo tranu gɔnɔ ma gɔnɔ ma. ’I Izraɛl gɔnénu faa nɔnɔ ’wo tɔ ma,

³ wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. Bii valé Arɔn, ’ka wo nɔnɔ wo palu ma.

⁴ É a lé bɛn do do gi mi do ’é pa ka va, mi lé é ke é tra lé kɔnzan nya, yee lé.

⁵ Munu lé wo dan pa lɛ ka va, wo tɔnu lé ke ’ko: Rubɛn gi mi: Sédéuu be Élisuu.

⁶ Siméɔn gi mi: Surisadai be Sélumiɛl.

⁷ Juda gi mi: Aminadab be Nasɔn.

⁸ Isakaa gi mi: Suaa be Nétanéɛl.

⁹ Zabulɔn gi mi: Élɔn be Éliab.

¹⁰ Jozɛfu benu zé lé ke ’ko: Éfraim gi mi: Amiud be Élisama; Manasé gi mi: Pédasuu be Gamliɛl.

¹¹ Bɛnjamɛn gi mi: Gidéoni be Abidan.

¹² Dan gi mi: Amisadai be Aiézɛɛ.

¹³ Azɛɛ gi mi: Okran be Pagiɛl.

¹⁴ Gad gi mi: Déuɛl be Éliazaf.

¹⁵ Néfitali gi mi: Énan be Aira.

¹⁶ Munu lé wo wo laa léé, ’wo zén ékeva, wo lé ke bɛ; wa ’wo tranu gɔnɔ gi mi blɛnnu nya; wa Izraɛl mi baanu nwiinzannu nya.

¹⁷ Munu lé wo wo tɔ nɔnɔ bɛ, Moizi valé Arɔn wo si,

¹⁸ yé wo munu faa laa yé wo zén ékeva moné fiézan lé yi vininzan nya. Wo wo tɔ gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo lé wo lɛɛ yɔ do bɔ, wo wo nɔnɔ wo tɔ ma.

¹⁹ Moizi munu nɔnɔ Sinai bwi la, Gakelebale a fe a lɛ fɛan zo, a zo.

²⁰ Wo Izraɛl lé né vininzan Rubɛn benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

²¹ Rubɛn bɛn gi munu lé wo wo nɔnɔ, wa mi baa yɔ do wɔlɛ yaa wuru fié yɔ soru.

²² Wo Siméɔn benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

²³ Siméɔn bɛn gi munu lé wo wo nɔnɔ, wa mi baa yɔ do wɔlɛ sɔraziɛn mi wuru suiɛdo yɔ soru.

²⁴ Wo Gad benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

²⁵ Gad bɛn gi munu lé wo wo nɔnɔ, wa mi baa yɔ do wɔlɛ fié mi wuru sɔraa yɔ fié wɔlɛ vu.

²⁶ Wo Juda benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

²⁷ Juda bɛn gi munu lé wo wo nɔnɔ, wa mi baa yɔ do wɔlɛ vu ta sɔrafié mi wuru yaa.

²⁸ Wo Isakaa benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

²⁹ Isakaa bɛn gi munu lé wo wo nɔnɔ, wa mi baa yɔ do wɔlɛ sɔrafié mi wuru fié.

³⁰ Wo Zabulɔn benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

³¹ Zabulɔn bɛn gi munu lé wo wo nɔnɔ, wa mi baa yɔ do wɔlɛ sɔraa wuru sɔrafié.

³² Jozɛfu benu va, wo Éfraim benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

³³ Éfraim bɛn gi munu lé wo wo nɔnɔ, wa mi baa yɔ do wuru fié yɔ soru.

³⁴ Wo Manasé benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

³⁵ Manasé bɛn gi munu lé wo wo nɔnɔ, wa mi baa vu ta suiɛdo mi wuru do.

³⁶ Wo Bɛnjamɛn benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

³⁷ Bɛnjamɛn bɛn gi munu lé wo wo nɔnɔ, wa mi baa vu ta sɔrafié mi wuru sɔrafié.

³⁸ Wo Dan benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

³⁹ Dan bɛn gi munu lé wo wo nɔnɔ, wa mi baa yɔ do wɔlɛ vu ta do mi wuru yaa yɔ soru.

⁴⁰ Wo Azɛɛ benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

⁴¹ Azɛɛ bɛn gi munu lé wo wo nɔnɔ, wa mi baa yɔ do mi wuru sɔrafié yɔ soru.

⁴² Wo Néfitali benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé.

⁴³ Néfitali bɛn gi munu lé wo wo nɔnɔ, wa mi baa yɔ do wɔlɛ suiɛdo mi wuru sɔrafié.

⁴⁴ Munu lé wo wo nɔnɔ, wo lé ke bɛ. Moizi valé Arɔn mi do do si wo tranu gɔnɔ gi yé wo wo pa ’wo va, nyanama ’ko pale we ma.

⁴⁵ Izraɛlnu faa lé wo wo nɔnɔ wo tranu gɔnɔ ma gɔnɔ ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ,

⁴⁶ wo faa lé wo wo nɔnɔ, wa mi baa wuru do yɔ soru ’é ta lé baa do wuru sɔrafié yɔ sɔrafié wɔlɛ vu.

⁴⁷ Naa, wo ’ka Lévinu nɔnɔ lɛ wo tranu gɔnɔ yɛrama lo.

⁴⁸ Gakelebale we fe Moizi lɛ yé é léé:

⁴⁹ Té i Lévi bɛn gi munu nɔnɔ lo; té i wo tɔ gyɛ Izraɛlnu va lo.

⁵⁰ Sɔkɔn lé, wenayefɛ ke a gi, ’bé bɛ pa Lévinu lee, yee valé sɔkɔn gi nyanamapafɛnu koo, alé fɛnu faa koo, ’i wo bɛ pa wo lee. Wo ɛ go sɔkɔn valé a gi nyanamapafɛnu faa nya, yé wo ɛ a nyanama paan, yé ’wo ’wolé kɔn dɔ sɔkɔn zi do do.

⁵¹ Dé sɔkɔn gobléyi bɔ, Lévimunu a si yé wa po pa; dé sɔkɔn bɔ é dɔna Lévinu a fuo yé wa dɔ, yé dé bɛn bié a ma, é a lé wa gyɛ yé é ga.

⁵² Izraɛlnu ’wo nyana ’wolé ban wuo do do, wolé bɛn do do lé drapo sɔnɔ, wo palu ma palu ma.

⁵³ Naa, Lévinu ’wo nyana sɔkɔn lé, wenayefɛ ke a gi, a zi, léé, té anlé bliflile é nwa Izraɛl lé nénu lé ke é zénle ékeva, wo ma lo; yé Lévinu ’wo yuɛ pa sɔkɔn lé, wenayefɛ ke a gi, a ta.

⁵⁴ Bélidɔwe faa lé Gakelebale a nɔ Moizi lɛ, Izraɛlnu a nyi si, yé wa kɛlɛ a zo.