Néémi 12 - Kazambale lé Sebe Sauunu 1979

Wo Balebanmunu valé Lévinu nɔnɔ

¹ Balebanmunu valé Lévinu lé wo da wo pa gi Séaltiɛl be Zorobabɛl valé Jozuénu nya, wo tɔ lé ke ’ko: Séraja, Jérémi, Ezidras,

² Amari, Maluk, Atus,

³ Sékania, Réum, Mérémɔt,

⁴ Ido, Ginétoi, Abija,

⁵ Mijamɛn, Maadia, Bilga,

⁶ Sémaéja, Jojarib, Jédaéja,

⁷ Salu, Amɔk, Ilkija, Jédaéja, Balebanmunu nwiinzannu valé wo bwenu lé wo ke ana Jozué bléyi va, wonu lé ke bɛ.

⁸ Lévinu lé ke ’ko: Jozué, Binui, Kadimiɛl, Sérébia, Juda, Matania lé wo valé é bwenu ke Bale tɔzinfe lɛrɛvɔzannu zilɛzannu nya,

⁹ Bakibukia valé Uni lé wo wolé nyanama paan wo bwenu sɔnɔ, woo lé.

¹⁰ Jozué a Jojakim ti nya, Jojakim a Éliasib ti nya, yé Éliasib a Jojada ti nya.

¹¹ Jojada a Jonatan ti nya, Jonatan a Jadua ti nya.

¹² Jojakim bléyi va, Balebanzannu lé wo ke wo gɔnɔ nwiinzannu nya, wo tɔ lé ke ’ko: Séraja gɔnɔ la, Méraja lé; Jérémi gɔnɔ la, Aanania lé;

¹³ Ezidras gɔnɔ la, Mésulam lé; Amaria gɔnɔ la, Jokanan lé;

¹⁴ Méluki gɔnɔ la, Jonatan lé; Sébania gɔnɔ la, Jozɛfu lé;

¹⁵ Arim gɔnɔ la, Adina lé; Mérajɔt gɔnɔ la, Elkai lé;

¹⁶ Ido gɔnɔ la, Zakari lé; Ginétɔn gɔnɔ la, Mésulam lé;

¹⁷ Abija gɔnɔ la, Zikri lé; Mɛnjamɛn valé Moadia gɔnɔ la, Piltai lé;

¹⁸ Bilga gɔnɔ la, Samua lé; Sémaéja gɔnɔ la, Jonatan lé;

¹⁹ Jojarib gɔnɔ la, Matanai lé; Jédaéja gɔnɔ la, Uzi lé;

²⁰ Salai gɔnɔ la, Kalai lé; Amɔk gɔnɔ la, Ébɛɛ lé:

²¹ Ilkija gɔnɔ la, Asabia lé; Jédaéja gɔnɔ la, Nétanéɛl lé.

²² Éliasib koo, Jojada koo, Jokanan koo, Jadua koo, wo bléyi va, Lévinu lé ke wolé guniwuonu nya, wo wo valé Balebanzannu tɔ gyɛ, Pɛɛs mi Darius plale mi nwiin bléyi va.

²³ Lévi kulunu lé ke guniwuonu nya, wo wo tɔ gyɛ minwiinzan blɛn lé we zuo fe sɛbɛ gi fɔɔ Éliasib be Jokanan bléyi va.

²⁴ Lévinu nwiinzannu Asabia koo, Sérébia koo, Kadimiɛl be Jozué valé wo bwenu koo, wa é dɔle wo ke yara, ’té wo panyanama lé ke léé, ’wo Bale tɔ nwa yé wa tɔ zin fe, Bale lé mi David a fe fɛan zo, a yɛrama.

²⁵ Matania koo, Bakibukia koo, Abudias koo, Mésulam koo, Talmɔn koo, Akub koo, wa kɔntayuɛpazannu nya, yé woo dɔa kɔn ’léé nuu, wo tabinle we ma.

²⁶ Wana Josadak be Jozué bé Jojakim bléyi va, yee valé gbɔrɔnama Néémi valé Balebanzan Ezidras lé é ke é ziin sɛbɛ gifezan nya, wo bléyi va.

Wo Jérusalɛm zi gɔrɔnu nɔ Bale lɛ

²⁷ Jérusalɛm zi gɔrɔ nɔle Bale lɛ bléyi va, wo Lévinu laa wolé fla faa la, léé, ’wo da Jérusalɛm gɔrɔ nɔle Bale lɛ we ma yé wo fɛti kɛlɛ lɛrɛvɔle koo, kɔa gyɛle koo, kpélé gyɛle koo, kɔnɔ gyɛle koo, wo nya.

²⁸ Lɛrɛvɔmunu si Jérusalɛm zi flanuan ta, wo tɔ lo: Nétofa koo,

²⁹ Bɛt‐Gilgal koo, Géba valé Azmavɛt lé tɛrɛ koo, woo lé, yé wo zén ékeva Jérusalɛm; naa, lɛrɛvɔmunu lé flanu a é pale Jérusalɛm zi.

³⁰ Balebanzannu valé Lévinu wobo kɛlɛ tegele yé munu koo, duolinu valé gɔrɔ koo, wo wo faa suu Bale tɔ gi.

³¹ Juda nwiinzannu vɔ gɔrɔ ta loru, yé an wo kini ékema lɛrɛvɔmunu palu blɛn fié nya. A palu vininzan zi sia bɛyilazia gɔrɔ bɔlɔ la loru, flagɔrɔ ’léé lé wa laama wibo, a vazia.

³² Oozé valé Juda nwiinzannu lɛgɔnɔ do tawo lɛrɛvɔzannu ’ko zuo,

³³ ’wo valé Azaria koo, Ezidras koo, Mésulam koo,

³⁴ Juda koo, Bɛnjamɛn koo, Sémaéja valé Jérémi koo,

³⁵ Balebanzannu benu lé, bélinu ke wo lee, ’bɛ gi léé, Azafa be Zakuu be Misé be Matania be Sémaéja be Jonatan be Zakari,

³⁶ ’é valé é bwenu Sémaéja koo, Azaréɛl koo, Milalai koo, Gilalai koo, Maai koo, Nétanéɛl koo, Juda valé Aanani koo, wa wo zuo, ’té lɛrɛvɔafɛnu lé ke Bale lé mi David zé nya, ’té é a wo lee, ’té sɛbɛgifezan Ezidras a wo ’lɛzan nya.

³⁷ Flagɔrɔ ’léé lé wa laama ’yibɔna, wo bɔ ’bɛna aan wo, fɛana lé gɔrɔ éé nwaan David lé fla nwiin, wo yara dɔ wo ’lɛ tegele, yé wo David lé fla lé sikalié gié fɔɔ yé wo bɔ flagɔrɔ ’léé lé wa laama ’yinu, ’té é ke yirinwanazia bɛ, ana.

³⁸ Lɛrɛvɔmunu palu fiézan zi sia bɛbolazia. ’Té maa valé munu lɛgɔnɔ do a wo zuo, gɔrɔ bɔlɔ la loru. Ko gié aan wo ’furunu lé dɔtalorufɛ ta loru, yé ko bɔ gɔrɔ laala blɛn na;

³⁹ ’bɛ zuo ko gié flagɔrɔ ’léé lé wa laama Éfraim koo, yee lé wa laama gɔrɔ ’léé kwa koo, yee lé wa laama pɔnu koo, wo ta, yé ko gié Ananéɛl valé Méa lé dɔtalorufɛ va, fɔɔ yé ko bɔ flagɔrɔ ’léé lé wa laama ’blanu, a ta.

⁴⁰ Lɛrɛvɔmunu palu fié dɔ Bale lé kɔn gi, yé ko kɛlɛ yee ɛ zo, maa valé minwiinmunu lé wo ke an va koo,

⁴¹ Balebanmunu Éliakim koo, Maaséja koo, Mɛnjamɛn koo, Misé koo, Eljoénai koo, Zakari koo, Aanania koo, ’té bélinu a wo lee,

⁴² ’é valé Maaséja koo, Sémaéja koo, Éléazaa koo, Uzi koo, Jokanan koo, Malkija koo, Élam valé Ézɛɛ koo, woo lé. Lɛrɛvɔmunu lɛrɛ vɔ, ’té Jizraja a wo ’lɛzan nya.

⁴³ ’Bɛ yi la, wo saraka kiɛre bo, yé wo wobo nɔ zanagyɛle lɛ; naa, Bale ginanawe blɛn kɛlɛ munu lɛ, azama. Lomu valé nénu é ziin, wo gi nana, yé Jérusalɛm munu lé ginanadére bɔ baa.

Wo Lévinu valé Balebanmunu banwole ’léé fe

⁴⁴ ’Bɛ yi la, blɛnu koo, féifɛ vininnu valé fɛvuzannu koo, ’té woo wo dɔraan kɔnminu zi bɛ, wo munu dɔ yuɛ pale wo ta we ma. Fɛnu lé flamunu a no Balebanzannu valé Lévinu zé nya, bélidɔwe yɛrama, woo wo tééan ana. Naa, Judamunu gi nana léé, Balebanzannu valé Lévinu yara a é pale wolé nyanama ta,

⁴⁵ ’té we faa lé é ke Bale bɔle nya, ’é valé kɛlɛle tegele valé fɛnu suule nya, ’té wa kɛla. Lɛrɛvɔmunu koo, kɔntayuɛpazannu koo, wozé nyanama faa lɛ sɔɔ é ziin, David valé é be Salomɔn dére yɛrama.

⁴⁶ Naa, é vinin, David valé Azafa bléyi va, ’té lɛrɛvɔmunu koo, Bale tɔbɔlɛrɛnu valé Bale bɔvɔlɛrɛnu koo, wo ’lɛzannu a, Bale tɔbɔle we gi.

⁴⁷ Zorobabɛl valé Néémi bléyi va, Izraɛlnu faa éé fɛ no lɛrɛvɔmunu valé kɔntayuɛpazannu lɛ, yi faa do do ma; fɛnu lé é ke é pale é yɛrama, wa nɔ Lévinu lɛ, yé ’bɛnu éé fɛ pale é yɛra?-?manu no Arɔn benu lɛ.