Néémi 11 - Kazambale lé Sebe Sauunu 1979

Munu nyananu

¹ Munu nwiinzannu nyana Jérusalɛm. Mi pɔnénu ’munnu zun léé, dé mi a vu, a do ’é go nyana fla sauun Jérusalɛm ta, yé mi pɔnénu ’é nyana flanu ta.

² Munu lé wa nyi si bli zin nya léé, wo nyana Jérusalɛm, munu wo faa drɔɔ vo.

³ Tɛrɛ lɛgɔnɔ nwiinzannu lé wo nyana Jérusalɛm, wo tɔ lé ke ’ko: Juda lé flanu la, wo faa do do nyana ’wolé fɛna, ’wolé fla. Izraɛlnu koo, Balebanzannu koo, Lévinu koo, Bale lé kɔn gi nyanamapamunu koo, Salomɔn wuozannu kulunu koo, woo lé.

⁴ Juda kulunu valé Bɛnjamɛn kulunu kenu nyana Jérusalɛm. Juda kulunu lé ke ’ko: Pérɛs kulunu va, Maalaléɛl be Séfatia be Amaria be Zakari be Ozias be Ataja,

⁵ ’é valé Siloni be Zakari be Jojarib be Adaja be Azaja be Kol‐Ozé be Baruk be Maaséja.

⁶ Pérɛs kulunu lé wo nyana Jérusalɛm, wa nyanazannu wuru fié yɔ yaa wɔlɛ sɔraa.

⁷ Bɛnjamɛn kulunu lé ke ’ko: Ézai be Itiɛl be Maaséja be Kolaja be Pédaja be Joɛd be Mésulam be Salu.

⁸ ’Bɛzan zuo, Gabai valé Salai, wa mi wuru ziɛn yɔ suiɛdo wɔlɛ sɔraa.

⁹ Zikri be Joɛl a wo nwiinzan nya, yé Sénua be Juda a wolé fla nwiinzan fiézan nya.

¹⁰ Balebanzannu lé ke ’ko: Jojarib be Jédaéja, Jakɛn,

¹¹ Akitub lé ke Bale lé kɔn nwiinzan nya, a be Mérajɔt be Sadɔk be Mésulam be Ilkija be Séraja;

¹² wo valé ’wo bwenu lé woo kɔn gi nyanama paan, wa mi wuru ziɛn yɔ do wɔlɛ fié; Malkija be Pasuu be Zakari be Amisi be Pélalia be Jérosam be Adaja,

¹³ yee valé é bwenu lé ke guniwuonu nya wo tranu gɔnɔ gi, wa mi wuru do yɔ fié wɔlɛ fié; Imɛɛ be Mésilémɔt be Akizai be Azaréɛl be Amaasai;

¹⁴ wo valé ’wo bwenu lé ke nyanazannu nya, wa mi yɔ suiɛdo wɔlɛ sɔraa. ’Té Gédolim be Zabadiɛl ɛ ke wo nwiinzan nya.

¹⁵ Lévinu lé ke ’ko: Buni be Asabia be Azrikam be Asub be Sémaéja;

¹⁶ Sabétai valé Jozabad lé ke Lévinu nwiinzannu va munu nya, ’té woo Bale lé kɔn zi nyanama paan koo,

¹⁷ ’wo valé Azafa be Zabidi be Misé be Matania, ’té éé Bale tɔ zin fele valé bazorole péli siaan koo, Bakibukia lé ke mi fiézan nya é bwenu va koo, Jédutun be Galal be Samua be Abada koo, woo lé.

¹⁸ Lévinu lé wo ke fla sauun ta, wo ’léé bɔ mi wuru do yɔ ziɛn wɔlɛ ziɛn.

¹⁹ Yé kɔntayuɛpazannu lé ke ’ko: Akub koo, Talmɔn koo, wo bwenu koo, wo ɛ ke kɔn ’léénu tayuɛpazannu nya, wa mi yɔ sɔraa wɔlɛ vu ta fié.

²⁰ Izraɛl mi pɔnénu, ’té wo ke Balebanzannu valé Lévinu nya, wo nyana Juda lé flanu faa la, wo faa do do lé nyanana.

²¹ Bale lé kɔn gi nyanamapazannu éé nyanaan gɔ nwiin, yé wo nwiinzannu lé ke Sisa valé Gisipa nya.

²² Lévinu lé wo ke Jérusalɛm, wo nwiinzan lé ké Misé be Matania be Asabia be Bani be Uzi nya. Wo wo dɔ lɛrɛvɔzannu nya Bale lé kɔn gi; Azafa ɛ ke wo tra nya.

²³ Naa, minwiinzan blɛn é dére do fe lɛrɛvɔmunu lé we ma léé, ’wo wo banwo yi faa do do ma, yé é a ’léé fe.

²⁴ Juda be Zérak be Mésézabéɛl be Pétaja a minwiinzan blɛn leezan nya munu lé we gi.

²⁵ Dé é a flanu valé wo zi tɛrɛnu zé nya, Juda kulunu nyana Kiijat‐Aaba koo, Dibɔn koo, Jékabaséɛl koo, ’wo valé wo zi flanu,

²⁶ Jésua koo, Molada koo, Bɛt‐Palɛt koo,

²⁷ Aasa?-?Sual koo, Bɛɛ‐Sééba valé é zi flanu koo,

²⁸ Siklag koo, Mékona valé é zi flanu koo,

²⁹ An‐Rimɔn koo, Soréa koo, Jaamut koo,

³⁰ Zanoas koo, Adulam koo, wo valé ’wo zi flanu, Lakis valé é zi tɛrɛ koo, Azéka valé é zi flanu koo, wona. Wo nyanale péli sia Bɛɛ‐Sééba yé wo bɔ Inom gɔ worona.

³¹ Bɛnjamɛn kulunu nyanale péli sia Géba yé wo bɔ Mikimas; Aja koo, Bétɛl valé é zi flanu koo,

³² Anatɔt koo, Nɔb koo, Aanania koo,

³³ Aasɔ koo, Rama koo, Gitaim koo,

³⁴ Adid koo, Séboim koo, Nébalat koo,

³⁵ Lod koo, Ono lé ke nyanamapamunu lé gɔworona na, ’bɛ koo, ana.

³⁶ Lévinu va mi kenu wo péli vɔ Bɛnjamɛn va, dɔlé ’té wa Juda palu vamunu nya.