Néémi 10 - Kazambale lé Sebe Sauunu 1979

¹ Munu lé wo ’wolé tɔmase kɛlɛ zɔrɔkaanyɔɔ ta, wo tɔ lé ke ’ko: Gbɔrɔnama Akalia be Néémi.

² Balebanmunu tɔ lé ke ’ko: Sédésias, Séraja, Azaria, Jérémi,

³ Pasuu, Amaria, Malkija,

⁴ Atus, Sébania, Maluk,

⁵ Arim, Mérémɔt, Abudias,

⁶ Daniɛl, Ginétɔn, Baruk,

⁷ Mésulam, Abija, Mijamɛn,

⁸ Maazia, Bilgai, Sémaéja.

⁹ Lévinu tɔ lé ke ’ko: Azania be Jozué, Binui, Énadad be Kadimiɛl,

¹⁰ wo bwenu, Sébania, Odija, Kélita, Pélaja, Aanan,

¹¹ Misé, Réɔb, Asabia,

¹² Zakuu, Sérébia, Sébania,

¹³ Odija, Bani, Béninu.

¹⁴ Munu nwiinzannu tɔnu lé ke ’ko: Paréɔs, Pasat‐Moab, Élam, Zatu, Bani,

¹⁵ Buni, Azgad, Bébai,

¹⁶ Adonija, Bigivai, Adɛn,

¹⁷ Atɛɛ, Ézékias, Azuu,

¹⁸ Odija, Aasum, Bɛsai,

¹⁹ Arif, Anatɔt, Nébai,

²⁰ Magipias, Mésulam, Ézii,

²¹ Mésézabéɛl, Sadɔk, Jadua,

²² Pélatia, Anan, Anaja,

²³ Ozé, Aanania, Asub,

²⁴ Alosɛs, Pilsa, Sobɛk,

²⁵ Réum, Asabina, Maaséja,

²⁶ Akija, Aanan, Anan,

²⁷ Maluk, Arim, Baana.

²⁸ Mi pɔnénu, Balebanmunu koo, Lévinu koo, kɔntayuɛpazannu koo, lɛrɛvɔzannu koo, Bale lé kɔn gi nyanamapazannu koo, munu faa lé wo kan kini bɛn bɛnu ma tawole Bale lé bélidɔwe ta we gi, wo koo, wo nanu koo, wo benu valé wo lunu koo, munu faa lé wo yara ke é kinile yé wo gi kini koo,

²⁹ wo zén wo bwenu lé wo ke tɔzannu nya, wo va. Wo bale ’nyɔɔn léé, wo dan dɔ lɛ bélidɔwe lé Bale wuozan Moizi a fe, a ta; yé Kozan Gakelebale lé bélidɔwe sɔnnénu faa koo, a déretawenu koo, alé bélidɔwenu koo, wo dan wo ta tawo lɛ yé wo dan wo lɛdɔ lɛ a ma.

³⁰ Ko dére lé ko fe léé, ko ’ka dan ko lunu nɔ lɛ tɛrɛ ’ko la munu lɛ lo, yé ko ’ka dan wo lunu si lɛ ko benu nanu nya lo, ko dan dɔ lɛ a ta;

³¹ yé dé tɛrɛ ’ko la munu da danfɛnu valé blefɛnu nya flinyi nya wo danle we ma, ko fe léé, ko ’ka dan wo va fɛ do kpen lɔ lɛ flinyi valé fɛtiyi la lo, yé é ziin, ko fe léé, a lɛɛ sɔrafiézan nya, ko ’ka dan féi pa lɛ lo, yé munu lé kolé vɛɛn ke wo ma, ko ’ka dan go lɛ vɛɛn la wo va ’bɛ lɛɛ gi lo.

³² É ziin, dére lé Bale a fe léé, ’wo sikla lɛ do nɔ Bale lé kɔn lé nyanama lé we ma lɛɛ do do ma, yé a lɛ fié é vo ko lɛ, ko dan a kɛlɛ lɛ. Wenuan ma lé ko dan sikla lɛ do nɔ lɛ, yéé lé ke ’ko:

³³ Bale ’lɛburu koo, blɛ lé a nɔle ’ka nyaan lo koo, balebanwi lé wa kyɛ blé, ’té a nɔle ’ka nyaan lo, ’té é ke flinyinu koo, moné dɛrɛnu koo, fɛtinu koo, wozé nya bɛ, yee koo, fɛnu lé ke é pale é yɛrama koo, Izraɛl lé wenyané ’yibo sarakanu koo, we faa tere lé wa kɛla kolé Bale lé kɔn gi koo, woo siklagɔɔli no yee nyanamanu ’ko lé we ma, lɛɛ do do ma.

³⁴ Balebanmunu koo, Lévinu koo, flamunu koo, ko munu si wo va ’munnu zunle nya, kyɛ lé é a lé wo da a nya lɛɛ do do ma kolé Bale blanfɛ nya, Bale lé kɔn ’léé, alé we ma. Woo dan kyɛ ’ko nya ko tranu gɔnɔla ma gɔnɔla ma, bléyinu lé wa dɔ, a nya, léé, ’wo saraka kyɛ ble a nya, Gakelebale kolé Bale banna ta, é a é gyɛle bélidɔwe gi fɛan zo, a yɛrama.

³⁵ Ko dére kɛlɛ do léé, lɛɛ do do ma ko da kolé féifɛ vininnu valé yilinu faa poro vininnu nya Gakelebale lé kɔn gi.

³⁶ Ko fe é ziin léé, ko dan da lɛ kolé négɔné vininnu koo, kolé winu lé né vininnu koo, kolé diri lé né vininnu valé kolé ’bla lé né vininnu koo, wo nya, Balebanzannu lé wo ke nyanama pana kolé Bale lé kɔn gi, wo lɛ, fɛan zo lé wa gyɛ bélidɔwe sɛbɛ gi, a zo.

³⁷ Ko fe é ziin léé, kolé buruyɔ vinin valé kolé blɛnu koo, yili faa poronu koo, dɔrɔ’yi vinin valé nyɔnɔ koo, ko dan da lɛ wo nya Balebanzannu lɛ kolé Bale lé kɔnminu zi. Ko dan kolé féifɛnu vuzan nɔ lɛ Lévinu lɛ. ’Té é a lé wa si woboan, fla faa lé ko féi paan wo ta, wona.

³⁸ Bléyian va lé Lévinu éé fɛvuzan sié, Arɔn be lé ke Balebanzan nya, ’é kɛlɛ Lévinu va, yé Lévinu ’é go fɛvuzan é vuzan nya kolé Bale lé kɔn gi, yé ’wa pa fɛwezannu pana, kɔnmi zi.

³⁹ Naa, kolé blɛnu lé ke ’sa koo, dɔrɔ’yi vinin koo, nyɔnɔ koo, wo nya, Izraɛlnu valé Lévi benu ’é go wo nya kɔnmi ’konu zi; ana lé Bale lé kɔn gi nyanamapafɛnu ke; Balebanzannu lé woo nyanama paan koo, kɔntayuɛpazannu koo, lɛrɛvɔzannu koo, ana lé woo dɔa. ’Ko zo lé ko dére kɛlɛ do léé, ko ’ka dan sɔn vɔ lɛ kolé Bale lé kɔn ma lo.