Misé 4 - Kazambale lé Sebe Sauunu 1979Tɛrɛ faa é dan vo lɛ drɔɔ Bale wuo ( Éz 2:2–5 ; Éz 60 ) 1 Bléyi voéla gi, é dan kɛlɛ lɛ léé, Gɔ lé Gakelebale lé kɔn ke a nwiin, É dan mini lɛ gɔ blɛnnu ta, É dan nwa lɛ gɔpanénu ta loru, Yé munu é dan yoro lɛ a vazia. 2 Bɛn gunu é dan go lɛ ana, yé wo dan a fe lɛ léé: ’Ka da, kaa go Gakelebale lé gɔ nwiin; Kaa go Jakɔb lé Bale lé kɔn gi, Yé é élé zi ta tawole paa kaa gi, Yé kaa tawo alé zinu ta. Naa, bélidɔwe é dan si lɛ Siɔn Yé Gakelebale dére é dan si lɛ Jérusalɛm. 3 É dan kɛlɛ lɛ munu kiɛre lé weblezan nya, Yé é dan bɛn plɛplɛ baabaanu pa lɛ ékema. Wo dan ’wolé gwɔunnu foli lɛ gwanénu nya, Yé wo dan ’wolé dinnu foli lɛ kɔblanénu nya. Bɛn ’ka dan élé gwɔun soi lɛ é bɔlu bɛn ma é dɛrɛ lo, Yé wo ’ka dan gulidanle draan lɛ é dɛrɛ lo. 4 Wo faa do do é dan nyana lɛ ’wolé dɔrɔyilinu valé ’wolé bɔrɔyilinu wuo, Yé mi do kpen ’ka dan wo gi kyɛ dɔ lɛ lo; Lai sunyanu lé Gakelebale ɛ fe, azama. 5 Dé munu faa a tawona ’wolé bale tɔ gi do do‐oo, naa, ko, ko é dan tawo lɛ Gakelebale kolé Bale tɔ gi, yifaama, a glɛ ’ka lo. Izraɛlnu é dan da lɛ ’wo pa gi ( Jér 30:18–22 ; Ézék 34:12–16 ; Zak 9:9–10 ) 6 ’Bɛ yi la, maa dan gane tɔntɔn munu nyana lɛ an va. Munu lé wo wo bin, maa dan wo zén lɛ ékeva, munu lé maa nyané pa wo ta, wo koo, a zo lé Gakelebale a fe. 7 Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo. 8 Yé bii trubɛ palu lé dɔtafɛ, Siɔn munu lé gɔpané, plale mi nwiin kyɛn é dan da lɛ i va yé i pla mi nwiin; Jérusalɛm munu plale mi nwiin lé. 9 Mɛmalé i a siaana siin? I nwiinzan blɛn ’ka é dɛrɛ loo? We pla i lɛzan ’ka é dɛrɛ loo? Bɛwemalé nyanéblele bɔ i ma bélé né yaa le zoo? 10 Siɔn munu, ’ka kle ble yé ’ka dunnu bélé le lé é ke né yaana, a zo. Naa, sin ka dan si lɛ fla blɛn ta yé ka dan nyana lɛ bwi gi, yé ka dan go lɛ fɔɔ Babilɔn; ’bɛna lé Gakelebale é dan ka si lɛ munu lee; ana lé é dan ka tabo lɛ ka nyanézannu lee. 11 Sin bɛn gɔnɔ kiɛre zén ékeva yé wo péli vɔ ka ma, yé wo léé: Wolé tɛrɛ sɔnné ’é sɛrɛ ma, yé ko Siɔn sɛrɛna ye ma. 12 Naa, wo ’ka Gakelebale lé gibɔrɔle dɔɔa lo, yé wo ’ka a bligiwe gi maan lo, yé wo ’ka a gi dɔɔa léé, é ’wo zén ékeva bélé ’sanwunnu lé wo wo téé ’sa sunwona, wo zo lo. 13 Siɔn munu, ’ka nwa yé ’ka wo sunwo. Maa dan foliɛwɔlɛ béli nɔ lɛ ka lɛ yé maa dan zéné sɔnéwɔlɛnu nɔ lɛ ka lɛ, yé ka dan bɛn kiɛre ’wii lɛ yé ka dan wolé fɛ zinnu pa lɛ é yɛrama Gakelebale zé nya, yé ka dan wolé fuafɛnu pa lɛ é yɛrama Tɛrɛfaazan zé nya. 14 Sin, sunya palu nwiinzan, ilé sunya palunu zén ékeva. Wa dirina ko zi; wa Izraɛl lé weblezan blin gyɛna vlewɔlɛ nya. |
Alliance Biblique de Cote d'Ivoire 1979
British & Foreign Bible Society