Malasi 4 - Kazambale lé Sebe Sauunu 1979

Bale lé yi bɔ é pu

¹ Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

² Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

³ Yé ka dan mi nyanénu zɔn lɛ; wo dan kɛlɛ lɛ ka gane wuo bélé kyɛyee zo, yi lé maa a a ma’lɛrɛna, a yi nya. A zo lé lai sunyanu lé Gakelebale a fe.

⁴ Bélidɔwe lé maa a nɔ an wuozan Moizi lɛ Orɛb gɔ nwiin, a sele ’é dɔ ka gi; maa wepladére valé sɔnnénu fe a lɛ Izraɛl faa zé nya.

⁵ Ka ye, maa dan balelayezan Éli pa lɛ ka lɛ zia Gakelebale lé kana?-?mayi blɛn bɔle ’lɛ.

⁶ Yé é dan né tinu bli nɔla lɛ ’wolé nénu vazia, yé é dan nénu bli nɔla lɛ ’wo tinu vazia, dé an da da yé an bale pa wolé tɛrɛ ma.