Jérémi Lé Wuvɔ Sɛbɛ 5 - Kazambale lé Sebe Sauunu 1979

Nyanainya dérenu

¹ Gakelebale, wean bɔ ko ma, a sele ’é dɔ i gi ma. Bé ye, ko a serelebomamunu nya fɛan zo, bé nagini.

² Ko zara kɛlɛ bɛnnu zé nya, Kolé kɔnnu kɛlɛ munu lé, ko ’ka wo dɔɔa lo, wozé nya.

³ Ko vo ti galazannu nya, Ko ti ’ka lo; ko bunu vo gyɛzaralomu nya.

⁴ Ko kobo lé miniyi lɔa gɔɔli nya, Ko kobo lé kyɛ lɔa.

⁵ Woo ko zuo bin‐é, ’té luubale a é vɔle ko bɔrɔ ma; Ko fuu si ko ta, ko flinna do kpen ’ka lo.

⁶ Ko bɛ soi Éjipiti valé Asiri vazia, léé, Wo fɛblele nɔ ko lɛ.

⁷ Ko tinu lé wo wenyané kɛlɛ, wo ’ka ana é dɛrɛ lo, Yé ko wo pagi weple kɔné si.

⁸ Luunu pla ko nwiin, Yé mi do ’ka ko sié wo lee lo.

⁹ Ko bli si kolé tɛrɛla lɛ kolé fɛblele yele we ma, Gwɔun ’lɛ, bwi gi.

¹⁰ Ko kɔlɛ kyɛ a blena bélé ’furu gi kyɛ zo, Lɔrɔ blɛn lé we ma.

¹¹ Ko nyanézannu zɔwɛ gyɛ Siɔn lomu ta; Wo blɛnnu sɛrɛ Juda flanu ta.

¹² Wo kolé zi ’lɛzannu dun ’wo bɛ ma; Wo ’ka gɔné segele do lɛdɔ lɛ a ma lo.

¹³ Gɔné boronénu éé fɛzɔngɔlɛnu sian, Nénu gane ’ka nwaan kyɛ kɔné wuo lo.

¹⁴ Gɔné segelenu ’ka nyanaan kolé flagɔrɔ ’léé é dɛrɛ lo, Pɛniɛnu daan ’wolé lɛrɛvɔle ma.

¹⁵ Ginanale san ko lee. Kolé nɛnɛbole tavɔɔ gyɛbole nya.

¹⁶ Kolé tɔkoro si ko ’wuo ma yé é dia, Wenaané kɛlɛ ko lɛ. Ko wenyané kɛlɛ, azama.

¹⁷ Dé ko a kle blena ko bli gi, Dé ko yuɛ a é tanale,

¹⁸ Yee lé ke léé, Siɔn kɛlɛ é ’bin nya, ’Té gwenu éé bɔrɔwoo ana.

¹⁹ Bii Gakelebale, bii a é plale munu nwiin lɛɛfaama; Ilé webleblin a é dɔrale mi kulu é kulu zé nya.

²⁰ Mɛmalé i gi éé saan ko ma yifaamaa? Mɛmalé i sɔn vɔa ko ma lɛɛ kiɛre gii?

²¹ Oo Gakelebale, ’bé kɛlɛ léé, ko da i va é ziin, yé ko dan da lɛ i va. ’I yinu nɔ ko lɛ bélé é vinin zé zo.

²² I daan ko ma tegele boen é woo? I bli é dan vo lɛ flina ko ma fɔɔ yé é gié é glɛ taa?