Jozué 21 - Kazambale lé Sebe Sauunu 1979

Lévinu lé flanu

¹ Lévinu lé guniwuonu bié Balebanzan Éléazaa koo, Nɛn be Jozué koo, Izraɛl bɛn gi guniwuonu koo, wo va.

² Wo we fe wo lɛ Silo, Kanaan tɛrɛ la yé wo léé: Gakelebale a fe Moizi lɔlu nya léé, ’wo ko nyanalaflanu nɔ, é valé wo zi tɛrɛnu nya, kolé winu zé nya.

³ Yé Izraɛl lé nénu fla ’konu valé ’wo zi tɛrɛnu si ’wolé tɛrɛnu va yé wo wo nɔ Lévinu lɛ, Gakelebale lé bélidɔwe yɛrama.

⁴ Wo ’munnu zun Kéat gɔnɔlamunu zé nya; yé Juda bɛn koo, Siméɔn bɛn koo, Bɛnjamɛn bɛn koo, wolé fla vu ta yaa kɛlɛ Lévinu lé ke Balebanzan Arɔn kulunu nya, wozé nya, ’munnu zunle nya;

⁵ Éfraim bɛn koo, Dan bɛn koo, Manasé bɛn lɛgɔnɔ do koo, wolé fla vu kɛlɛ Kéat kulu koɛnu zé nya, ’munnu zunle nya.

⁶ Isakaa bɛn koo, Azɛɛ bɛn koo, Néfitali bɛn koo, Manasé bɛn lɛgɔnɔ do lé ke Bazan tɛrɛ la koo, wolé fla vu ta yaa kɛlɛ Gɛɛsɔn kulunu zé nya, ’munnu zunle nya.

⁷ Rubɛn bɛn koo, Gad bɛn koo, Zabulɔn bɛn koo, wolé fla vu ta fié kɛlɛ Mérari kulunu zé nya, wo gɔnɔla ma gɔnɔla ma.

⁸ Izraɛlnu fla ’konu valé ’wo zi tɛrɛnu nɔ Lévinu lɛ ’munnu zunle nya, Gakelebale Moizi béli dɔ fɛan zo, a zo.

⁹ Flanu lé wo dan wo tɔ fe lɛ ’ko, wo wo si Juda bɛn valé Siméɔn bɛn gi,

¹⁰ yé wo wo nɔ Lévinu lé wo ke Arɔn be Kéatnu lɛgɔnɔ do nya, wo lɛ; naa, wa gyɛ ’munnu nya é vinin, azama.

¹¹ Kiijat‐Aabɛ lé ke Ébrɔn nya Juda gɔ ma, wo yee valé ’é zi tɛrɛnu nɔ wo lɛ. Aaba a Anak ti nya.

¹² Wo fla zi féinu valé flanénu nɔ Jéfuné be Kalɛb lɛ azé nya.

¹³ Wo migyɛzannu yɔɔfla nɔ Balebanzan Arɔn benu lɛ; Ébrɔn valé é zi tɛrɛnu koo, Libina valé é zi tɛrɛnu koo,

¹⁴ Jatii valé é zi tɛrɛnu koo, Esitémoa valé é zi tɛrɛnu koo,

¹⁵ Olɔn valé é zi tɛrɛnu koo, Débii valé é zi tɛrɛnu koo,

¹⁶ Ain valé é zi tɛrɛnu koo, Juta valé é zi tɛrɛnu koo, Bɛt‐Sémɛs valé é zi tɛrɛnu koo, woo lé; fla sɔraziɛn lé wa si bɛn fié ’ko gi.

^17-18 Wo fla ziɛn si Bɛnjamɛn bɛn gi; Gabaɔn valé é zi tɛrɛnu koo, Géba valé é zi tɛrɛnu koo, Anatɔt valé é zi tɛrɛnu koo, Almɔn valé é zi tɛrɛnu koo, woo lé.

¹⁹ Balebanmunu Arɔn kulunu lé flanu faa kɛlɛ vu ta yaa, wo valé ’wo zi tɛrɛnu nya.

²⁰ Lévinu lé ke Kéat benu lɛgɔnɔ koɛzannu nya, wo flanu ye Éfraim bɛn va, ’munnu zunle nya.

²¹ Migyɛzannu yɔɔfla Sisɛm lé ke Éfraim gɔ ma, é valé é zi tɛrɛnu koo, Gézɛɛ valé é zi tɛrɛnu koo,

²² Kibisaim valé é zi tɛrɛnu koo, Bɛt‐Orɔn valé é zi tɛrɛnu koo, fla ziɛn lé;

²³ wo flanu si Dan bɛn gi; Eltéké valé é zi tɛrɛnu koo, Gibétɔn valé é zi tɛrɛnu koo,

²⁴ Ajalɔn valé é zi tɛrɛnu koo, Gat‐Rimɔn valé é zi tɛrɛnu koo, wa fla ziɛn.

²⁵ Taanak valé é zi tɛrɛnu koo, Gat‐Rimɔn valé é zi tɛrɛnu koo, wo yee fla fié ’ko si Manasé bɛn lɛgɔnɔ do gi.

²⁶ Kéat benu lɛgɔnɔ koɛzannu lé flanu a vu, wo valé ’wo zi tɛrɛnu nya.

²⁷ Wo flanu nɔ Lévinu lé wo ke Gɛɛsɔn kulunu nya, wo lɛ. Migyɛzannu yɔɔfla Golan lé ke Bazan tɛrɛ la valé é zi tɛrɛnu koo, Béésitra valé é zi tɛrɛnu koo, wo yee fla fié ’ko si Manasé bɛn lɛgɔnɔ do gi;

²⁸ wo flanu si Isakaa bɛn gi; Kisijɔn valé é zi tɛrɛnu koo, Dabrat valé é zi tɛrɛnu koo,

²⁹ Jaamut valé é zi tɛrɛnu koo, An‐Ganim valé é zi tɛrɛnu koo, wa fla ziɛn.

³⁰ Wo flanu si Azɛɛ bɛn gi; Mi?-?séɛl valé é zi tɛrɛnu koo, Abadɔn valé é zi tɛrɛnu koo,

³¹ Elkat valé é zi tɛrɛnu koo, Réob valé é zi tɛrɛnu koo, wa fla ziɛn.

³² Migyɛzannu yɔɔfla Kédɛs lé ke Galilé tɛrɛ la, é valé é zi tɛrɛnu koo, Amɔt‐Dɔɔ valé é zi tɛrɛnu koo, Kaatan valé é zi tɛrɛnu koo, wo yee fla yaa si Néfitali bɛn gi.

³³ Gɛɛsɔn munu lé flanu faa a vu ta yaa, wo gɔnɔla ma gɔnɔla ma, wo valé ’wo zi tɛrɛnu nya.

³⁴ Wo flanu nɔ Lévi pɔnénu lé wo ke Mérari benu nya, wo lɛ. Wo flanu si Zabulɔn bɛn gi; Joknéam valé é zi tɛrɛnu koo, Kaata valé é zi tɛrɛnu koo,

³⁵ Dimina valé é zi tɛrɛnu koo, Naalal valé é zi tɛrɛnu koo, wa fla ziɛn.

³⁶ Wo flanu si Rubɛn bɛn gi; Bɛsɛɛ valé é zi tɛrɛnu koo, Jatasa valé é zi tɛrɛnu koo,

³⁷ Kédémɔt valé é zi tɛrɛnu koo, Méfaat valé é zi tɛrɛnu koo, wa fla ziɛn.

³⁸ Wo flanu si Gad bɛn gi; migyɛzannu yɔɔfla Ramɔt lé é ke Galaad tɛrɛ la, é valé é zi tɛrɛnu koo, Maanaim valé é zi tɛrɛnu koo,

³⁹ Esibɔn valé é zi tɛrɛnu koo, Jaézɛɛ valé é zi tɛrɛnu koo, wo faa a fla ziɛn.

⁴⁰ Flanu lé Lévi pɔnénu lé wo ke Mérari benu nya, wa gyɛ ’munnu zunle nya wo gɔnɔla ma gɔnɔla ma, wa fla vu ta fié.

⁴¹ Lévinu lé flanu lé wo ke Izraɛl lé nénu zé méléna, wa fla yɔ fié wɔlɛ sɔraa, ’wo valé ’wo zi tɛrɛnu nya.

⁴² Fla faa valé é zi tɛrɛ lé; a zo lé wo faa ke.

⁴³ ’Bɛ zo lé tɛrɛ lé Bale a nɔle fe wo tranu lɛ ébo ’nyɔɔnle nya, Gakelebale a faa nɔ Izraɛlnu lɛ; wa si wozé nya yé wo nyana ana kli.

⁴⁴ Gakelebale flinle nɔ wo lɛ bɛ faa ma, é a fe wo tranu lɛ ébo ’nyɔɔnle nya fɛan zo, a zo; wo nyanézan do kpen ’ka bɔa dɔle lɛ wo ma lo, yé Gakelebale wo faa pa wo lee.

⁴⁵ Dére zinnu lé Gakelebale a fe Izraɛlnu lɛ, a do kpen ’ka kɛlɛ lɛ boadére nya lo; a faa lɛ sɔɔ.