Jozué 16 - Kazambale lé Sebe Sauunu 1979

Éfraim bɛn zé tɛrɛ

¹ Tɛrɛ buru lé é kɛlɛ Jozɛfu kulunu zé nya ’munnu zunle nya, é sia Juudɛn yuu ma Jériko sɔnɔ, Jériko lé ’yinu vazia yirinwanazia. A glɛ go bwi lé é ke Jériko valé Bétɛl méléna, a soro zuo, gɔ ma zia.

² É si Bétɛl yé é go Luz yé é gié Aakinu glɛ vazia, Atarɔt.

³ ’Bɛ zuo é zun yirivɔnazia, Jaflɛt munu glɛ vazia fɔɔ yé é bɔ tɛrɛzan Bɛt‐Orɔn, fɔɔ yé é bɔ Gézɛɛ yé é nyaa wɛyi ma.

⁴ ’Bɛna lé Jozɛfu benu Manasé valé Éfraim wozé tɛrɛ ye.

⁵ Éfraim benu glɛnu lé ke ’ko, wo gɔnɔla ma gɔnɔla ma. Wolé tɛrɛ zé yirinwanazia glɛ lé ke Atarɔt‐Adaa fɔɔ yé é bɔ loru zia Bɛt‐Orɔn.

⁶ É go gole nya yirivɔnazia Mikimétat lé ke yirinwana bɛbolazia, a vazia, yé é plin yirinwanazia yé é go Taanat‐Silo vazia, yé é gié yirinwanazia Janoas va.

⁷ É si Janoas yé é zun Atarɔt valé Naarata, yé é gié Jériko ma yé é go fɔɔ yé é bɔ Juudɛn yuu ma.

⁸ É si Tapuas yé é go yirivɔnazia Kana yuu va, yé é nyaa wɛyi ma. Éfraim bɛnnu lé tɛrɛ a yee ɛ zo, wo gɔnɔla ma gɔnɔla ma.

⁹ Fla blɛn kenu valé ’wolé flanénu ana é ziin Éfraim munu zé nya, Manasénu lé tɛrɛ la.

¹⁰ Kanaan munu lé woo nyanaan Gézɛɛ, wo ’ka wo bin lɛ lo, yé Kanaan munu vo Éfraim munu méléna fɔɔ kyɔ, naa, wo gɔɔli banwo wo lɛ.