Jozué 15 - Kazambale lé Sebe Sauunu 1979

Juda bɛn lé tɛrɛ

¹ Tɛrɛ buru lé é kɛlɛ Juda bɛnnu zé nya ’munnu zunle nya, wo gɔnɔla ma gɔnɔla ma, é go Édom vazia fɔɔ yé é bɔ Tisɛn bwi la, yirinwana bɛyilazia, a glɛ mun la.

² ’Bɛ zo lé wolé yirinwana bɛyilazia glɛ si Wɛminiélɛ wɛyi gɔ mun ta; a yoro lé a yara ke yirinwana bɛyilazia, é sia ’bɛ ma.

³ Yé é gié Akrabim yirinwana bɛyilazia yé é Tisɛn kini yé é go Kadɛs‐Baanéa yirinwana bɛyilazia, é si ’bɛna yé é Esrɔn kini, é go Adaa vazia yé é plin Kaakaa;

⁴ ’bɛ zuo é Asimɔn kini yé é go fɔɔ Éjipiti lé yuu va yé é nyaa wɛyi ma. Yee lé ke kalé yirinwana bɛyilazia glɛ nya.

⁵ Alé yirinwanazia glɛ lé é ke Wɛminiélɛ wɛyi nya fɔɔ yé é bɔ Juudɛn yuu valé Wɛminiélɛ wɛyi zénna ékeva na. Alé yirinwana bɛbolazia glɛ sia wɛyi yoro lé é ke Juudɛn yuu valé Wɛminiélɛ wɛyi zénna ékeva na.

⁶ É go Bɛt‐Ogla vazia, é gié Bɛt‐Araba yirinwana bɛbolazia yé é go fɔɔ yé é bɔ Rubɛn be Boan lé gɔlɛ va;

⁷ é go Débii, Akɔɔ gɔnu worona ma baa sɛ, yé é go yirinwana bɛbolazia Gilgal bɛ do la, ’té Gilgal a Adumim gɔ yara, yuu lé yirinwana bɛyilazia. É gié An‐Sémɛs ’yinu sɔnɔ yé é go fɔɔ yé é bɔ An‐Rogél.

⁸ É si ’bɛna yé é gié Bɛn‐Inom gɔnu worona, yé é gié Jébusi lé ke Jérusalɛm nya, a san gi, yirinwana bɛyilazia, ’bɛ zuo é go gɔ lé ke Inom gɔnu worona ’lɛ yirivɔnazia, a nwiin; gɔ ’ko a Réfaim munu lé gɔnu worona glɛ mun la yirinwana bɛbolazia.

⁹ É si gɔ nwiin yé é soi fɔɔ é bɔ Néfitoas lé ’yibɔna ma, yé é go gole nya Éfrɔn gɔ ma flanu vazia, yé é go fɔɔ yé é bɔ Baala lé ke Kiijat‐Jéarim nya bɛ, a ma.

¹⁰ É si Baala yé é plin yirivɔnazia Séii gɔ vazia, é gié Jéarim gɔ san gi yirinwana bɛbolazia, ’té Jéarim gɔ a Kézalɔn nya, yé é zun Bɛt‐Sémɛs, yé é Timina kini.

¹¹ É go gole nya Ékrɔn san gi yirinwana bɛbolazia, yé é soi Sikrɔn vazia, é Baala gɔ kini yé é go fɔɔ yé é bɔ Jabanél, yé é nyaa wɛyi ma.

¹² Alé yirivɔnazia glɛ lé ke wɛyi blɛn nya. Juda bɛnnu zé glɛnu faa a yee ɛ zo, wo gɔnɔla ma gɔnɔla ma.

¹³ Wo Jéfuné be Kalɛb zé nɔ é lɛ Juda benu va fɛan zo lé Gakelebale a fe Jozué lɛ, a zo; Kiijat‐Aaba lé ke Ébrɔn nya, wa nɔ a lɛ; Aaba a Anak ti nya.

¹⁴ Kalɛb Anak be yaanu bin ana; Sésai koo, Aiman koo, Talmai koo, wo ɛ ke Anak lé nénu nya.

¹⁵ É si ’bɛna yé é nwa Débii munu ma; é vinin wo Débii laama Kiijat‐Séfɛɛ.

¹⁶ Kalɛb léé: Mi lé é guli dan Kiijat‐Séfɛɛ va yé é a kele, maa dan an lu Akasa nɔ lɛ ’bɛzan lɛ a na nya.

¹⁷ Kalɛb bwe Kénazi be Otiniɛl a si; yé Kalɛb é lu Akasa nɔ a lɛ a na nya.

¹⁸ Akasa da Otiniɛl va aan wo, é Otiniɛl tunu léé, ’é féi do laa ’é ti lee. Akasa si élé sokofale punu yé é zun yé Kalɛb lé a lɛ léé: Mɛ léé?

¹⁹ É a zi pa léé: I tɛrɛ nɔ an lɛ yirinwana bɛyilazia, naa, ’i blɛ kɛlɛ an lɛ é ziin; ’i ’yibɔna nɔ an lɛ. Yé é loruzia ’yibɔna valé tɛrɛzia ’yibɔna nɔ a lɛ.

²⁰ Juda benu lé tɛrɛnu a yee ɛ zo, wo gɔnɔla ma gɔnɔla ma.

²¹ Flanu lé ke yirinwana bɛyilazia tɛrɛ la, Juda bɛnnu glɛ mun la, Édom glɛ vazia, wo lé ke ’ko: Kabiséɛl koo, Édɛɛ koo, Jaguu koo,

²² Kina koo, Dimona koo, Adada koo,

²³ Kédɛs koo, Asɔɔ koo, Itinan koo,

²⁴ Zif koo, Télɛm koo, Béalɔt koo,

²⁵ Asɔɔ‐Adata koo, Kérijɔt‐Esrɔn lé ke Asɔɔ nya, ’bɛ koo,

²⁶ Amam koo, Séma koo, Molada koo,

²⁷ Asaa‐Gada koo, Esimɔn koo, Bɛt‐Palɛt koo,

²⁸ Asaa‐Sual koo, Bɛɛ‐Sééba koo, Bizjɔ?-?téja koo,

²⁹ Baala koo, Ijim koo, Asɛm koo,

³⁰ Eltolad koo, Késil koo, Ooma koo,

³¹ Siklag koo, Madamana koo, Sansana koo,

³² Lébaɔt koo, Silim koo, Ain koo, Rimɔn koo, woo lé. Fla blɛnnu faa a yɔ do wɔlɛ sɔraziɛn, yé wolé flanénu ana.

³³ Fɛna pɛblɛɛna: Esitaol koo, Soréa koo, Asina koo,

³⁴ Zanoas koo, An‐Ganim koo, Tapuas koo, Énam koo,

³⁵ Jaamut koo, Adulam koo, Soko koo, Azéka koo,

³⁶ Saaraim koo, Aditaim koo, Gédéra koo, Gédérotaim koo, woo lé; fla blɛn a vu ta ziɛn, é valé ’wolé flanénu nya.

³⁷ Sénan koo, Adasa koo, Migidal‐Gad koo,

³⁸ Diléan koo, Misipé koo, Jokotéɛl koo,

³⁹ Lakis koo, Bosikat koo, Églɔn koo,

⁴⁰ Kabɔn koo, Lakamas koo, Kitilis koo,

⁴¹ Gédérɔt koo, Bɛt‐Dagɔn koo, Naama koo, Makéda koo, woo lé; fla blɛnnu a vu ta suiɛdo, é valé wolé flanénu nya.

⁴² Libina koo, Étɛɛ koo, Asan koo,

⁴³ Jifitas koo, Asina koo, Nɛsib koo,

⁴⁴ Kéila koo, Azib koo, Marésa koo, woo lé; fla blɛnnu a sɔraziɛn, é valé ’wolé flanénu nya.

⁴⁵ Ékrɔn valé é zi fla blɛnnu valé flanénu koo,

⁴⁶ é sia Ékrɔn yirivɔnazia, flanu faa lé ke Azdɔd sɔnɔ, é valé flanénu koo,

⁴⁷ Azdɔd valé é zi fla blɛnnu valé flanénu koo, Gaza valé é zi fla blɛnnu valé flanénu koo, woo lé, fɔɔ yé é bɔ Éjipiti yuu valé wɛyi blɛn lé ke wolé glɛ do nya, wo ma.

⁴⁸ Gɔ ma flanu: Samii koo, Jatii koo, Soko koo,

⁴⁹ Dana koo, Kiijat‐Sana lé ke Débii nya, ’bɛ koo,

⁵⁰ Anab koo, Esitémo koo, Anim koo,

⁵¹ Gozɛn koo, Olɔn koo, Gilo koo, woo lé; fla blɛnnu vu ta do, é valé ’wolé flanénu nya.

⁵² Arab koo, Duma koo, Éséan koo,

⁵³ Janum koo, Bɛt‐Tapuas koo, Aféka koo,

⁵⁴ Umta koo, Kiijat‐Aaba lé ke Ébrɔn nya koo, Siɔɔ koo, woo lé; fla blɛnnu a sɔraziɛn, é valé ’wolé flanénu nya.

⁵⁵ Maɔn koo, Kaamɛl koo, Zif koo, Juta koo,

⁵⁶ Jizréɛl koo, Jokodéam koo, Zanoas koo,

⁵⁷ Kain koo, Gibéa koo, Timina koo, woo lé; fla blɛn a vu, é valé ’wolé flanénu nya.

⁵⁸ Alul koo, Bɛt‐Suu koo, Gédɔɔ koo,

⁵⁹ Maarat koo, Bɛt‐Anɔt koo, Eltékɔn koo, woo lé; fla blɛn a suiɛdo, é valé ’wolé flanénu nya.

⁶⁰ Kiijat‐Baal lé ke Kiijat‐Jéarim nya, ’bɛ valé Raba; fla blɛn a fié, é valé ’wolé flanénu nya.

⁶¹ Bwi la flanu: Bɛt‐Araba koo, Midɛn koo, Sékaka koo,

⁶² Nibisan koo, Iré‐Amélak koo, An‐Gédi koo, woo lé; fla blɛn a suiɛdo, é valé ’wolé flanénu nya.

⁶³ Jébusi munu lé wo ke é nyanale Jérusalɛm, Judanu ’ka bɔ lɛ wo binle lɛ lo, yé Jébusi munu vo Juda munu méléna Jérusalɛm fɔɔ kyɔ yi ’ko nya.