Jonas 3 - Kazambale lé Sebe Sauunu 1979

Jonas Bale dére lɛdɔma

¹ Gakelebale we fe Jonas lɛ a gɔnɔ fiézan nya, yé é léma:

² ’I nwa, yé ’i go fla blɛn Ninive ta. Yé we lé maa a fe i lɛ, bé zana dɔɔ ana.

³ Jonas nwa yé é go Ninive Gakelebale dére ta. ’Té Ninive a fla blɛn lé wa zi lɛ sɔɔan yi yaa tawole nya bɛ, a nya.

⁴ Jonas tawo é vinin flaworo dii yi do. Éé siaan, ’té éé a fé léé: É vo é ziin yi yɔ fié yé wo dan Ninive sɛrɛ lɛ tata.

⁵ É dɔ Ninive munu gi léé, Bale dére a weboen nya, yé wo lɔrɔ sɔnle zana dɔɔ yé wo bɔlɔ zén ’wo ta, é sia mi segelenu ma yé é bɔ nunukénénénu ma, wo faa lé.

⁶ Ninive nwiinzan blɛn we ’ko ’ma aan wo é si élé webleblin ta. É ’élé varɔ blɛn si é ta; yé é bɔlɔ zén é ta; yé é nyana kyɛyee va.

⁷ Yé Ninive nwiinzan blɛn valé élé mi blɛnnu faa dére kɛlɛ do yé wo we ’ko zana dɔɔ munu faa lɛ léé: Munu koo, winu koo, dirinu koo, ’blanu koo, té wo fɛ do kpen ble lo; té wo lu do kpen ble lo, té wo ’yi mini pelo.

⁸ É a lé munu valé winu é bɔlɔ zén ’wo ta, yé ’wo siaa Bale lɛ dére plɛplɛ nya. Yé weplenu valé glawenu lé wa kɛlɛ, ’wo faa daan ’bɛ kɛlɛle ma.

⁹ Dé Bale é dan é bli nɔla lɛ yé é bli flile plɛplɛ vo, yé ko ’ka zamaga wo loo?

¹⁰ Bale a ye léé, wa we ’ko kɛlɛna yé wo daan wolé weple kɛlɛle ma, yé we tɔntɔn lé é a a va léé, ’é a kɛla wo lɛ bɛ, é bli si a lɛ, yé é ’ka a kɛlɛ lɛ lo.