Jonas 1 - Kazambale lé Sebe Sauunu 1979

Jonas Bale lɛgama

¹ Gakelebale lé Amitai be Jonas lɛ léma:

² ’I nwa, yé ’i go fla blɛn Ninive ta, yé ’i we fe wo lɛ siaale nya. Naa, wolé we lɛrɛlɛrɛ kɛlɛle bɔ an va ’ko.

³ Yé Jonas nwa gole Taasis we ma, yɔɔle Gakelebale lee we gi. É go Jafo, yé é ’yitagoro do ye, ’té ’bɛ é go Taasis. É a banwo, yé é vɔ a gi, munu lé wa gona Taasis, wo va, yɔɔle Gakelebale lee we gi.

⁴ Naa, Gakelebale fu plɛplɛ gié wɛyi ta, yé fu blɛn kun giéle ma wɛyi ta. Yé é vo sɛ yé ’yitagoro é zana.

⁵ Kana zén ’yitagoro gi nyanamapazannu gi, yé wo faa do do vo ’wolé balenu tɔ laana. Yé kɔnénu lé wo ke ’yitagoro gi, wo wo vuli ’yi va léé, yé ’yitagoro bɛn é si wo lɛ. Jonas go ’yitagoro wɔlɛ ma, é yia yé é yi gyɛ fɔɔ yé é gié é glɛ la.

⁶ ’Yitagoro vɔzan go a vuo lɛ, yé ’bɛ lé a lɛ léé: Mɛmalé i a yigyɛnaa? ’I nwa, ’ilé Bale tɔ laa, dé é dan é gi bɔrɔ lɛ ko ma yé ko ’ka zamaga wo loo?

⁷ Yé wo lé ’wo ke lɛ léé: ’Ka da, kaa ’munnu zun, dé de lé we ma lé we tɔntɔn ’ko ke bɔna ko maa? yé kaa ’bɛzan ye. Wo ’munnu zun, yé é kɛlɛ Jonas nya.

⁸ Yé wo lé a lɛ léé: De lé we ma lé we tɔntɔn ’ko ke bɔna ko maa? Bé fe ko lɛ. Ilé we a kaa? I si kyɛɛn? Ilé tɛrɛ a kyɛɛn? Yé bɛn ka lé i nyaa?

^9-10 É a zi pa wo lɛ léé: Maa a Ébru mi nya. An kanaan Gakelebale, lanu lé Bale lee. Yee ɛ wɛyi valé tɛrɛ kɛlɛ. Yé maa a gona yɔɔna a lee. Di kini munu ’konu gi é baba, yé wo lé a lɛ léé: Mɛmalé i we ’ko kɛlɛ a zoo?

¹¹ Yé wo lé a lɛ léé: Ko dan mɛ we kɛlɛ lɛ i lɛ yé wɛyi ta é zana ko lɛɛ? Naa, wɛyi nanole gi gyɛ sin plɛplɛ é baba.

¹² É a zi pa wo lɛ léé: ’Ka an si, yé ’ka an vuli wɛyi va, yé wɛyi ta é dan zana lɛ ka lɛ. Naa, maa a gi dɔɔ léé, anlé we ma lé fu plɛplɛ ’ko a giéna ka va.

¹³ Munu ’ko a goro vɔ payili giéna kelekele léé, ’wo bɔ gɔn ma. Wɛyi nanole gi gyɛ wo ma plɛplɛ, amalé wo ’ka bɔa a kɛlɛle lɛ lo.

¹⁴ Wo Gakelebale tɔ laa, yé wo léé: Gakelebale, té ko zamaga wo mi do ’ko lé we ma lo. Yé té i weanwiinlozan nyɛ dɔ ko nwiin lo. Naa, bii Gakelebale, wean é sɔ i lɛ, yee lé bé kɛla.

¹⁵ Yé wo Jonas kun yé wa vuli wɛyi va. Yé wɛyi nanole plɛplɛ ta zana.

¹⁶ Gakelebale lee kana blɛn zén munu ’ko gi, yé wo saraka bo Gakelebale lɛ, yé wo Bale kun.