Jérémi 47 - Kazambale lé Sebe Sauunu 1979

Bale Filisitinu lé we fe

¹ Gakelebale we fe balelayezan Jérémi lɛ Filisitinu lé we ma, Faraɔn lé Gaza munu gyɛle ’lɛ.

² Gakelebale léma: Ka ye, ’yinu nwa yirinwana bɛbolazia, Wa bélé ’yiyoro plɛplɛ lé é nwɛɛn é gɔ la, a zo; Tɛrɛ koo, a tafɛnu koo, Flanu koo, wo tamunu koo, é wo ble. Munu siaa plɛplɛ, Ana tɛrɛlamunu faa gyɛ bo.

³ Kaldé munu lé wisoo plɛplɛnu vun wele koo, Alé gulidangoronu vun wele valé ’bɛnu gane vun wele koo, alé we ma lé Né tinu ’ka bɔa wolé nénu naginile lɛ lo, Wo bɛnu kɛlɛ tɔɔtɔɔ wo ma, azama.

⁴ Naa, a yi é dan bɔ lɛ yé wo dan Filisitinu faa sɛrɛ lɛ, Yé munu faa lé wo bɔ Tii valé Sidɔn munu va, wo dan wo kulu ga lɛ é ziin. Naa, Gakelebale é dan Filisitinu sɛrɛ lɛ, wɛyi worona tɛrɛ Kafitɔɔ lé munu lé wo vo, woo lé.

⁵ Gaza munu wo dan ’wo nwin puiɛ lɛ gyɛbole nya, Azkalɔn munu é dan ’wo tadɔ lɛ tétété, mi pɔnénu lé woo nyanaan fɛna pɛblɛɛna, wo é ziin, I dan ibo ma mian lɛ yifaamaa?

⁶ Gakelebale lé gwɔun, i dan flin lɛ mɛ bléyi vaa? ’I wɔra i kɔlɛ gi é ziin, Yé ’i vo ana drɔɔ.

⁷ I dan nyana lɛ drɔɔ kaa? Gakelebale a béli dɔ É a pa zia Azkalɔn valé wɛyi ma munu ma.