Jérémi 45 - Kazambale lé Sebe Sauunu 1979

Bale blivolɛdére fe Baruk lɛ

¹ Dé Nérija be Baruk nyaa Jérémi dére gyɛle nya sɛbɛ ta, Juda nwiinzan blɛn Jozias be Jojakim plale mi nwiin lɛɛ ziɛnzan nya bɛ, yee Jérémi we fe Baruk bozen lɛ é ziin, yé é léma:

² Gakelebale Izraɛl lé Bale we fe bii Baruk lé we ma léma:

³ Bii a fe léé: Wenaané kɛlɛ an lɛ, naa, Gakelebale anlé nyané blele taa pa bli kyɛdɔle nya. An bamaflin wo fɔɔ yé an wɔlɛ gi nyaa an ma, yé an ’ka flinle yé lo.

⁴ Bé fe Baruk lɛ léé: Gakelebale léma: Bé ye, fɛ lé maa a dɔ, maa dan a sɛrɛ lɛ, yé fɛ lé maa a suru, maa dan a soowɔla lɛ, ’bɛ gi léé, tɛrɛ ’ko faa lé.

⁵ Yé bii, inɔ fɛ blɛnnu ginian izé nyaa? Té i wo gini lo. Naa, Gakelebale léma: Bé ye, an dan wenaané bɔ lɛ munu faa ma. Naa, dé i go fɛofɛana, maa dan i vo lɛ é yuɛma.