Jérémi 30 - Kazambale lé Sebe Sauunu 1979

Bale blivolɛdére fe élé munu lɛ

¹ Gakelebale we fe Jérémi lɛ yé é léma:

² Gakelebale Izraɛl lé Bale léma: Dérenu faa lé maa a fe i lɛ, ’i wo gyɛ sɛbɛ do la.

³ Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

⁴ Dérenu lé Gakelebale a fe Izraɛl valé Juda munu ma, yee lé ke ’ko:

⁵ Gakelebale léma: Ko dikiniémigi siaalenu ’ma, Nyɛ zén migiwe lé; vole drɔɔ we kaan lo.

⁶ ’Ka a nagini. Dé gɔné do a né yaanaa? Mɛmalé an gɔnénu faa yé wo bɛ nya é dɔle wo sowɔlɛ ma Bélé lezan lé ke né yaana, a zoo? Mɛmalé munu faa yara fuolaa?

⁷ We tɔntɔn lé. Naa, yi blɛn lé; ’Bɛ zoɛ yi vinin ’ka tan bɔ lɛ lo. É a Jakɔb lé klebleyi nya, Naa, é dan si lɛ a gi.

⁸ Lai sunyanu lé Gakelebale léé: ’Bɛ yi ’ko la an dan alé luubale kini lɛ i bɔrɔ ma, yé maa dan i yerebalenu kini lɛ, yé i ’ka dan pla lɛ bɛnnu wuo é dɛrɛ lo.

⁹ Ka dan Gakelebale, kalé Bale bɔ lɛ, yé ka nwiinzan blɛn David lé maa dan a nwa lɛ, ka dan a bɔ lɛ.

¹⁰ Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

¹¹ Gakelebale léma: Naa, maa a bii va, i sile we lee we ma; Yé bɛnnu lé maa ka sɔɔla wo va, maa dan wo faa sɛrɛ lɛ tata, Naa, bii, maa ’ka dan i sɛrɛ lɛ tata lo, Maa dan we lɛdɔ lɛ i gi we tegele nya, Maa ’ka bɔa i vole lɛ é pla lo, é a lé maa we lɛdɔ i gi.

¹² Gakelebale léma: I tuo blɛn, I manɔn a tɔntɔn.

¹³ Mi do ’ka dɔa i zuo i manɔn paale we ma lo, A lia ’ka lo, a nyaafɛ ’ka lo.

¹⁴ Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

¹⁵ Mɛmalé i wuvɔa i tuole we maa? Mɛmalé i dunnuan a yaale lé we maa? Ilé weple di valé Ilé wenyané kiɛre Lé we ma lé maa a kɛlɛ léé, i kle ble ’ko zo.

¹⁶ Naa, duowo, munu faa lé woo i ta blé, Wo dan wo ta ble lɛ, Yé wo dan go lɛ i nyanézannu faa tere nya luu gi; Munu lé wo ’wii i ta, wo dan ’wii lɛ wo ta, Yé munu faa lé wo ilé fɛnu sian gla nya, maa dan wozé sia lɛ gla nya.

¹⁷ Naa, maa dan i béli lɛ, maa dan i manɔnnu paa lɛ, Maa Gakelebale ɛ ke a fena. Naa, Siɔn ’ko, wa laama sɔnvɔma?-?zan, Siɔn ’ko lé, mi do kpen ’ka a mawe kɛla lo, yee lé.

¹⁸ Gakelebale léma: Ka ye, Jakɔb lé munu lé wo ke luu gi, maa dan da lɛ wo nya é ziin, An nyanai éé zén‐é wo nyanana ta; Wo dan wolé fla pa lɛ é ’bin la, Wo dan minwiinzan blɛn lé fuakɔn dɔ lɛ bélé é vinin zé zo.

¹⁹ Bale bɔvɔle é dan kɛlɛ lɛ wo méléna, ’Té woo siaan ginanale nya; Maa dan wo fan lɛ, yé wo ke ’ka dan so lɛ a ’léé lo; Maa dan wo tɔ bɔ lɛ; wo ’ka dan serele bo lɛ wo ma lo.

²⁰ Wo benu é dan kɛlɛ lɛ bélé é vinin zo, Wo dan zén lɛ ékeva yifaama an ’lɛ, Munu lé woo yaan wo ta, maa dan we lɛdɔ lɛ ’bɛnu faa gi.

²¹ Wo vazan do é dan kɛlɛ lɛ wo nwiinzan nya, Wo vazan do é dan pla lɛ wo nwiin; Maa dan wo bié lɛ an sɔnɔ yé wo da an va; Naa, mi kyɛn éé bli ta dɔa plɛplɛ yé é bié an va éboaan? Maa Gakelebale ɛ ke a fena.

²² Ka dan kɛlɛ lɛ anlé munu nya, Yé maa dan kɛlɛ lɛ kalé Bale nya.

²³ Ka ye, Gakelebale lé fu blɛn a giéna, a wɛwɛ dɔ; é zun wo gi bélé zagele zo. É ’wii mi nyanénu ’wuo ma bélé bɔ zo.

²⁴ Gakelebale bli ’ka dan dɔrala lɛ lo, fɔɔ yé a bligiwe lɛ é sɔɔ yé a ’wuo é pla. Ka dan we ’ko gi ’ma lɛ é voéla.