SEBE LÉ JAK A GYE (Épitre de Jacques) 2 - Kazambale lé Sebe Sauunu 1979

Té ka glɛ dɔ munu gi lo

¹ An bwenu, ka bli a é pale Kaazan lé é ke Fuasanzan Jézu Krist nya, a lɛ fɛan zo bɛ, té ka munu nagini wo kɔlɛ ma lo.

² Dé mi do wɔra kalé zén‐ékeva kɔn gi, é bɛmakyan valé sɔ zima baba nya, yé nyanégyɛzan lé sɔ naané ke ’bɛ ta, yé ’bɛ wɔra ana é ziin;

³ yé mi lé é sɔ zima zén é ta bɛ, dé ka ’bɛ nagini yé ka lé ’bɛ lɛ léé: Bii, ’i nyana fuanu nyanana ’ko, yé ka lé nyanégyɛzan lɛ léé: Bii, i dɔ loru bɛ; dé ’bɛ kaan lo, ’i nyana tɛrɛ va an punma ’ko,

⁴ ’té ka ’ka glɛ dɔna mi gi loo? Yé ’té ka ’ka munu vabona wo kɔlɛ ma loo?

⁵ ’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

⁶ Yé ’kaa, ka a nyanégyɛzannu sɔnɔna. Fuanuan wo ke nyané pana ka ta loo? Woan wo ke ka ganana weble?-?kɔnnu ’léé loo?

⁷ Tɔ zin lé munu éé ka laan a nya, woan wo ke a sɔnɔna loo?

⁸ Fuaneé lé bélidɔwe lé wa gyɛ Kazambale lé sɛbɛ gi léé, ’i bɔluzan lɔrɔ pa bélé biibozen zo, dé ka a ’bɛ ta tawona, ’té ka a kɛlɛna é zima.

⁹ Naa, dé ka munu naginian wo kɔlɛ ma, ’té ka a wenyané kɛlɛna, ’té ka bélidɔwe sɛrɛ yé bélidɔwe ka gyɛ we nya.

¹⁰ Dé mi bélidɔwe faa ta tawo, dé é a ma we tɛtɛné do sɛrɛ, ’té a faa sɛrɛle we dɔ a nwiin.

¹¹ Mian é a fe léé: Té i le bɛ valé gɔné bɛ gini lo, ’bɛzan lé é ziin léé: Té i mi gyɛ lo. Naa, dé i ’ka le bɛ valé gɔné bɛ ginian lo, dé i mi gyɛ, ’té i kinin bélidɔwe sɛrɛzan nya.

¹² Wo dan kalé we ble lɛ mivoébo?-?ma bélidɔwe yɛrama, amalé ’ka we fe yé ’ka we kɛlɛ a yɛrama.

¹³ Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.

Dé blipale kɛlɛwe ’ka lo, ’té é a é gale

¹⁴ An bwenu, mi lé é ke a fena léé, ’é bli a é pale, yé a kɛlɛwenu ’ka lo, ’bɛ tɔnɔ lé ke mɛ fɛ nyaa? ’Bɛ zo blipale éé bɔa a sile lɛ we gii?

¹⁵ Dé bwe do léé, dé buru do léé, dé wa é porole, yé fɛblele ’ka wo lee yi do do ma lo,

¹⁶ yé ka va mi do wo dɔ zia suiɛ wɔwɔ sile nya yé é lé wo lɛ léé: ’Ka bɔ drɔɔ ma, yé dunu ’é si ka ma yé ka kan ma; yé wo kɔlɛ mawe a fɛan gi yé é ’ka ’bɛ nɔ lɛ wo lɛ lo, ’bɛ tɔnɔ lé é ke mɛ fɛ nyaa?

¹⁷ Blipale a yee ɛ zo; dé a kɛlɛwenu ’ka lo, ’té é a é gale.

¹⁸ Naa, mi do é dan a fe lɛ léé: Bii, izé blipale a, yé maa, anzé kɛlɛwenu a. Ilé blipale lé a kɛlɛwenu ’ka lo, ’bé nagɔɔn an lɛ; yé maa dan anlé blipale nagɔɔn lɛ i lɛ an kɛlɛwenu nya.

¹⁹ Bé gi dɔɔ léé, Bale a do kpen, ’bɛ a é zima. Yonu ’bɛ gi dɔɔ é ziin, yé gligli éé zén‐é wo gi.

²⁰ Bii tavozan, blipale lé a kɛlɛwenu ’ka lo, a tɔnɔ ’ka lo, i ’ka ’bɛ gi dɔɔa loo?

²¹ Kaa tra Abraam é be Izak nɔ aan wo saraka lé wa kyɛ blé, a nya balebanna ta, a kɛlɛwenu ’ka alé we kɛlɛ lɛ tegele loo?

²² Bé ye, blipale valé é kɛlɛwenu a wo ke va; yé kɛlɛwenu nya lé blipale lɛ éé sɔɔan.

²³ A zo lé we lé wa gyɛ Kazambale lé sɛbɛ gi, a kɛlɛle lɛ éé sɔɔan. Wo léé: Abraam bli vo Kazambale lɛ, yé ’bɛ kɛlɛ a ma we tegele nya, yé wa laa Kazambale béé.

²⁴ Ka ye léé, mi éé kɛla tegele é kɛlɛwenu ma. É ’ka kɛla tegele é blipale saa ma lo.

²⁵ É ziin, gɔné gini le Raab nwunvɔzannu si aan wo yé é wo pa zia zi bɛ ’léé, a kɛlɛwenu ’ka alé we kɛlɛ lɛ tegele loo?

²⁶ Fɛan zo lé kɔlɛ lé a léli ’ka lo, é ke é gale, a zo duo lé blipale lé a kɛlɛwenu ’ka lo, é a é gale yee ɛ zo.