Ezidras 10 - Kazambale lé Sebe Sauunu 1979

Wo daan bɛnlomu ma

¹ Ezidras a ba ’ko zorona bléyian va, ’té éé wolé wenyané fé wuvɔle nya, ’té é a é diale Bale lé kɔn ’léé; yé Izraɛlnu gu blɛn da zén lɛ a zi, gɔnénu koo, lomu koo, nénu koo, wo nya; yé wo yuɛyi vo yorona é baba wuvɔle nya.

² Élam benu va mi do, Jééiɛl be Sékania kun wefele ma Ezidras lɛ, yé é léma: Ko wenyané kɛlɛ kolé Bale ma; ko tɛrɛ ’ko la bɛn lomu si ko nanu nya. Naa, duowo, ko bli a Bale lɛ.

³ Sin, ko gi paan do Bale va ma, yé lomu ’konu faa valé wolé nénu, ko wo paan zia, anzan valé munu lé wo ma éé nyɔɔn‐an kolé Bale lé bélidɔwenu ma, wolé wepaale yɛrama. Yé ’wo we kɛlɛ Bale lé bélidɔwe yɛrama.

⁴ ’I nwa, naa, we ’ko a ilé kɔné nya, yé ko dan pa lɛ i va. ’I bli ta dɔ plɛplɛ, yé ’i we kɛlɛ.

⁵ Ezidras nwa, yé é lé Balebanmunu segelenu koo, Lévinu koo, Izraɛlnu faa koo, wo lɛ léé: Wean ka fe bɛ, dé ka dan a kɛlɛ lɛ, ’ka bale ’nyɔɔn. Yé wo bale ’nyɔɔn.

⁶ ’Bɛ zuo yé Ezidras si Bale lé kɔn ’léé, yé é go Éliasib be Jokanan lé kɔn gi. ’Bɛna mi, é ’ka fɛ do kpen ble lɛ lo, yé é ’ka ’yi do kpen mini lɛ lo. Luugimunu lé wenyané lé we ma lé tɛrɛla lɔrɔ nyaa a ma.

⁷ Wo zana dɔɔ Jérusalɛm valé Juda tɛrɛ faa la, léé, luugimunu faa ’é zén ékeva Jérusalɛm.

⁸ Minwiinzannu valé mi segelenu léé, dé miomian ’ka go lɛ ana yi yaa wuo lo, wo dan alé fɛnu si lɛ a lee, yé é ’ka dan luugimunu zénle ékeva na ye lɛ é dɛrɛ lo.

⁹ Juda munu koo, Bɛnjamɛn munu koo, wo faa zén ékeva Jérusalɛm yi yaa bɔle ’lɛ. A moné sɔraziɛnzan lé yi yɔ dozan nya, munu faa dɔ loru Bale lé kɔn ’léé, yé we ’ko valé lɛɛ dale lé we ma lé, dunu wo gyɛ yé wo ma vo nyɔɔnna.

¹⁰ Balebanzan Ezidras nwa yé é lé wo lɛ léé: Ka wenyané kɛlɛ bɛnlomu sile nya ka nanu nya, yé we lé é ke é dɔle Izraɛlnu nwiin, ka a gi gyɛ.

¹¹ Sin, ’ka ka saanna fe Gakelebale, ka tranu lé Bale lɛ, yé ’ka alé blibɔmawe kɛlɛ. ’Ka kan kini tɛrɛ ’ko la munu valé bɛnlomu ma.

¹² Munu faa ’wo dére nwa ékeva, yé wo léé: Iin. I wean fe bɛ, é a lé ko a kɛlɛ.

¹³ Naa, munu a kiɛre; lɛɛ dabléyi lé; wo ’ka bɔa vole lɛ béera lo; ’bɛ ta loru, nyanama ’ko ’ka yi do valé yi fié lé nyanama nya lo; naa, ko va mi kiɛre a wenyané ’ko gi.

¹⁴ Bɛwemalé, ko nwiinzannu ’é vo munu faa pa gi, yé fla faa la munu lé wo bɛnlomu si ’wo nanu nya, wo yi dɔ wo lɛ yé ’wo da, yé fla faa do do ta mi segelenu valé weblezannu ’é da wo va, fɔɔ yé kolé Bale lé bliflile blɛn lé ke ko ma we ’ko lé ko kɛlɛ, a we ma bɛ, yé é nɔla.

¹⁵ Azaɛl be Jonatan valé Tikiva be Jakazia, wo do ɛ dɔ we ’ko ma, yé Mésulam valé Lévi mi Sabitai wo péli vɔ wo va,

¹⁶ naa, luugimunu we kɛlɛ Ezidras dére ta. Wo Balebanzan Ezidras si a va, yee valé wo gɔnɔgimunu nwiinzannu nya, wo tranu gɔnɔla yɛrama, ’té woo wo faa laan wo tɔ ma. Yé a moné vuzan lé yi vininzan nya, wo nyana we ’ko kɛlɛle we ma.

¹⁷ Moné vininzan lé yi vininzan nya, munu faa lé wo bɛnlomu si, wo nyaa wolé we kɛlɛle nya.

¹⁸ Munu lé wo bɛnlomu si, wo wo va mi kenu ye Balebanzannu benu va. Wo tɔ lé ke ’ko: Jozué kulunu va, Josadak be; a bwenu va, Maaséja, Éliézɛɛ, Jarib, Gédalia, woo lé.

¹⁹ Wo léé, ’wo dan wolé bɛnlomu pa lɛ zia yé wo ’blagɔné nɔ we nyaa saraka nya.

²⁰ Imɛɛ kulunu va, Aanani valé Zébadia;

²¹ Arim benu va, Maaséja, Éli, Sémaéja Jééiɛl, Ozias;

²² Pasuu benu va, Eljoénai, Maaséja, Ismaɛl, Nétanéɛl, Jozabad, Éléaza, woo lé.

²³ Lévinu va, Jozabad, Siméi, Kélaja lé a tɔ ke Kélita, Pétaja, Juda, Éliézɛɛ.

²⁴ Lɛrɛvɔzannu va, Éliasib. Kɔn ta yuɛpamunu va, Salum, Télɛm, Uri.

²⁵ Izraɛlnu va: Paréɔs benu va, Ramia, Jizija, Malkija, Mijamɛn, Éléazaa, Malkija valé Bénaja.

²⁶ Élam benu va, Matania, Zakari, Jééiɛl, Abidi, Jérémɔt, Éli.

²⁷ Zatu benu va, Eljoénai, Élisib, Matania, Jérémɔt, Zabad, Aziza.

²⁸ Bébai benu va, Jokanan, Aanania, Zabai, Atilai.

²⁹ Bani benu va, Mésulam, Maluk, Adaja, Jasub, Séal, Ramɔt.

³⁰ Pasat‐Moab benu va, Adina, Kélal, Bénaja, Maaséja, Matania, Bɛsaléɛl, Binui, Manasé.

³¹ Arim benu va, Éliézɛɛ, Jisija, Malkija, Sémaéja, Siméɔn,

³² Bɛnjamɛn, Maluk, Sémaria.

³³ Aasum benu va, Matanai, Matata, Zabad, Élifélɛt, Jérémai, Manasé, Siméi.

³⁴ Bani benu va, Maadai, Amaram, Uɛl,

³⁵ Bénaja, Bédia, Kéluu,

³⁶ Vania, Mérémɔt, Éliasib,

³⁷ Matania, Matanai, Jaasai,

³⁸ Bani, Binui, Siméi,

³⁹ Sélémia, Natan, Adaja,

⁴⁰ Makana?-?bai, Sasai, Saarai,

⁴¹ Azaréɛl, Sélémia, Sémaria,

⁴² Salum, Amaria, Jozɛfu.

⁴³ Nébo benu va, Jéiɛl, Matitia, Zabad, Zébina, Jadai, Joɛl, Bénaja.

⁴⁴ Munu faa ’ko, wo ɛ bɛnlomu si, yé wo va mi kiɛre né yaa wo ma.