Ézai 64 - Kazambale lé Sebe Sauunu 1979

¹ bélé yili gale lé a kyɛ bi, a zo, béli ’yi lé é ke flina bɔ gi, ’té éé bélié, a zo; ’té i nyanézannu é dan i tɔ dɔɔ lɛ, yé bɛnnu ma é dan nyɔɔn lɛ i ’lɛ.

² Gyɛzorowenu lé ko ’ka wo lɛbɛnna lo, dé i wo kɛlɛ, dé i zun, gɔnu ma nyɔɔn i ’lɛ.

³ Wenu lé i wo kɛlɛ munu lé wo pa i ta, wo lɛ, dé é ’ka bii do kpen nya lo, ko ’ka tan a ’ma lɛ léé, bale bɛ ’bɛ kɛlɛ yé ko ’bɛ ye lo.

⁴ Munu lé woo wetegele kɛla ginanale nya, ’té woo tawoo ilé zinu ta, ’té i sele a wo gi, i tawoo wo ’lɛ. Naa, ko wenyané kɛlɛ, amalé i bli fli. Ko dan vo lɛ kle blena kolé wenyané ma fɔɔ yé ko si we gi.

⁵ Ko faa tiri a é dɔle, kolé wetegele faa a bélé sɔ tiridɔle zo; yé ko faa ma yuru bélé blalaa zo; kolé wenyané blɛn éé ko sian bélé fu lé.

⁶ Mi do ’ka ana yé ’bɛ i tɔ laan lo, mi do ’ka vuo lɛ yé é yere i ma lo; amalé i yara yɔɔ ko ma é ziin, yé i ko vo yé ko zamaga wo kolé wenyané blɛnnu ma.

⁷ Duowo, Gakelebale, bii a ko ti nya. Ko a bélé bɔtɛrɛ zo, bii ɛ ko kɛlɛ; ko faa a i bɛ panyanama nya.

⁸ Oo Gakelebale, té i bli fli yé é gié é glɛ la lo. Té kolé wenyané blɛn sele é dɔ i gi yifaama lo; bé gini do, ko faa a ilé munu nya.

⁹ Ilé fla sauunnu vo bwi nya; Siɔn vo bwi nya, Jérusalɛm vo tétété.

¹⁰ Kolé kɔn sauun tɔbɔle lé ko tinu i tɔ ma gyɛ a gi, é kɛlɛ kyɛblefɛ nya; kolé fɛwezannu faa guru zana a gi.

¹¹ Oo Gakelebale, ’bɛ zo lé ibo kunwoo? I dan i tadɔ lɛ yé kolé nyanéblele é gié é glɛ laa?