Ézai 6 - Kazambale lé Sebe Sauunu 1979

Bale Ézai laa — é kɛlɛ balelayezan nya

¹ Minwiinzan Ozias galɛɛ nya, maa Mizan Gakelebale ye é nyanale blin lé ke é dɔrale fɛna loru na, a ta, ’té alé varɔ blɛn lɔlu Balebangikɔn gi fɛna sauun fan.

² Sérafɛnnu a é dɔle a wuo; wo faa do do bɛa a suiɛdo suiɛdo; wo bɛa fié a wo yarayɔɔfɛ nya; wo bɛa fié a wo gane tayɔɔfɛ nya, yé woo sié a fié nya.

³ Woo siaan wo ke lɛ, ’té wa fé léé: Lai sunyanuzan Gakelebale a Sauun, sauun, sauun! Tɛrɛ faa la a é fanle alé fuasan nya!

⁴ Wo dére duolinu vɔna manyɔɔn yé kɔn fan kyɛgoi nya.

⁵ Yé maa léé: Wenaané kɛlɛ an lɛ! Maa a é sanle weboen nya, naa, maa a mi lé a lɔlu tiri ke é dɔle, a nya, yé maa nyanaan munu lé wo lɔlu tiri ke é dɔle, wo va; maa Minwiinzan blɛn, lai sunyanuzan Gakelebale ye an yuɛ nya, azama.

⁶ Sérafɛn do kyɛnyɛ do si balebanna nyaun nya, yé é da an va sile nya, ’té yee kyɛnyɛ a a lee.

⁷ É a zun an lɔ ma yé é léé: Fɛ ’ko mane i lɔlu ma; amalé ilé weple si i lee yé ilé wenyané ’yibo.

⁸ Maa Mizan dére ’ma, ’té éé a fé léé: Maa dan mi kyɛn ɛ nwunvɔ lɛɛ? Yé de ɛ dan tawo lɛ kolé we gii? Yé maa a zi pa léé: Maa lo, ’i an nwunvɔ.

⁹ Yé é lé an lɛ léé: ’I go, bé fe munu ’ko lɛ léé: Ka dan we ’ma lɛ, yé ka ’ka dan a gi ’ma lɛ lo; ka dan fɛ ye lɛ, yé ka ’ka dan a ma kunna ye lɛ lo.

¹⁰ ’I wo bli lɛ tan; ’i wo tɔné la vo, yé ’i blala pa wo yuɛ la, léé, té wo yuɛ é fɛna ye lo, té wo tɔné é we ’ma lo, té we ginin é dɔ wo gi lo, té ’wo bli nɔla yé ’wo béli lo.

¹¹ Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

¹² fɔɔ yé Gakelebale é munu si ana ma baa, yé a tɛrɛ é dan nɔla lɛ bwi blɛn nya.

¹³ Dé munu vuzan vo‐oo, ’bɛnu kulu é dan ga lɛ é ziin. Naa, dé wo térébɛnt yili valé sɛnéyili vɔ yé wo pun ’é vo fɛan zo, a zo duo lé, munu ’ko, wo punla do é dan nɛɛ lɛ mi sauunnu nya.