Ézai 56 - Kazambale lé Sebe Sauunu 1979

Bale lé munu woo sié bɛn faa gi

¹ Gakelebale léma: Kalé tawogane ’é drɔ tegele yé ’ka we tegele kɛlɛ; naa, é vo sɛ yé an dan ka si lɛ we gi, yé anlé wetegele na é dan gɔɔn lɛ é kele,

² Mi lé éé we ’ko kɛla, azé a néné. Blami lé éé dɔa a gi gligli, ’té éé flinyi kɛla tegele, yé é ’ka a sɔnné sɛra lo, ’té éé yuɛ paan é bɛ va, léé, té é wenyané kɛlɛ a nya lo, azé a néné.

³ Bɛn lé é yere Gakelebale ma, té azan a fe léé, Gakelebale é dan maa valé élé munu kini lɛ ékema, lo. Té miblale a fe léé: Bé ye, maa a yili gale nya, lo.

⁴ Naa, Gakelebale léma: Miblalenu lé woo anlé flinyinu kɛla tegele, ’té wo an sɔlɛwe si a va wozé nya, ’té woo dɔa anlé gipawe ta,

⁵ maa dan fɛna nɔ lɛ wo lɛ anlé kɔn gi yé tɔ lé é mini négɔné valé nélomu yaatɔ ta, maa dan a nɔ lɛ wo lɛ anlé munu va; tɔ lé a glɛ ’ka lo, ’té a yi ’ka dan ga lɛ lo, maa dan a nɔ lɛ wo lɛ.

⁶ Bɛnnu lé wo dan yere lɛ Gakelebale ma, a bɔle we ma, ’té Gakelebale tɔ sɔ wo lɛ, ’té woo kɛla a wuozannu nya, wo faa lé woo flinyi tawe kɛla, ’té wo ’ka a sɔnné sɛra lo, ’té woo dɔa anlé gipawe ta,

⁷ maa dan go lɛ wo nya anlé gɔ sauun nwiin, yé maa dan wo gi nana lɛ anlé bazorokɔn gi. Winu lé woo wo kyɛ blé an lɛ, yé sarakanu lé woo wo boo an lɛ an banna ta, maa dan wo ban‐ɛn ble lɛ. Naa, wo dan anlé kɔn laa lɛ munu faa lé bazorokɔn.

⁸ Mizan Gakelebale lé, éé Izraɛl lé lulazannu zén‐é ékeva, é léma: Munu lé wo zén Izraɛl va é kyɛn kwakwa, maa dan mi bɛnu zén lɛ wo va.

Bale we dɔ minwiinzannu nwlin

⁹ ’Kaa bwigiwinu faa valé pɔrɔgiwinu faa, ’ka da, ’ka fɛ ble.

¹⁰ Izraɛlnu tabinzannu faa yuɛ ’wii, yé ’wuo ’ka wo ta lo. Wo faa a bélé bobogyɛ blénnu zo, wo ’ka bɔa wele lɛ lo. Woo nyɛ gya, woo voo é yiale, yigyɛle sɔ wo lɛ.

¹¹ Wa bélé blénnu lé woo fɛ blé, ’té wo ’ka kaan lo, wo zo. Wa munutabinzannu lé wo ’ka we do kpen maan lo, wo nya. Wo faa wobo lé zi sian, wo faa do do lé tɔnɔ yele we ma.

¹² Wo léma: ’Ka da, an dan go lɛ nwɛ gini lɛ yé ko dɔrɔ ’lɛ plɛplɛ mini; ko dan a kɛlɛ lɛ a zo tɛlɛ, yé ko a taa mini é ziin.