Ézai 4 - Kazambale lé Sebe Sauunu 1979

¹ ’Bɛ yi la, lomu sɔrafié é dan kun lɛ gɔné do ma yé wo dan a fe lɛ a lɛ léé: Ko dan kobo lé fɛ ble lɛ, ko dan kobo lé sɔ lɔ lɛ; naa, i tɔ ’é pa ko ma é pla; ’i yara si ko ’wuo ma.

Wo dan Jérusalɛm pa lɛ é ziin

² ’Bɛ bléyi va, Gakelebale lé fɛ gɔn é dan bɔ lɛ; é dan kɛlɛ lɛ Izraɛl ’lɛrɛfɛ valé a tɔbɔle nya. Yee fɛ gɔn lé tɛrɛ a bɔra bɛ, Izraɛl lé munu lé wo si we gi, é dan kɛlɛ lɛ wo tɔbɔmafɛ valé wo nyɛɛfɛ nya.

³ Siɔn mi pɔnénu valé Jérusalɛm mi pɔnénu lé wo vo, ’té wo wo tɔ gyɛ mi yuɛmalenu va Jérusalɛm bɛ, wo dan wo laa lɛ Bale lé munu.

⁴ Mizan é dan Siɔn lomu lé weplenu si lɛ wo lee. Mi nyɛ lé wa zana Jérusalɛm Gakelebale é dan a sia lɛ we tegele kɛlɛle valé wo sɛrɛle nya.

⁵ Gakelebale é dan lati valé kyɛgoi dɔ lɛ é yiéyi, yé é dan kyɛnɛnɛ blɛɛnnu dɔ lɛ é béli Siɔn gɔ faa nwiin valé alé munu zénna ékeva na; Gakelebale lé fuasan é dan kɛlɛ lɛ fɛ faa nwiin bélé sɔban valé sɔkɔn zo

⁶ yé ’é kɛlɛ furɔ nya é yiéyi kyɛyee lee, yé ’é kɛlɛ mi yɔɔna nya lɛɛ valé fu plɛplɛ lee.