Ézai 15 - Kazambale lé Sebe Sauunu 1979

Bale é dan Moab munu kulu ga lɛ

¹ Balelawe lé Ézai a fe Moab tɛrɛ ma, yee lo. Yian nya lé wo ’wii Aa‐Moab munu ta é béli, wo fla sɛrɛle nyaa. Yian nya lé wo ’wii Kii‐Moab munu ta é béli, wo fla sɛrɛle nyaa.

² Wo go yobankɔn gi, yé wo go Dibɔn, gɔnwiin yobanna na, wuvɔle we gi. Moab tɛrɛ lamunu a wuvɔna Nébo valé Médéba ta; wo ’wo nwin faa puiɛ, wo ’wo puomagun faa puiɛ.

³ Wa zi gi, ’té bɔlɔ a é zénle wo ta. Kɔnnu nwiin valé flaworo dii, mi faa éé dunnuan, ’té wo yuɛyi éé zén‐é.

⁴ Esibɔn munu valé Éléalé munu a siaana, woo wo dére maan fɔɔ Jaas. Moab lé gulidan sunya boennu, ’bɛnu a wuvɔna; wo léli fuu si wo ta.

⁵ An dunnuan an bli gi Moab munu lé we ma; alé munu a vlanburuna fɔɔ Soaa, wo bélile we gi, wa vlanburuna fɔɔ Églat‐Sélisija; naa, wa gona loru Lusit vazia, ’té woo wuvɔa, yé wa siaana kleblele nya Koronaim lé zi ’léé.

⁶ Naa, Nimrim lé ’yinu guru gi ga, lunu ga, dinin sɛrɛ, a drɔɔdrɔɔ ’ka é dɛrɛ lo.

⁷ Bɛwemalé fɛ lé é vo wo lee, wo ’bɛ sia yé wo go wolé fɛnu nya yé wo yuu kini, fɛ lé yili kiɛre ke ana yuu gɔ la, ana.

⁸ Naa, wa siaana Moab tɛrɛ glɛ faa la; wolé wuvɔdére zuoi éé goo wele nya fɔɔ yé é bɔ Églaim, éé goo wele nya fɔɔ yé é bɔ Bɛɛ‐Élim.

⁹ ’Yibanu gi fan nyɛ nya Dimɔn. Maa dan nyané taa pa lɛ Dimɔn munu ta; Moab munu lé wo so we lee, maa dan golizra pa lɛ wo lɛ zia; wo kiéné lé wo vo Moab tɛrɛ la, maa dan golizra pa lɛ wo lɛzia.