Ézai 12 - Kazambale lé Sebe Sauunu 1979

Bale bɔvɔ lɛrɛ lé

¹ Ka dan lɛrɛ vɔ lɛ ’bɛ yi la léé: Gakelebaleoo, Bale, maa i tɔ zin fé. Naa, i bli a é flile an ma Yé sin, i bli dɔrala yé i an tɔrɔ paa, azama.

² Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

³ Ka dan ka béli’yi’wuo tɔ lɛ Ginanale nya;

⁴ Yé ka dan a fe lɛ ’bɛ yi la léé: ’Ka Gakelebale tɔ zin fe, ’ka a tɔ laa, Ka a kɛlɛwenu zana dɔɔ munu va, ’Ka a tɔ blɛn sele dɔ wo gi.

⁵ ’Ka Gakelebale tɔ ma gyɛ, naa, éé mi gisanmawe blɛnnu kɛla; ’Wo wo dɔɔ tɛrɛ faa la ma.

⁶ ’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.