Bale Lé We Gifezan 6 - Kazambale lé Sebe Sauunu 1979

¹ Maa wenaané do ye tɛrɛ la, yé é bɔ kiɛre blaminu ma.

² Mi do ana, Kazambale fuafɛnu valé fɛ zinnu nɔ a lɛ, ’té munu a tɔ bɔa. Fɛnu faa lé a bli bɔ a ma, é ’ka vuru lɛ a do kpen gi lo, naa, Bale ’ka a se kɛlɛ lɛ a lɛ léé, a gi é nana wo ma lo, naa, bɛn ɛ dan wo ble lɛ, azama. ’Bɛ a é ziin boawe valé wenaané do nya.

³ Dé é kɛlɛ léé, mi do be a yɔ soru yé é lɛɛ kiɛre kɛlɛ tɛrɛ la, ’té alé tɛrɛlayinu gi éé goo gyɛle nya, dé é ’ka kan lɛ wezin nya pelo, ’bɛ ta loru, dé wo ’ka a vun kɛlɛ lɛ é nɔnɔmi lo, maa fe i lɛ, né sɛrɛle zé a néné é mini azé ta.

⁴ Né sɛrɛle ’ko da é pla, yé é go gunutinu va; ’té a tɔ ta a é yɔɔle;

⁵ é ’ka yiri ye lɛ yé é yiri dɔɔ lo; éé flin‐é drɔɔ éé minié mi ’ko ta.

⁶ Dé é a kɔɔn lé, mi ’ko é vo é yuɛma lɛɛ baa do, ’té a gi do kpen ’ka nana lɛ wezin ma lo, wo fiénu ’ka goo fɛ do na loo?

⁷ Blami lé nyanama faa a é bɔn zé nya, duowo, fɛnu lɔrɔ ’ka sié a ma lo.

⁸ Wedɔɔzan zé gié ’tugyɛzan zé la kaa? Dé wenaanébɔmazan é giébɛ dɔɔ mi yuɛmalénu yuɛ va ’naan, ’bɛ é mɛ kɛla a lɛɛ?

⁹ Fɛ lé mi a yé ézé nya, a fila vɔ ’bɛ mini bli vɛvɛ ta. ’Bɛ a é ziin boawe valé we pla nya.

¹⁰ Fɛ lé ke ana, wa tɔ pa é kyɛn; wa gi dɔɔ léé, blami lé. É ’ka bɔalɛ léé, é za vɔ mi lé ’bɛ mini a lɛ, ’bɛ va lo.

¹¹ Dé fɛ kiɛre ana, ’té boawe kiɛre ana; mɛ tɔnɔ lé blami a yé a maa?

¹² Blami lé yi kiɛre lé woo giéan é boa bélé furɔ zo, wo bléyi va fɛ lé ke é zima azé nya alé tɛrɛ la gi, de ɛ dɔɔ? Yé we lé é dan bɔ lɛ tɛrɛ la blami gale zuo, de ɛ bɔa wo fele lɛ a lɛɛ?