Bale Lé We Gifezan 3 - Kazambale lé Sebe Sauunu 1979

We faa zé bléyi a

¹ Fɛ faa valé ézé bléyi lé; we faa lé ke tɛrɛ la, wozé bléyi a.

² Mi yaabléyi a, yé mi gabléyi a; fɛ suru?-?bléyi a, yé fɛ lé wa suru a soowɔla bléyi a;

³ fɛ gyɛbléyi a, yé fɛ bélibléyi a; fɛ zanabléyi a, yé fɛ dɔbléyi a;

⁴ wuvɔbléyi a, yé yérisibléyi a; gyɛ wuvɔbléyi a, yé nɛnɛbobléyi a;

⁵ gɔlɛ vulibléyi a, yé gɔlɛ siabléyi a; mi tuu?-?gyɛbléyi a; yé mi kini ékema bléyi a;

⁶ fɛ ginibléyi a, yé fɛ sanbléyi a; fɛ tadɔbléyi a, yé fɛ vulibléyi a;

⁷ sɔ fia?-?bléyi a, yé sɔ béébléyi a; mi tadɔbléyi a, yé wefebléyi a;

⁸ sɔlɛle bléyi a, yé zapale bléyi a; gulidanbléyi a, yé vole drɔɔ bléyi a.

⁹ Mɛ tɔnɔ lé nyanamapazan a yé, kwa faa lé é a kuli bɛ, a maa?

¹⁰ Mi?-?tunuwe faa lé Kazambale a dɔa blaminu nwiin, maa a ye.

¹¹ É fɛ faa kɛlɛ é nɔnɔmi ’wozé bléyi va; yé é a pa blami bli gi léé, bléyi glɛ ’ka lo, dɔlé ’té wenu lé Kazambale a kɛlɛ, a pélisia bléyi va fɔɔ yé é bɔ a ’wuoplana bɛ, blami ’ka bɔa a gi ’male lɛ lo.

¹² Yé maa a ye léé, we do kpen lé é ke é zin blami zé nya, yee lé ke léé, a gi ’é nana yé ébo nɔ zin yele lɛ élé tɛrɛla gi; a bɛ ’ka lo;

¹³ naa, dé mi do éé fɛ blé, ’té éé fɛ minia, ’té a gi éé nanaan élé nyanama pa bléyi va, zin lé éé a yé wo ma, ’bɛ a Bale lé blɛ nya.

¹⁴ Maa a ye léé, we faa lé Kazambale a kɛla, éé voo ana yifaama, mi ’ka bɔa a taa pale lɛ lo, yé é ’ka bɔa a ke sile lɛ a ta lo; yé maa a ye léé, Kazambale éé we kɛla ’bɛ zo léé, ’wo yee kana pa.

¹⁵ Fɛ lé ke ana, é ana é kyɛn, yé fɛ lé é dan kɛlɛ lɛ ana, ’bɛ ana é kyɛn, yé we lé é gié é kyɛn, Kazambale éé dan ’bɛ nya é pa gi.

Tɛrɛla weple

¹⁶ Maa a ye é ziin léé, fɛana lé woo we blé tɛrɛ ’ko la, wenyané ana, yé fɛana lé é a lé wo we tegele kɛlɛ, wenyané a ’bɛna é ziin.

¹⁷ Maa lé an bli gi léé, Kazambale é dan mi tegele valé mi nyané lé we ble lɛ; naa, we faa valé ézé bléyi lé, yé nyanama faa pabléyi a.

¹⁸ Maa lé an bli gi blaminu lé we ma léé, Kazambale é dan wo gi dan lɛ, yé wobozen é dan a ye lɛ woboan léé, wa winu nya é pla.

¹⁹ Naa, blami valé wi zé ’wuoplana a do; a do éé gaan fɛan zo, a zo lé a koɛzan éé gaan; flinle duo lé ke wo fiénu gi, yé blami ’ka mini lɛ wi lɛ we do kpen gi lo. ’Bɛ faa a boawe nya.

²⁰ Fɛ faa éé goo fɛ do kpen ɛ na; wo fɛ faa kɛlɛ vun nya, yé fɛ faa éé goo é pa gi vun va.

²¹ Dé blami zé flinle éé goo loruu? dé winu zé flinle éé goo tɛrɛ vaa? de ɛ ’bɛ gi dɔɔ?

²² Yé maa a ye léé, we lé ke é zin blami zé nya, yee lé ke léé, a gi ’é nana a panyanamanu ma. Azé lé ke bɛ. Naa, wenu lé é dan bɔ lɛ a zuo, de ɛ dan a kɛlɛ lɛ yé é ’bɛnu yee?