2 Piɛri 2 - Kazambale lé Sebe Sauunu 1979

Viéwe paamigizannu

¹ Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.

² Mi kiɛre é dan go lɛ wo zuo wolé zi sɛrɛle ta yé webozen zi tɔ é dan sɛrɛ lɛ wolé we ma.

³ Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.

⁴ Naa, Kazambale ’ka wenyanékɛlɛ lanjenu vo lɛ lo, é wo vuli gurunu lé wo gi gunu ke, wo gi, yé é wo tadɔ ’bɛna, léé, ’wo weblele lɛbɛn.

⁵ É ’ka munu vininnu vo lɛ lo, naa, duowo, bléyian va lé é lɛɛ da Bale lé zi ma wenyané fezannu faa ta bɛ, é we tegele fezan Noé béli, é valé mi sɔrafié nya.

⁶ Bale sɛrɛle dɔ Sɔdɔm valé Gɔmɔɔ nwiin yé é wo kinin kyɛyee nya; é we ’ko kɛlɛ, léé, Bale lé zi ma wenyané fezannu lé wo dan bɔra lɛ bɛ, dé wo we ’ko ’ma, yé wo ’ka dan wozé kɛlɛ lɛ ’bɛ zo lo.

⁷ Yé mi tegele Lɔt lé, ’bɛ bli kyɛ ke é dɔle é baba mi lɛrɛlɛrɛnu lé giébɛ naanénaané ma bɛ, Bale ’bɛ si we gi;

⁸ naa, mi tegele ’ko lé é ke é nyanale wo méléna, a boen tegele a nyané blena yifaama wolé weplenu lé éé wo yé, ’té éé wo maan, wo we ma.

⁹ Dé Kazambale munu ’konu lé we faa yuɛ gi bo tegele a zo ’naan, ’té Mizan ’ka bɔalɛ léé, élé zisɔlɛmunu si wo gidanle gi loo? É ’ka bɔalɛ léé, é mi plenu tadɔ welɛdɔle wo gi webleyi nya we gi loo?

¹⁰ Wonu lé, we tiridɔle lɔrɔ ke wo ma, amalé woo tawoo ’wo dɔbɛ kyɛn lé sɔlɛwe yɛrama bɛ, ’té woo sɔn vɔa mi plale wo nwiin ma bɛ, wozé é dan mini lɛ. Munu ’ko a yuɛmaplɛplɛzannu valé boblɛnzannu nya, yé wo ’ka kanaan laifuanu sɔnɔle ma lo,

¹¹ naa, lanjenu lé ’bɛnu lé plɛplɛ valé ’bɛnu lé wekɛlɛle se mini wozé ta bɛ, ’bɛnu ’ka laifuanu tɔ fé sɔnɔdére nya Mizambale yuɛ va lo.

¹² Naa, wo lé wo ke bélé winu lé wo ’ka wo gi bɔrɔan lo, ’té Bale wo bɔra munu lé wo kunle yé wo wo gyɛ we ma bɛ, wo zo, wenu lé wo ’ka wo dɔɔa lo, woo wo sɔnɔan wo tanyila. Wo dan ga lɛ winu gabɛ gi.

¹³ A zo lé wo dan ’wolé weple ma ban ye lɛ. Wobo nɔle we vɔnle kɛlɛle lɛ é yiéyi éé wo gi nanaan; mi sɛrɛle valé mi tiridɔlenu lé ke wo nya, wolé dabliwenu a wo ginanawe nya wolé fɛti kɛlɛbléyi nya ka va.

¹⁴ Wo yuɛ éé bɔa le faa ma; yé wenyané ’ka wo kaan lo; munu lé wo ’ka é dɔle gligli lo, wo ’bɛnu sian ana; bli bɔle gɔɔli ma baba wo bli kun; wa balepamazannu nya.

¹⁵ Wo si zi tegele ta yé wo ’wobo san. Béɔɔ be Balaam lé, weple ban sɔ a lɛ, wo go ’bɛ lé zi ta;

¹⁶ naa, Bale we pla Balaam lɛ élé weple ma; bobogyɛ sokofaleda mi dére vɔ a lɛ yé ’bɛ balelayezan lé tavowe kɛlɛle yi ga.

¹⁷ Munu ’konu a bélé ’yibɔnanu lé ’yi ’ka wo gi lo, wo zo; latinu lé fu plɛplɛ ke gona wo nya, wa wo zo; gunuti tiritiri ta a é dɔle wozé nya.

¹⁸ Boawe blɛn kiɛre fele nya lé munu lé wo si lao mi sanlenu lé zi ta, woo wo sian ana mi dɔbɛ kyɛn sɔlɛwe valé pɛnpɛnnégyɛwenu nya;

¹⁹ wo lé ’bɛnu lɛ léé, ’bɛnu é dan vo lɛ ’woboma, dɔlé ’té wobozennu a we vɔnle lé luunu ɛ nya, naa, mi faa do do a ’é kelewe lé luu nya.

²⁰ Dé tɛrɛlawe tiridɔlenu si munu lee Mizan, mi Bélizan Jézu Krist dɔɔle we ma, ’bɛ zuo dé wo ’bɛnu sia é ziin yé ’bɛnu wo kele, wo vobɛ voéla a naané é mini a vininzan ta.

²¹ Naa, dé wo ’ka kɔɔn zi tegele dɔɔ lɛ lo, ’bɛ fila vɔ; dé ’bɛ kaan lo, dé wa dɔɔ faa yé wo sɔn vɔ bélidɔwe ’lɛzan lé wa nɔ wo lɛ bɛ, a ma, ’bɛ a tɔntɔn.

²² É kɛlɛ wo lɛ wegɔnévɔle bozen ’ko yɛrama; wo léé: Blén nɔla ’é féé va é ziin, yé suruda lé wa zuru, é burula é ziin voli va.