Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

2 Minwiinzannu 16 - Kazambale lé Sebe Sauunu 1979


Juda nwiinzan blɛn Akaz
( 2 MNzfs 28:1–27 ; Éz 7:1—10:4 )

1 Rémalia be Pékas lɛɛ vu ta sɔrafiézan nya, Juda nwiinzan blɛn Jotam be Akaz pla munu nwiin.

2 Bléyian va lé é kɛlɛ minwiinzan blɛn nya, ’té a lɛɛ a yɔ do, yé é pla munu nwiin lɛɛ vu ta suiɛdo Jérusalɛm. We lé ke é drɔle Gakelebale yuɛ gi, é ’ka ’bɛ kɛlɛ lɛ fɛan zo lé a tra David a kɛlɛ, a zo lo.

3 É tawo Izraɛl nwiinzannu lé tawobɛ gi; yé dé é a a be vɔle nya kyɛ vaoo, é ’bɛ kɛlɛ; bɛnnu lé Gakelebale wo bin Izraɛl ’lɛ, é go wolé naanaawe zuo.

4 É sarakanu boo, ’té é lasikɔrɔ no gɔ nwiin yobannanu koo, gɔ nwiinnu koo, yili drɔɔdrɔɔ faa wuo koo, wo faa na.

5 Yé Siri munu nwiinzan Rɛsɛn valé Izraɛl nwiinzan blɛn Rémalia be Pékas nwa Jérusalɛm ma, guli danle ana munu va we gi. Wo Akaz mabɛn; naa, wo ’ka bɔ lɛ a kelele lɛ lo.

6 Bléyi ’ko duo nya, Siri nwiinzan blɛn Rɛsɛn Élat pla Siri munu lé plɛplɛ wuo é ziin; é Juifinu bin Élat yé Siri munu da Élat yé woo nyanaan ana fɔɔ kyɔ yi nya.

7 Akaz munu nwunvɔ Asiri nwiinzan blɛn Tiglat‐Pilézɛɛ va, a fele a lɛ we gi léé: Maa a i wuozan valé i be nya; ’i da yé ’i an si Siri nwiinzan blɛn valé Izraɛl nwiinzan blɛn lé wo nwa an ma ’ko, wo lee.

8 Gɔɔlifu valé kyan lé ke Gakelebale lé kɔn gi koo, yee lé ke fɛwezannu va minwiinzan blɛn lé kɔn gi koo, Akaz a si yé é a pa Asiri nwiinzan blɛn lɛ zia ’bɛ blan nya.

9 Asiri nwiinzan blɛn é tɔné dɔ a lɛ; é nwa Damas ma, é a si, é go anamunu nya luu gi Kii, yé é Rɛsɛn gyɛ.

10 Minwiinzan blɛn Akaz go Damas wele Asiri nwiinzan blɛn Tiglat‐Pilézɛɛ va we gi. Balebanna lé ke Damas, minwiinzan Akaz a ye aan wo, é a kɛlɛbɛ valé a dɔbɛ pa Balebanzan Uri lɛ zia.

11 Balebanzan Uri balebanna do kɛlɛ bélé a kɛlɛbɛ lé é si Damas, ’té minwiinzan Akaz a pa zia bɛ, a zo ’kyɛ, yé Balebanzan Uri a kɛlɛle nyaa faa yé minwiinzan Akaz si Damas.

12 É si Damas yé é bɔ tɔɔn, minwiinzan balebanna ye, yé é bié yé é vɔ a ta;

13 balebanwi lé wa kyɛ blé koo, alé bale blan koo, é wo kyɛ ble, yé élé baleban’yi zana, yé élé bɔvɔ sarakanu lé wi nyɛ nwɛɛn balebanna ta.

14 Balebanna lé wa kɛlɛ zéné nya, ’té é ke Gakelebale ’lɛ bɛ, é ’bɛ si kɔn ’léé, léé, té é kɛlɛ balebanna dɛrɛ valé Gakelebale lé kɔn méléna lo; é a dɔ balebanna dɛrɛ bɛ do la, yirinwana bɛbolazia.

15 Minwiinzan blɛn Akaz lé Balebanzan Uri lɛ léma: Balebanwi lé wa kyɛ blé bladi, é valé nyanadi bale blan koo, wi lé minwiinzan blɛn a no a kyɛblele we ma valé alé bale blan koo, wi lé tɛrɛ ’ko la munu faa a no wo kyɛblele we ma, é valé wolé bale blannu koo, ’i wo kyɛ ble balebanna blɛn ta, yé ’i wolé baleban’yinu zana ’bɛna, yé balebanwi lé wa kyɛ blé, ’i ’bɛ faa nyɛ valé sarakabowi faa nyɛ nwɛɛn ’bɛna; dé é a balebanna lé wa kɛlɛ zéné nya, ’bɛ lé we nya, maa ’bɛ kɛla.

16 We faa lé Akaz a fe Balebanzan Uri lɛ, é a kɛlɛ.

17 Yé minwiinzan blɛn Akaz zéné ganenu lé zénélaanu yéli, yé kananu lé ke wo ta loru, é wo sia. Zéné ’wolikana lé zéné dirigɔnénu ke a wuo, é a si wo ta, yé é a dɔra gɔlɛ la.

18 Kpala lé wa bo Gakelebale lé kɔn gi minwiinzan zé nya, ’bɛ valé minwiinzan wɔrana, é ’bɛnu yi ga, Asiri minwiinzan blɛn lé we ma.

19 Akaz kɛlɛwe pɔnénu valé we faa lé é a kɛlɛ, wa é gyɛle Juda nwiinzan blɛnnu lé we zuo fe sɛbɛ gi.

20 Akaz yi gyɛ é tranu va, yé wa pa é tranu va David lé fla. Yé a be Ézékia pla munu nwiin a pa gi.

Alliance Biblique de Cote d'Ivoire 1979

British & Foreign Bible Society
ကြှနျုပျတို့နောကျလိုကျပါ:



ကြော်ငြာတွေ