2 Korɛnt Munu 10 - Kazambale lé Sebe Sauunu 1979

Pɔl ébo drɔ élé nyanama gi

¹ Maa Pɔl lé ka fe an ma léé, dé maa a ’wo va maa a bo?-?kiénézan nya, yé dé maa si ’wo va an bli a ’wo ma tɔntɔn, maa zanté vɔ ka lɛ Krist lé drɔɔ valé alé zin we ma.

² Dé an da ka va, bli tɔntɔn lé nyanai zénle ’ka a gi lo, ’té é dɔ an gi léé, maa dan a gɔɔn lɛ kanu lé ka a fe léé, ko a tawona tɛrɛlamunu lé tawobɛ nya bɛ, ka lɛ, kalé zanté, té ka yee duo fe yé maa a ’léé gɔɔn ka lɛ lo.

³ Dé ko a tawona tɛrɛlamunu lé tawobɛ nya, ko ’ka guli danna tɛrɛla gulidanbɛ nya lo.

⁴ Gulidanfɛnu lé ko guli daan wo nya bɛ, wo ’ka tɛrɛla gulidanfɛnu nya lo; naa, wa plɛplɛ Kazambale lé plɛplɛ nya fla plɛplɛ guru zanale a gi we ma.

⁵ ’Wuogibɔrɔle planu valé we faa lé éé sɔn vɔa Bale dɔɔle ma, ko wo yi gaan yé ko ’wuogibɔrɔle faa kɛlɛ Krist lé luu nya, a lɛdɔmale we gi.

⁶ Dé ka kalé mi lɛdɔmale lɛ sɔɔ faa, ko ma a é ’lɛrɛle léé, ko we lɛdɔ ka lɛgamamunu gi.

⁷ ’Ka we ’ko nagini tegele do. Dé é dɔ mian gi léé, é a Krist zé nya, ’bɛzan ’é gi bɔrɔ é ziin léé, dé yee a Krist zé nya, ko é ziin ko a Krist zé nya.

⁸ Mizan a se kɛlɛ an lɛ, anlé ka dɔle gligli we gi, ka tuawe kaan lo. Dé maa anbo ze vɔ ’bɛ we ma yé é gié é glɛ la, yara ’ka an gya lo.

⁹ Té é dɔ mi do gi léé, é sɔ é wo an lɛ léé, an kana vɔ ka gi anlé sɛbɛnu nya lo.

¹⁰ Ka léé, anlé sɛbɛnu a tɔntɔn, wa plɛplɛ, naa, dé maabozen ana, maa a tɔɔtɔɔ, ’té an dérenu a boadérenu nya.

¹¹ Mian éé we fé ’bɛ zo, ’é a gi dɔɔ léé, fɛan zo lé ko dére ke kolé sɛbɛnu gi, ’té dé ko ’ka ana lo, a zo duo lé ko kɛlɛwenu ke, ’té dé ko ana.

¹² É ’ka dɔ lɛ ko gi léé, ko bɔ ékema mi kenu lé wo ke wobo ma we zin fena, wo nya lo. Ko ’ka kobo paan ’bɛnu ma lo. Wa wolé we danna ’wo ke lé we ma, yé wo yuɛ a ’wo ke lɛ fɛan zo bɛ, é ’ka wedɔɔle nya lo.

¹³ É ’ka sɔ lɛ ko lɛ léé, ko kobo ze vɔ yé é gié é glɛ ta lo, naa, Kazambale glɛan dɔ ko lɛ ko voo ’bɛ la, naa, Kazambale ko dia a glɛ ’ko zi, yé é zi nɔ ko lɛ léé, ko bɔ Korɛnt.

¹⁴ Ko ’ka mi vininnu lé wo Kazambale lé Wenéné fe ka lɛ, wo nya loo? Dé ko go ka va é vinin ’naan, mɛmalé sin é dɔ ka gi léé, ko ko glɛ kini siin?

^15-16 Amalé, kobo ze vɔle ’ka giéan é glɛ la lo, yé ko ’ka kobo ze vɔa mi bɛ lé nyanama gi lo; ko bli a a lɛ léé, dé kalé blipale gi gyɛ, ko kɛlɛle blɛn gi éé gya, yé Bale ’é ko dia glɛ ’ko zi yé ko Wenéné fe ka zi tɛrɛnu ta é ziin, ’té ko a yifaama ko glɛ la, ’té ko ’ka kobo ze vɔa wenu lé mi bɛnu a kɛlɛ wozé fɛna, a gi lo.

¹⁷ Naa, dé mi do a a va léé, ’ébo ze vɔ, ’ébo ze vɔ Mizan gi ma.

¹⁸ Mian ébo ma we zin fé, yeean wa sié lo; mian Mizan a ma we zin fé, yee lé wa sié.