2 Jan 1 - Kazambale lé Sebe Sauunu 1979

Weale lé

¹ Lezan Kiria lé Bale a si a va, bii valé ilé nénu, an we ka va. Maa, léglizi gi mi segele, maa ɛ ke sɛbɛ ’ko pana ka lɛ zia. Ka sɔ an lɛ webozen nya, yé maa do lɛan ka sɔ lo; naa, munu lé wo webozen dɔɔ, ’bɛnu koo é ziin, ka sɔ ’bɛnu lɛ.

² Webozen lé é ke kaa gi, ’té é dan kɛlɛ lɛ kaa va lɛɛfaama a glɛ ’ka lo, alé we ma lé ka sɔ an lɛ.

³ Tibale valé Tibale Be Jézu Krist, ’wo zin kɛlɛ ka lɛ ma, yé wo nyanai ’é zén ka ta ma, yé ’wo ka vo drɔɔ webozen valé sɔlɛle nya ma.

’Ka vo Jézu lé wepaale gi

⁴ Maa a ye léé, ilé né kenu a tawona webozen ta, bélidɔwe lé kaa Ti a nɔ kaa lɛ, a yɛrama, bɛwemalé an gi a é nanale é baba.

⁵ Yé sin, lezan Kiria, maa ’ka bélidɔwe dɛrɛ gyɛna i lɛ sɛbɛ ’ko gi lo; naa, bélidɔwe lé wa nɔ kaa lɛ a pélisia bléyi va, yee lé; maa lé i lɛ léé, é a lé kaa sɔ kaa ke lɛ.

⁶ Yé mɛ ɛ ke sɔlɛle nyaa? Tawole Bale lé bélidɔwenu yɛrama, yee ɛ ke sɔlɛle nya. Bélidɔwe lé é a lé ka a ta tawo, yee lé é ke bɛ, ka a ’ma fɛan zo a pélisia bléyi va, yee lé.

⁷ Misaanmunu kiɛre ana tɛrɛ la sin. Wo léé: Jézu Krist ’ka da lɛ blami nya lo. Misaanzannu lé é ke wo nya; Jézu Krist mazannu lé é ke wo nya.

⁸ ’Ka yuɛ pa kabozen va, dé kalé nyanama ma tɔnɔ é da san ka lee, naa, ’wo ka gooli lɛ sɔɔ ma.

⁹ Miomian éé go baa yé é ’ka voo Krist lé wepaale va lo, Kazambale ’ka azé nya lo. Yé mian éé tawo wepaalenu ’ko ta, Kazambale valé é Be a azé nya.

¹⁰ Dé mian da ka va, we paa lɛ ka gi, yé é ’ka é dɔle wepaale ’ko ta lo, té ka a bɛn si lo, yé té ka we a va lo.

¹¹ Dé mian we a va, ’bɛzan éé wɔraan a kɛlɛwe naanénu gi.

Weale voéla

¹² É sɔ an lɛ léé, maa we kiɛre fe ka lɛ, naa, é ’ka sɔ lɛ an lɛ léé, maa wo gyɛ sɛbɛ ta nankréyi nya lo. An bli a a lɛ léé, maa go ka va, yé kaa we fe kaa ke yara, kaa ginanale ékeva tegele we ma.

¹³ I buru lé Bale a si a va, alé nénu we i va.