1 Korent munu 13 - Kazambale lé Sebe Sauunu 1979

¹ Dé an munu valé lanjenu dérenu vɔoo, dé sɔlɛle ’ka an gi lo, ’té maa a bélé zéné lé é ke wena, a zo; dé ’bɛ kaan lo, ’té maa a bélé kɔa lé a dére ’ka néné lo, a zo.

² Yé dé an balelawefe blɛ yeoo, dé an we faa dɔɔoo, dé an weyɔɔlenu faa gi maan‐oo, dé an bli a é pale fɔɔ yé an gɔ blɛnnu soowɔlaan yé maa wo dɔ fɛ bɛnaoo, dé sɔlɛle ’ka an gi lo, ’té maa a fɛ pla nya.

³ Yé dé maa anlé fɛ faa nɔ fɛblele lɔle nyanégyɛzannu lɛ we gioo, dé maa an kɔlɛ nɔ é kyɛblele we gioo, dé sɔlɛle ’ka an gi lo, ’bɛ tɔnɔ do kpen ’ka kɛla an lɛ lo.

⁴ Sɔlɛle bli a tiéé; é a é fanle zin nya, é ’ka maawoo lo; sɔlɛle ’ka we blɛn fé lo, é ’ka bliian boblɛn nya lo.

⁵ Sɔlɛle ’ka we tavole do kpen kɛla lo; é ’ka ébo ma kwa kulian lo. A bli ’ka flian lo; é ’ka é gi nyané bɔrɔan mi ma lo;

⁶ a gi ’ka nanaan weple ma lo, naa, a gi éé nanaan webozen ɛ ma.

⁷ Éé mi faa ma we voo; éé bli paan we faa lɛ; a bli a we faa lɛ; éé ’wuo dɔa we faa wuo.

⁸ Sɔlɛle ’ka nyaan lo. Balelawefele nii? ’Bɛ é dan nyaa lɛ. Dére bɛnu vɔle nii? ’Bɛ é dan nyaa lɛ. Wedɔɔlenu nii? ’Bɛ é dan nyaa lɛ.

⁹ Kaa we kenu dɔɔ, ’té kaa we kenu fé balelawe nya,

¹⁰ naa, wean gun ’ka a ma lo, dé é da, we lé a lɛ ’ka é sɔɔle lo, é dan gié lɛ.

¹¹ An kiéné la bléyi va, an we fé bélé nunu zo; an gi bɔrɔan bélé nunu zo; an we va sié bélé nunu zo; naa, dé an tin, an daan nunu lé we faa ma.

¹² Kyɔ, kaa wenu yé é vɔɔle bélé fɛan zo lé wa vlinvlin gi, a zo, naa, dé a bléyi bɔ, kaa dan wo ye lɛ wéiin kaa ke yara. Kyɔ, maa we kenu dɔɔ, naa, ’bɛ bléyi va maa dan we dɔɔ lɛ bélé fɛan zo lé wo an dɔɔ, a zo.

¹³ Sin, fɛ yaa ’ko, woo voo ana: blipale koo, bli kɛlɛle we lɛ koo, sɔlɛle koo, woo lé. Naa, wo faa tagɔné lé ke sɔlɛle nya.