Minwiinzannu lé Wezuofe Sɛbɛ 9 - Kazambale lé Sebe Sauunu 1979

Munu lé wo si luu gi yé wo nyana Jérusalɛm

¹ Wo Izraɛlnu faa tɔ gyɛ mikulunu tɔgyɛlasɛbɛ gi; wa gyɛ Izraɛl minwiinzan blɛnnu lé sɛbɛ gi. Yé Judanu go luu gi Babilɔn, wolé yuɛgi blanle Bale zuo we ma.

² Wo sile luu gi zuo, mi vininnu lé wo nyana wolé fɛna, wolé flanu ta, wa Izraɛl munu nya; Balebanzannu koo, Lévinu koo, Bale lé kɔn gi nyanamapamunu koo, woo lé.

³ Judanu koo, Bɛnjamɛnnu koo, Éfraimnu koo, Manasénu koo, wo nyana Jérusalɛm.

⁴ Juda be Pérɛs kululazannu: Bani be Imri, ’bɛ be Omri, ’bɛ be Amiud be Utai.

⁵ Siilo?-?munu: Alé né vininzan Asaja valé é benu.

⁶ Zérak benu: Jéuɛl valé é bwenu, mi wuru yaa yɔ ziɛn wɔlɛ vu.

⁷ Bɛnjamɛn kululazannu: Asénua be Odavia be Mésulam be Salu.

⁸ Jérosam be Jibinéja; Mikri be Uzi be Éla; Jibinija be Réuɛl be Séfatia be Mésulam;

⁹ wo valé ’wo bwenu, wo kulunu yɛrama, mi wuru ziɛn yɔ sɔrafié wɔlɛ vu ta suiɛdo. Munu ’konu faa a guniwuonu nya ’wo tranu gɔnɔ gi.

¹⁰ Balebanzannu: Jédaéja, Jéojarib, Jakɛn,

¹¹ Ilkija be Azaria; Ilkija a Mésulam be nya, ’bɛ a Sadɔk be nya, ’bɛ a Mérajɔt be nya, ’bɛ a Akitub lé ke mi blɛn nya Kazambale lé kɔn gi, ’bɛ be nya;

¹² Malkija be Pasuu be Jérosam be Adaja; Adiɛl be Maésai, Adiɛl a Jakazéra be nya, ’bɛ a Mésulam be nya, ’bɛ a Mésilémit be nya, ’bɛ a Imɛɛ be nya;

¹³ wo valé ’wo bwenu, wa guniwuonu nya ’wo tranu gɔnɔ gi; wa mi wuru sɔraa yɔ sɔraa, wa nyanazannu nya, yé Kazambale lé kɔn gi nyanama bɛ a é pale wo lee.

¹⁴ Lévinu: Asub be Sémaéja; Asub a Azrikam be nya, ’bɛ a Asabia be nya, wa Mérari kulu nya;

¹⁵ Bakiba?-?kaa; Érɛs; Galal; Asaf be Zikri be Misé be Matania;

¹⁶ Jédutun be Galal be Sémaéja be Abudias; Aza be Bérékia; Elkana lé éé nyanaan Néto?-?fanu lé flanu la, Aza a ’bɛ be nya.

¹⁷ Kɔntayuɛpamunu: Salum, Akub, Talmɔn, Akiman, wo valé ’wo bwenu; Salum a wo zilɛzan nya,

¹⁸ yé éé dɔa kɔn ’léé lé wa laama minwiinzan blɛn zé, yirinwanazia, ana, fɔɔ kyɔ yi ’ko nya. Lévinu nyanana kɔntayuɛpamunu lé ke bɛ.

¹⁹ Salum a Koré be nya, yé ’bɛ a Ébiazaf be nya, yé ’bɛ a Koré be nya; yee valé é bwenu Korénu, wa sɔkɔn ’léé tabinzannu nya; wo tranu a Gakelebale lé munu nyanana zi ’léé tabinzannu nya é kyɛn,

²⁰ yé Éléazaa be Finé a wo zilɛzan nya, yé Gakelebale a a va.

²¹ Mésélémia be Zakari a kɔntayuɛpazan nya sɔkɔn ’léé.

²² Wonu lé wo wo si a va kɔn ’léé tabinzannu nya, wo faa a mi wuru do é ta lé mi vu ta fié, yé wo tɔ a é gyɛle mikulunu tɔgyɛlasɛbɛnu gi wolé flanu yɛrama; David valé fɛnayezan Samuɛl wo dɔ wolé nyanama la.

²³ Gakelebale lé kɔn lé ke sɔkɔn nya, wo valé ’wolé nénu a yee kɔntayuɛpazannu nya.

²⁴ Kɔntayuɛpazan kenu a é dɔle yirinwanazia, a ke a é dɔle yirivɔnazia, a ke a yirinwana bɛbolazia, yé a ke a yirinwana bɛyilazia.

²⁵ Wo bwenu lé woo nyanaan wolé flanu ta nuu, woo dan yi ke ma wo va yé wo vo wo va yi sɔrafié.

²⁶ Naa, Lévinu, kɔntayuɛpazan ziɛn ’ko wa ’wolé nyana la bléyi faa va, yé é ziin woo Kazambale lé kɔnminu valé alé fɛwezannu tabin‐é é ziin;

²⁷ woo yiaan Kazambale lé kɔn zi, yé wa lɛnu so bladi faa ma; wa kɔn ’ko tabinzannu nya.

²⁸ Lévi mi kenu é ziin, Bale lé kɔn gi nyanamapafɛnu bɛ a é pale wo lee. Dé wo bɔra wo nya, woo wo nɔnɔan, dé wo wɔra wo nya, woo wo nɔnɔan.

²⁹ Fɛna sauun lé nyanamapafɛnu koo, burupun zin koo, nwɛ koo, nyɔnɔ koo, lasikɔrɔ valé zianbla gin?-?nénézannu koo, wo bɛ a é pale é ziin Lévi mi kenu lee.

³⁰ Balebanzannu benu ɛ lasikɔrɔnu kɛla.

³¹ Lévi mi do, Koré mi Salum lé né vininzan Matitia lé nyanama lé ke buru kurukuruné valé buru pɛtoropɛtoroné lé nyanama nya.

³² Wo bwenu kenu, Kéatinu, woo Bale ’lɛburu kɛla flinyi faa do do zé nya.

³³ Lévi gɔnɔla guniwuonu lé wa lɛrɛvɔzannu nya, wo lé ke bɛ. Woo nyanaan kɔnminu zi, yé wolé nyanama bɛ ’ka lo, wa ’wolé lɛrɛvɔnyanama pana yiéyi valé béli, azama.

³⁴ Lévi gɔnɔla guniwuonu lé ke bɛ, wo kulunu yɛrama. Woo nyanaan Jérusalɛm.

³⁵ Gabaɔn ti Jéiɛl éé nyanaan Gabaɔn, yé a na tɔ lé Maaka.

³⁶ Alé né vininzan lé ke Abudɔn nya, ’bɛ zuo Suu, Kis, Baal, Nɛɛ, Nadab,

³⁷ Gédɔɔ, Akijo, Zakari, Miklɔt.

³⁸ Miklɔt Siméam yaa. Woo nyanaan ’wo bwenu nya Jérusalɛm, wo bwenu sɔnɔ.

³⁹ Nɛɛ Kis yaa; Kis Saul yaa; Jonatan koo, Malki‐Sua koo, Abinadab valé Esibaal koo, Saul wo yaa.

⁴⁰ Jonatan be: Mérib‐Baal. Mérib‐Baal Misé yaa.

⁴¹ Misé benu: Pitɔn, Mélɛk, Takréa.

⁴² Akaz Jaéra yaa; Alémɛt koo, Azmavɛt koo, Zimri koo, Jaéra wo yaa; Zimri Mosa yaa; Mosa Binéa yaa.

⁴³ ’Bɛ be Réfaja; ’bɛ be Éléasa; ’bɛ be Asɛl.

⁴⁴ Asɛl benu a suiɛdo; wo tɔ lé ke ’ko: Azrikam, Bokru, Ismaɛl, Séaria, Abudias, Aanan. Asɛl benu lé ke bɛ.