Minwiinzannu lé Wezuofe Sɛbɛ 27 - Kazambale lé Sebe Sauunu 1979

David lé nyanamapamunu bɛnu

¹ Guniwuonu koo, mi wuru soru soru valé mi yɔ soru soru nwiinzannu koo, kominu koo, wa minwiinzan blɛn bɛgizannu nya sunya palunu lé we kɛlɛle we gi; wo gole moné ma valé wo dale moné ma lé we a wo ɛ lee, moné faa gi. Sunya palu do a mi baa vu ta fié.

² Moné vininzan lé sunya palu nwiinzan a Zabidiɛl be Jasobéam nya; alé palu a mi baa vu ta fié.

³ É a Pérɛs kululazan nya, yé é a moné vinin palunu faa nwiinzan nya.

⁴ Moné fiézan palu nwiinzan lé ke Akoki mi Dodai nya; Miklɔt a a va minwiinzan do nya; alé palu a mi baa vu ta fié.

⁵ Palu yaazan, yee lé ke moné yaazan zé nya, a nwiinzan lé ke Balebanzan Jéojada be Bénaja nya; alé palu a mi baa vu ta fié.

⁶ Bénaja ’ko a tɔzan nya mi yɔ do wɔlɛ vuo va, yé é a mi yɔ do wɔlɛ vu ’konu ’lɛzan nya; a be Amizadab a a va minwiinzan do nya élé palu gi.

⁷ Palu ziɛnzan, yee lé ke moné ziɛnzan zé nya, a nwiinzan lé ke Joab bwe Azaɛl nya, yé a be Zébadia ɛ ke a zuo; alé palu a mi baa vu ta fié.

⁸ Palu soruzan a moné soruzan zé nya, a nwiinzan lé ke Jizraki mi Saméut nya; alé palu a mi baa vu ta fié.

⁹ Palu suiɛdozan a moné suiɛdozan zé nya, a nwiinzan lé ke Tékoi mi Ikɛs be Ira nya; alé palu a mi baa vu ta fié.

¹⁰ Palu sɔrafiézan a moné sɔrafiézan zé nya, a nwiinzan lé ke Éfraim kululazan Pélɔn mi Élɛs nya; alé palu a mi baa vu ta fié.

¹¹ Palu sɔraazan a moné sɔraazan zé nya, a nwiinzan lé ke Zérak gɔnɔlazan Usa mi Sibékai nya; alé palu a mi baa vu ta fié.

¹² Palu sɔraziɛnzan a moné sɔraziɛnzan zé nya, a nwiinzan lé ke Bɛnjamɛn be Abiézɛɛ lé é si Anatɔt, a nya; alé palu a mi baa vu ta fié.

¹³ Palu vuzan a moné vuzan zé nya, a nwiinzan lé ke Zérak gɔnɔlazan Maarai lé é si Nétofa, a nya. Alé palu a mi baa vu ta fié.

¹⁴ Palu vu ta dozan a moné vu ta dozan zé nya, a nwiinzan lé ke Éfraim mi Bénaja lé é si Piratɔn, a nya; alé palu a mi baa vu ta fié.

¹⁵ Palu vu ta fiézan a moné vu ta fiézan zé nya, a nwiinzan lé ke Otiniɛl gɔnɔlazan Eldai lé é si Nétofa, a nya, alé palu a mi baa vu ta fié.

¹⁶ Izraɛl bɛnnu nwiinzannu lé ke ’ko: Rubɛnnu nwiinzan, Zikri be Éliézɛɛ; Siméɔnnu nwiinzan, Maaka be Séfatia;

¹⁷ Lévinu zé, Kémuɛl be Asabia; Arɔn gɔnɔ la, Sadɔk;

¹⁸ Juda zé, David bwenu va mi do, Éliu; Isakaanu zé, Mikaɛl be Omri;

¹⁹ Zabulɔn zé, Abudias be Jisémaéja; Néfitali zé, Azriɛl be Jérimɔt;

²⁰ Éfraim zé, Azazia be Oozé; Manasé lɛgɔnɔ do zé, Pédaja be Joɛl;

²¹ Manasé lɛgɔnɔ do lé ke Galaad tɛrɛ la, Zakari be Jido; Bɛnjamɛn zé, Abinɛɛ be Jaasiɛl;

²² Dan zé, Jérosam be Azaréɛl. Izraɛl bɛnnu nwiinzannu lé ke bɛ.

²³ Izraɛl va munu lé wo lɛɛ ’ka tan bɔ lɛ yɔ do lo, David ’ka wo nɔnɔma lo, naa, Gakelebale a fe léé, é dan Izraɛl ’léé gi gyɛ lɛ bélé lagi monénénu zo, azama.

²⁴ Séruja be Joab mi nɔnɔle péli sia, naa, Gakelebale bli fli Izraɛl ma mi nɔnɔle ’ko lé we ma, amalé a lɛ ’ka sɔɔ lɛ lo. Minɔnɔle ’ko ’ka é gyɛle David lé we zuo fe sɛbɛ gi lo.

²⁵ Minwiinzan blɛn lé gɔɔli a Adiɛl be Azmavɛt lee; fɛnu lé wo ta ke é dɔle féinu koo, kuru ’léé valé flanu ta koo, gulidankɔnnu gi loo, wolé we a Ozias be Jonatan lee;

²⁶ nyanamapamunu lé woo féi paan, wa Kélub be Ézri bɛ la;

²⁷ dɔrɔféinu lé we a Rama mi Siméi lee; dɔrɔ tadɔzan lé ke Séfam mi Zabidi nya;

²⁸ ɔlivi féi valé sikomɔyilinu lé ke fɛna pɛblɛɛna, wa Gédɛɛ mi Baal‐Aanan lee; Joas a nyɔnɔ tadɔzan nya;

²⁹ dirigɔnénu lé ke trubɛ blena Sarɔn, wa Sarɔn mi Sitrai lee; dirigɔnénu lé wo ke pɛngurunu gi, wa Adilai be Safat lee;

³⁰ nyɔgɔménu a Ismaɛl mi Obil lee; sokofaledanu a Méronɔt mi Jékédia lee;

³¹ ’blanu a Agaré mi Jaziz lee. Munu lé, minwiinzan blɛn David lé fuafɛnu bɛ ke é pale wo lee, wo lé ke bɛ.

³² David ti bwe Jonatan a we pla David lɛzan nya; a ’wuo a a ta yé é we dɔɔ; Akamoni be Jééiɛl a minwiinzan blɛn benu va;

³³ Asitofɛl a é ziin we pla David lɛzan nya; Aaki mi Usai a David béé nya;

³⁴ Asitofɛl é zuo, Bénaja be Jéojada valé Abiataa a we pla David lɛzannu nya; Joab a minwiinzan blɛn lé sunyanu faa nwiinzan nya.