Minwiinzannu lé Wezuofe Sɛbɛ 26 - Kazambale lé Sebe Sauunu 1979

Kɔntayuɛpazannu

¹ Kɔntayuɛpazannu palunu lé ke ’ko: Korénu va: Azafa gɔnɔlazan Koré be Mésélémia.

² Mésélémia benu: a vininzan Zakari, a fiézan Jédiaɛl, a yaazan Zébadia, a ziɛnzan, Jatiniɛl,

³ a soruzan Élam, a suiɛdozan Jokanan, a sɔrafiézan Eljoénai.

⁴ Obɛd‐Édom benu: a vininzan, Sémaéja, a fiézan, Jozabad, a yaazan, Joak, a ziɛnzan, Sakaa, a soruzan Nétanéɛl,

⁵ a suiɛdozan Amiɛl, a sɔrafiézan Isakaa, a sɔraazan, Péutai; naa, Kazambale a drɔɔ vo.

⁶ Obɛd‐Édom be Sémaéja benu kɛlɛ guniwuonu nya wo ti gɔnɔ la, naa, wa nyanazannu nya;

⁷ Sémaéja benu: Otini, Réfaɛl, Obɛd, Elzabad valé é bwenu nyanazannu Éliu valé Sémaéja.

⁸ Wo faa bɛ, wa Obɛd‐Édom benu nya; wo valé wo benu valé wo bwenu, wo fuu a wo ta yé wa plɛplɛ wolé nyanama pale ma, wa Obɛd‐Édom lé munu nya mi yɔ yaa wɔlɛ fié.

⁹ Mésélémia benu valé é bwenu a mi vu ta sɔraa, nyanazannu nya.

¹⁰ Mérari benu: Oza; Oza benu: a be Simri, a ti a kɛlɛ wo ’lɛzan nya, dɔlé ’té é ’ka alé né vininzan nya lo,

¹¹ a fiézan Ilkija, a yaazan Tébalia, a ziɛnzan, Zakari. Oza benu valé a bwenu a mi vu ta yaa.

¹² Kɔntayuɛpazannu palunu ’ko, wo Gakelebale lé kɔn tagini nyanama bɛ pa wo va mi blɛnnu valé wo bwenu lee.

¹³ Wo ’munnu zun kɔn ’léé faa ma, dé wa mi boronénu nyaoo, dé wa mi segelenu nyaoo, wo tranu gɔnɔla yɛrama.

¹⁴ ’Munnu Sélémia zé gyɛ, kɔn ’léé lé ke yirinwanazia, ana nya. A be Zakari lé ke weplamilɛzan wedɔɔzan nya, wo ’munnu zun a tɔ nya, yé azé a gyɛ kɔn ’léé lé ke yirinwana bɛbolazia, ana.

¹⁵ ’Munnu Obɛd‐Édom zé gyɛ kɔn ’léé lé ke yirinwana bɛyilazia, ana, yé fɛtadɔkɔnnu kɛlɛ a bwenu zé nya.

¹⁶ ’Munnu Supim valé Oza zé gyɛ kɔn ’léé lé ke yirivɔnazia, ana, ’bɛ valé kɔn ’léé lé wa laama Salékɛt, a nya, ’té ’bɛ ke zi lé é go loru, a ta bɛ, mitaginizannu palu fié a wo ke yara ma.

¹⁷ Lévi mi suiɛdo éé dɔa yirinwanazia, a ziɛn a yirinwana bɛbolazia, yi faa do do ma, a ziɛn a yirinwana bɛyilazia, yi faa do do ma, yé a ziɛn a fɛtadɔkɔnnu va fɛ fié na;

¹⁸ yirinwanazia kɔn zuo gɔrɔ gi, mi ziɛn éé dɔa zi sɔnɔ, mi fié éé dɔa gɔrɔ vazia.

¹⁹ Kɔntayuɛpazannu palunu lé ke bɛ; wa Korénu valé Mérarinu nya.

Lévinu panyanama bɛnu

²⁰ Lévi mi do, Akija, a Kazambale lé kɔn gi fɛwezannu valé fɛ ’lɛzan plɛplɛnu tabinzan nya.

²¹ Laédan kulunu va, Gɛɛsɔnnu lé guniwuonu lé wo ke Gɛɛsɔn mi Laédan kulunu nya, wo va mi Jéiɛli a do,

²² ’bɛ valé é benu Zétam valé é bwe Joɛl, woo ɛ Gakeleale lé kɔn gi fɛwezannu tabin‐é.

²³ Amaramnu valé Jiséaanu valé Ébrɔnnu valé Uziélnu va,

²⁴ wo fɛwezannu bɛ pa Moizi be Gɛɛsom be Sébuɛl lee.

²⁵ Éliézɛɛ kulunu va, Éliézɛɛ be Rékabia, ’bɛ é be Ézai, ’bɛ é be Joram, ’bɛ é be Zikri, ’bɛ é be Sélomit,

^26-27 yee Sélomi valé é bwenu a fɛwezannu ta yuɛpazannu nya é ziin; minwiinzan blɛn David koo, guniwuonu koo, mi wuru soru soru valé mi yɔ soru soru nwiinzannu koo, sunyanu nwiinzannu koo, fɛnu lé wo wo ye gulizarafɛnu nya, yé wo wo pa é yɛrama Gakelebale lé kɔn mawe kɛlɛfɛnu nya, ’bɛnu a Sélominu lee.

²⁸ Fɛnayezan Samuɛl koo, Kis be Saul koo, Nɛɛ bi Abinɛɛ koo, Séruja be Joab koo, fɛnu faa lé ’bɛnu a pa é yɛrama Bale zé nya, wo wo bɛ pa Sélomi valé é bwenu lee.

²⁹ Jiséaanu va, Kénania valé é bwenu kɛlɛ weblemunu valé wewuo?-?dɔmunu nya yé wo flawenu kɛlɛ.

³⁰ Ébrɔnnu va, Asabia valé é bwenu, wa takinizannu nya, yé wo wo dɔ Izraɛl munu lé wo ke Juudɛn yuu zi, yirivɔnazia, wo nwiinzannu nya, yé wo Gakelebale valé minwiinzan blɛn lé wenu faa kɛlɛ ’bɛna. Wa mi wuru sɔraa yɔ soru.

³¹ Ébrɔnnu lé ke bɛ, ’té Jérija ɛ ke wo nwiinzan nya, David plale mi nwiin lɛɛ yɔ fiézan nya, wo wolé we nagini mi tranu tɔgyɛlasɛbɛnu gi, ’bɛ valé wo tranu gɔnɔ gi, yé wo takinizannu ye wo va Jaézɛɛ, Galaad tɛrɛ la.

³² Jérija bwenu, takinizannu, wa mi baa do mi wuru yaa yɔ soru, wo faa a guniwuonu nya. Minwiinzan blɛn David wo dɔ Rubɛnnu koo, Gadnu koo, Manasé lɛgɔnɔ do koo, wo nwiin, Gakelebale lé wenu faa valé minwiinzan blɛn lé wenu kɛlɛle we gi.