Minwiinzannu lé Wezuofe Sɛbɛ 23 - Kazambale lé Sebe Sauunu 1979

Wo Lévinu nɔnɔ — wo panyanama

¹ David lé yinu kɛlɛ kiɛre yé é kwa gyɛ, yé é be Salomɔn dɔ Izraɛl munu nwiinzan blɛn nya.

² Izraɛl mi blɛnblɛnnu faa koo, Balebanmunu koo, Lévinu koo, é wo faa zén ékeva.

³ Lévinu lé wo lɛɛ gié yɔ do wɔlɛ vu ta, wo wo nɔnɔ do do, yé wo kɛlɛ mi baa vu ta sɔraziɛn.

⁴ Yé David léé: Mi baa vu ta fié ’é Gakelebale lé kɔn gi nyanama pa ma, mi baa yaa ’é kɛlɛ weblezannu nya ma,

⁵ mi baa fié ’é kɛlɛ kɔntayuɛpazannu nya ma, mi baa fié ’é Gakelebale tɔ bɔ, lɛrɛvɔafɛnu lé maa wo kɛlɛ a tɔ kɛlɛle blɛn we ma, wo nya.

⁶ David wo gi bɔi palu yaa Lévi benu Gɛɛsɔn valé Kéat valé Mérari yɛrama.

⁷ Gɛɛsɔnnu: Laédan valé Siméi.

⁸ Laédan benu: wo nwiinzan Jééiɛl, Zétam, Joɛl, mi yaa.

⁹ Siméi benu: Sélomit, Aziɛl, Aaran, mi yaa. Munu ’ko a guniwuonu nya, Laédan gɔnɔ gi.

¹⁰ Siméi benu: Jakat, Zina, Jéus, Béria. Siméi be ziɛn lé ke bɛ.

¹¹ Jakat a wo ’lɛzan nya, yé Zina a yee é zuo; Jéus valé Béria benu ’ka kiɛre lo, amalé dé wa mi nɔnɔna wo kɛlɛ kɔn do gimunu nya.

¹² Kéat benu: Amaram, Jiséaa, Ébrɔn, Uziɛl, mi ziɛn.

¹³ Amaram benu: Arɔn valé Moizi. Arɔn a é pale é yɛrama a kɛlɛle segele we gi, yee valé é benu nya lɛɛfaama a glɛ ’ka lo, léé, ’wo lasikɔrɔ kyɛ ble Gakelebale ’lɛ, yé wo alé nyanama pa, yé wo munu drɔɔ vo Gakelebale tɔ nya yifaama.

¹⁴ Naa, wo Bale lé mi Moizi benu nɔnɔ Lévinu va.

¹⁵ Moizi benu Gɛɛsɔm valé Éliézɛɛ.

¹⁶ Gɛɛsɔm benu: wo ’lɛzan Sébuɛl.

¹⁷ Éliézɛɛ benu: Rékabia a wo ’lɛzan nya. Éliézɛɛ be bɛ ’ka lo, naa, Rékabia benu a kiɛre é baba.

¹⁸ Jiséaa benu: Sélomit a wo ’lɛzan nya.

¹⁹ Ébrɔn benu: Jérija a wo ’lɛzan nya, a fiézan Amaria; a yaazan, Jakaziɛl; a ziɛnzan Jékaméam.

²⁰ Uziɛl benu: Misé a wo ’lɛzan nya; a fiézan, Jisija.

²¹ Mérari benu: Makli valé Musi. Makli benu: Éléazaa valé Kis.

²² Éléazaa ga, ’té a be ’ka lo, naa, a lunu ana yé wo bwenu Kis benu wo si wo nanu nya.

²³ Musi benu: Makli, Édɛɛ, Jérémɔt, mi yaa.

²⁴ Lévi benu lé ke bɛ, ’wo gɔnɔla ma gɔnɔla ma, wa guniwuonu nya wo tranu gɔnɔ gi, wo wo nɔnɔ do do fɛan zo, wo lé ke bɛ. Dé wo lɛɛ bɔ yɔ do, yé wo ’wolé balelanyanama pélisia Gakelebale lé kɔn gi.

²⁵ Naa, David léé: Gakelebale Izraɛl lé Bale flinle nɔ élé munu lɛ yé wo dan nyana lɛ yifaama Jérusalɛm;

²⁶ Lévinu ’ka dan sɔkɔn valé a gi nyanamapafɛnu kɔné si lɛ é dɛrɛ lo.

²⁷ David dére voéla ta lé, Lévinu lé wo lɛɛ gié yɔ do ta, wo wo nɔnɔ.

²⁸ Wo wo pa Arɔn benu va, Gakelebale lé kɔn gi nyanama pale we ma; wolé nyanama lé ke ’ko: gɔrɔ gi valé kɔnmi zi lé we koo, balelanyana?-?mapafɛnu ’lɛdɔle koo, Kazambale lé kɔn gi nyanama koo,

²⁹ Bale ’lɛburu koo, burupun zima lé wa no Bale lɛ koo, buru pɛtoropɛtoroné lé lévɛn ’ka a va lo koo, buru kurukuruné gɔnɔ fié koo, fɛdangifɛnu valé fɛ sangi danfɛnu koo, wo ’bɛ wenu faa bɛ pa wo lee;

³⁰ woo goo dɔ lɛ Gakelebale ’lɛ bladi do do faa valé nyanadi do do faa ma, a tɔ zin fele valé a kɛlɛle blɛn we ma;

³¹ fɛnu faa lé wa no Gakelebale lɛ a kyɛblele nya, wa no yifaama, flinyinu koo, moné dɛrɛ bɔrale faa koo, fɛtinu koo, wo faa bléyi va, wo ’léé a fɛan zo, yé wo dɔnama a fɛan zo, a yɛrama.

³² Sɔkɔn koo, fɛna sauun koo, wo ’bɛnu bɛ pa wo bwenu Arɔnnu lee, Gakelebale lé kɔn gi nyanama pale we ma.