Minwiinzannu lé Wezuofe Sɛbɛ 22 - Kazambale lé Sebe Sauunu 1979

¹ Yé David léé: Bale, Gakelebale lé kɔn é dan kɛlɛ lɛ fɛ ’ko ɛ na, yé balebanna lé woo balebanwi kyɛ blé ana, é dan kɛlɛ lɛ fɛ ’ko ɛ na.

David Bale bangikɔn dɔfɛnu ma’lɛrɛ

² Bɛnnu faa lé wo ke Izraɛl tɛrɛ la, é wo zén ékeva, yé é lé gɔlɛnyaazannu lɛ léé, ’wo gɔlɛ nyaa, Kazambale lé kɔn dɔle we ma.

³ É fɛnu ma’lɛrɛ kiɛre; é foliɛwɔlɛ ma’lɛrɛ duolinu lé pɔnté zé nya, ’bɛ valé a vɔékegi fɛnu zé nya; é zéné téé kiɛre fɔɔ wo ’ka bɔa a danle lɛ kilo la lo;

⁴ Sidɔn valé Tii munu da sɛdrɛyili nya David lɛ kiɛre, wo ’ka bɔa wo nɔnɔle lɛ lo.

⁵ David léé: An be Salomɔn a miboroné nya, a lɛɛ ’ka kiɛre lo, yé kɔn lé é dan a dɔ lɛ Gakelebale lɛ, é dan kɛlɛ lɛ blɛn, yé a tɔ é dan bɔ lɛ tɛrɛ faa la; bɛwemalé maa dan fɛnu ma’lɛrɛ lɛ a lɛ. Yé David fɛ kiɛre kiɛre ma’lɛrɛ é gale ’lɛ.

⁶ David é be Salomɔn laa, yé é lé a lɛ léé, ’é kɔn dɔ Gakelebale, Izraɛl lé Bale zé nya.

⁷ David lé Salomɔn lɛ léé: An be, é a an bli gi léé, maa kɔn dɔ Gakelebale anlé Bale tɔ gi.

⁸ Naa, Gakelebale lé an lɛ léé, an mi kiɛre nyɛ zana, yé an guli dan kiɛre; mi kiɛre nyɛ lé maa zana tɛrɛ la ’é yuɛ va, alé we ma lé an ’ka dan kɔn dɔ lɛ ’é tɔ gi lo.

⁹ Naa, an dan négɔné do yaa lɛ yé ’bɛ é dan kɛlɛ lɛ mi drɔɔ nya, yé ’é dan ’bɛ si lɛ a nyanézannu lé wa zi lɛ sɔɔ, wo lee, yé é vo drɔɔ; wo dan a tɔ laa lɛ Salomɔn, yé ’é dan vole drɔɔ nɔ lɛ Izraɛl lɛ alé tɛrɛ la bléyi va yé wo dan nyana lɛ woboma.

¹⁰ Yee ɛ dan kɔn dɔ lɛ ’é tɔ gi. É dan kɛlɛ lɛ ’é be nya, yé ’yee ɛ dan kɛlɛ lɛ a ti nya; yé ’é dan a plale Izraɛl munu nwiin dɔ lɛ gligli lɛɛfaama. A zo lé Gakelebale a fe an lɛ.

¹¹ Sin, an be, Gakelebale ’é kɛlɛ i va ma, yé ilé we va ’é gyɛ ma, yé ’i Gakelebale ilé Bale lé kɔn dɔ, é a fe izé nya fɛan zo, a zo ma.

¹² Gakelebale ’é wedɔɔle valé gikinile nɔ i lɛ ma, yé ’é i pla Izraɛl munu nwiin, yé i tawo Gakelebale ilé Bale lé bélidɔwe yɛrama ma.

¹³ Bélidɔwe valé é sɔnnénu lé Gakelebale a fe Moizi lɛ Izraɛlnu zé nya, dé i wo tawe kɛlɛ é zima, ilé we va é dan gyɛ lɛ é zima. ’I dɔ gligli, ’i bli ta dɔ plɛplɛ, té i kana lo, té di é kini i gi lo ma.

¹⁴ I ’a yé loo? kyan talan baa yɔ fié wɔlɛ vu koo, gɔɔlifu talan miliyɔn do koo, zéné valé foliɛwɔlɛ kiɛre lé wo ’ka bɔa a danle lɛ kilo la lo koo, maa a ma’lɛrɛ Gakelebale lé kɔn zé nya; maa yilinu valé gɔlɛnu ma’lɛrɛ é ziin, naa, i dan a taa pa lɛ.

¹⁵ Nyanamapamunu kiɛre a i va, gɔlɛnyaazannu koo, yilinyaazannu koo, blabozannu lé woo bɔa nyanama gɔnɔ faa pale lɛ koo, wa i va.

¹⁶ Kyan koo, gɔɔlifu koo, zéné valé foliɛwɔlɛ koo, wo nɔnɔ ’léé ’ka lo. ’I nwa, ’i we kɛlɛ, yé Gakelebale ’é bɔ i va ma.

¹⁷ David lé Izraɛl lé mi blɛnnu faa lɛ léé, ’wo bɔ é be Salomɔn va.

¹⁸ É lé wo lɛ léé: Gakelebale, kalé Bale ’ka ka va loo? É ’ka ka vo lɛ drɔɔ bɛ faa ma loo? É tɛrɛ ’ko la munu pa ka lee, yé tɛrɛ ’ko la munu a é plale Gakelebale valé ’élé munu wuo.

¹⁹ Amalé sin, ’ka Gakelebale kalé Bale nagini ka bli faa valé ka boen faa nya; ’ka nwa, ’ka fɛna sauun dɔ Gakelebale lɛ, Gakelebale lé gipawe pagikɛsu koo, balelanyanama pafɛnu koo, yé ka da wo nya kɔn lé ka dan a dɔ lɛ Gakelebale tɔ gi, a gi.