Minwiinzannu lé Wezuofe Sɛbɛ 14 - Kazambale lé Sebe Sauunu 1979

David Filisitinu gyɛ guli nya

¹ Tii nwiinzan Iiram munu nwunvɔ David va; yé é sɛdrɛyilinu pa a lɛ zia, gɔlɛnyaamunu koo, yilinyaazannu koo, é wo pa a lɛ zia alé kɔn dɔle we ma.

² David a ye léé, Gakelebale élé plale Izraɛlnu nwiin dɔ plɛplɛ, yé alé tɛrɛ tɔ a kɛlɛna blɛn alé munu Izraɛl lé we ma.

³ David lomu taa si é ziin Jérusalɛm, yé é négɔnénu valé nélomu yaa é ziin.

⁴ Wo lé é wo yaa Jérusalɛm, wo tɔ lé ke ’ko: Samua, Sobab, Natan, Salomɔn,

⁵ Jibaa, Élisua, Elfélɛt,

⁶ Noga, Néfɛg, Jafia,

⁷ Élisama, Bééli?-?ada, Élifélɛt.

⁸ Filisitinu a ’ma léé, wo nyɔnɔ zén David nwiin a dɔle Izraɛl nwiinzan blɛn nya we ma, wo da guli dan lɛ a va. David we ’ko ’ma, yé é nwa yé wo go kee lɛ wo nya.

⁹ Filisitinu da yé wo sɔɔla Réfaim gɔ worona.

¹⁰ David we laa Kazambale lee, yé é léé: É a lé an go guli dan Filisitinu vaa? I dan wo pa lɛ an lee? Yé Gakelebale lé a lɛ léé: ’I go, maa dan wo pa lɛ i lee.

¹¹ Wo nwa, wo go Baal‐Pérasim, yé David wo gyɛ ’bɛna. Yé é léé: Kazambale an si, yé maa nya lé é an nyanézannu fwi an ’lɛ bélé ’yiyorole zo. Bɛwemalé woo fɛkona laama Baal‐Pérasim.

¹² Wo ’wolé yonu vo ’bɛna, yé wo wo kyɛ ble David dére ta.

¹³ Filisitinu sɔɔla é ziin gɔ worona.

¹⁴ David we laa Kazambale lee é ziin, yé Bale lé a lɛ léé: Té i go wo zuo lo; ’i diéra wo zuo yé i dan bɔ lɛ wo ma muriéyilinu yara ma.

¹⁵ Dé i migane vun ’ma muriéyilinu nwiin, ’i bɔra yé ’i guli dan, naa, Kazambale ɛ ke tawona i ’lɛ, gulidanle Filisitinu va we gi.

¹⁶ We lé Kazambale a fe, David a kɛlɛ, yé é Filisitinu gyɛ guli nya, é sia Gabaɔn fɔɔ yé é bɔ Gézɛɛ.

¹⁷ David tɔ bɔ tɛrɛ faa la, yé Gakelebale a kɛlɛ kanamazan nya bɛnnu faa va.