2 ತೆಸಲೊನಿಕ್ 1 - गवली उनाई नियम

नमस्कार

¹ इंज पौलुस, सिलवानुस एठा तीमुथियुस, थिस्सलुनीकियो शहर गा मसीह गा मंडली गा कुरकू गा जीमू इनी पत्र ओल लक्के मेना, जो आलेगा परमेश्वर बाटे एठा प्रभु यीशु मसीह गेन होय।

पापो गा कोरो मतलब नाशो गा कोंटे

² आलेगा परमेश्वर बाटे एठा प्रभु यीशु मसीह गा कोनेटे आपेन कृपा एठा शांती घाटाऊ लक्कू।

न्याय गा दिन

³ हे विश्वासी डाईचो, आपेगा बारेन आलेन हार टेमो परमेश्वर गा धन्यवाद दडा होना। आलेगा घल्जी येनेगो दडा सही भी होय, चोयाकी मसीह गेन आपेगा विश्वास भेबाव बळातिंजू लक्के होय, एठा आपे सेबाईकु प्यार आपे-आपेन का भेबाव का बळातिंजुवा होय।

⁴ इनिघल्जी आले मेटे परमेश्वर गा मसीह गा मंडलीनौर गेन इनी वोजीटे आपेगा बारेन घमंड दडावा होय। चोयाकी जितना कासु एठा संकट आपे सहेनेवा होय, दिकु सेबाई गेन आपेगा आराम्बो एठा विश्वास ओडुवा होय।

⁵ इनी सेबाई टे साबितदुवा होय कि परमेश्वर गा न्याय सच्चो होय, एठा गुण रुपोटे आपे परमेश्वर गा राज्य गा लायको ठहरातिंजे, दिया घल्जी आपे कासु भी टूलेवा होय।

⁶ परमेश्वर गा नजरेन इनी सही होय, कि डीच डी कुरकू के सिनी जे जो आपेके सिनी जेबा होय।

⁷ एठा डीच आपेके जो मुसीबात गेन होय, शांती जे डेनेगोका आलेके भी। डीच एनेगोका डाएवा जब प्रभु यीशु हेजा गा शक्ती स्वर्गदूतकु गा सेंग्गोन भगा-भागा सिंगेल गेन स्वर्ग टे ओटबा होय।

⁸ एठा जो परमेश्वर के बान चिचाना एठा आलेगा प्रभु यीशु गा अच्छा खाबोर के बान ममानातिंज दिकुके दण्डो जेबा।

⁹ दिकु प्रभु गा सम्माटे एठा दियागा महिमा शक्तीगा तेजो टे लेंक्कीनटे हमेशा गा दण्डो घाटाऊवा।

¹⁰ इनी डी दिन डाऊवा, जब डीच हेजा गा चोखरा कुरकू टे महिमा गेन घाटाऊवा एठा सेबाई विश्वासी कुरकू गा तालान बढाई गा वाजा डाऊवा। आपे भी दिकुन बेल्लायु, चोयाकी आपेनी आलेगा खाबोर लिंजेन विश्वास डाके होय।

¹¹ इनिघल्जी आले आपे घल्जी हमेशा प्रार्थना दडावा होय, आलेगा परमेश्वर आपेके डी जीवन के बिबातातिंज गा लायको समझातिंजे डेगा घल्जी डीचनी आपेके कोंचकेमी होय। एठा डीच आपेन नी भालाई गा हर म्या इच्छा एठा विश्वास गा हर म्या कामय के शक्ती गेल्ला पुराए।

¹² ताकी आलेगा परमेश्वर एठा प्रभु यीशु मसीह गा कृपा गा रोंगो, आलेगा प्रभु यीशु मसीह गा जीमू आपेन नी आदर घाटायु एठा आपेन भी डेनेन आदर घाटायु।