ዬ ማጻፋ 61 - Geeshsha Maxaafa

Dawiti Zammareta Kaabbos Diiththatan Yexxida Mazamure

¹ Abeet Xoossawu! Neni ta waasoza siya; ta woosaakka ezga.

² Ta wozinay taahiin biitta gaxan dashe ta nena xeygays; taappe dhoqqiza zaallaako tana kaaleththa.

³ Neni taas geemmizasonne tani ta morkketappe naagetta attiza mino miixa.

⁴ Tani ne Dunkaanezan mernaas daana; ne qefe giddon kametta attana.

⁵ Abeet Xoossawu! Neni ta adina siyadasa; ne sunththa yayyizayti laattiza laata taaska immadasa.

⁶ Kawoza shemppo gam7isa; iza layththaa yeletappe yeleta gaththa.

⁷ Izi Xoossa sinththan mernaas kawoto; ne mernaa siiqoninne ne tumateththan iza naaga.

⁸ Histtiko tani ta adina gallas gallas gaththana; ne sunththaaka ubbato yeththan sabbana.