ዬ ማጻፋ 43 - Geeshsha Maxaafa

¹ Abeet Xoossawu! Ne taas pirda; Xoossa erontta kawoteththatara ne ta gishshas mootetta; Cimmiza asatappenne iita asatappe tana ashsha.

² Ta Xoossawu! Taas ne mino miixa; histtiin ne tana ays aggadii? Ta morkketi tana qohishin ta ceecashe ays de7oo?

³ Ne poo7onne ne tuma taas kiitta; istti tana kaaleththetto; pude geeshsha zuma bolla ne dizaso tana gaththetto.

⁴ He wode tani tana ufayssiza Xoossako baana; nees yarsho yarshizasoza baada nees goynnana; Abeet Godaa ta Xoossawu! Tani diiththan nena sabbana.

⁵ Tani ays hidota qanxxazinaa? Qasse ays ceecazinaa? Tani Xoossan ammanettays; tana ashshiza ta Xoossaa ta buro galatana.